نصايح أفكار ازاى تلبسي البلوزة البيضاء white blouse في صيف 2018
تقريبا مفيش بنت فينا ماعندهاش بلوزة او قميص أبيض فى دولابها، ورغم انها مش دايما اول حاجة بتيجى فى بالنا لما نفكر هنلبس ايه، لكن وجودها مهم جدا وده لانها ساعات كتيربتبقى هى الحل لمشكلة مش لاقية حاجة البسها، وبتبقى هى الاختيار المناسب فى خروجات النهار فى ايام الحر و الشمس و الحرارة العالية، ولانها راجعة بقوة فى موضة الصيف للسنة دى ، فى المقال ده بنات حوا هيقولولك على نصايح أفكار ازاى تلبسي البلوزة البيضاء white blouse في صيف 2018.
نصايح أفكار ازاى تلبسي البلوزة البيضاء white blouse في صيف 2018
1- High Neck :
البلوزة برقبة عالية ليها شكل مميز جدا و كلاسيكى شوية، ممكن تلبسيها مع بنطلون قماش بستايل A line لو عايزة تعملى لوك كلاسيك او فورمال، ولو عايزة تديها لمسة كاجوال يبقى جربى تلبسيها مع جينز او بنطلون او جيبة فلورال.
2- Lace Blouse :
البلوزات الدانتيل او المعمولة من خامة الـ Lace شكلها بيبقى أنثوى و ناعم جدا، مناسبة لخروجات بالليل او ممكن تعملى بيها outfit بسيط لمناسبة او خروجة على العشاء، جربى تلبسيها مع بنطلون بلون nude زى البيج الفاتح او السيمون.
3- Embroidery :
ستايل الـ Embroidery blouses هيحسسك انك رجعتى طفلة تانى عندها 13 سنة، الستايل ده ميزته انه بيساعدك تعملى لوك بيبان عفوى و طفولى و بيبقى مناسب لخروجات النهار و الفسح، جربى تلبسي بلوزة بيضاء من الستايل ده مع جينز أزرق و شوز أبيض.
4- Plus Size :
البلوزة البيضاء مناسبة كمان للـ plus size لأنه الأبيض زى الأسود من الألوان المحايدة و اللى بتقدر تبين الجسم ارفع و تخليه ملموم، وكمان سهل تنسيقها مع أى لون تانى لأنه الأبيض بيليق على كل حاجة.
5- Long Ruffle Sleeve :
الـ ruffle sleeves مكملة معانا من موضة الصيف اللى فات و بتعتبر من القصات اللى بيبقى شكلها حلو ومميز لو بتحبى تجربى الحاجات المختلفة بعيد عن الستايلات التقليدية، ممكن تلبسي بلوزة بيضا بـ long ruffle sleeves مع جينز علشان تعملى لوك عملى، او ممكن مع بنطلون أسود قماش علشان تعملى لوك semi formal مناسب للشغل و الاجتماعات.
6- Top :
التوب الأبيض طبعا مفيش غنا عنه، مهم يكون فى دولابك توب او 2 من اللون الأبيض علشان ينجزوا معاكى وقت ما تبقى عايزة تلبسي بسرعه علشان متأخرة لكن فى نفس الوقت عايزة تعملى لوك شيك و حلو، ممكن تلبسي التوب الأبيض مع جيبة منقوشة فلورال علشان تعملى لوك صيفى .
7- formal :
طبعا البلوزة البيضا الفورمال مفيش غنا عنها ف مشاويرك المهمة او الانترفيو و اجتماعات الشغل، اتجنبى انك تلبسي البلوزة البيضا الفورمال مع جينز و ممكن تلبسيها مع بنطلون او سكيرت علشان تعملى لوك رسمي.
شوفى معانا ألبوم كامل لتنسيقات و أشكال مختلفة من البلوزة البيضاء :
شوفى معانا كمان بالصور : ازاى تلبسي موضة الـ Pastel Sandals لصيف 2018
