احدث تشكيلة نضارات شمس
نضارات الشمس من الكماليات او الاكسسوارات اللي بتكمل اللوك بتاعنا, لكن لما نيجي نختارها لازم ناخد بالنا اننا نختار الحجم والستايل المناسب لشكل الوش, واحنا اتكلمنا قبل كده بالتفصيل ازاي تختاري النضارة المناسبة لوشك, والنهاردة هنشوف مع بعض احدث تشكيلة نضارات شمس للموسم ده.
في مجموعة ستايلات منوعة نازلة من نضارات الشمس تقدري تختاري منها, ودلوقتي التجديد في النضارات مبقاش في الستايل بس, كمان في الالوان بقت تنزل الوان مختلفة للنضارات زي الاصفر, والنيون بينك, واللون الجملي, والابيض, والسيلفر, والاسود, ودرجات الاورانج المختلفة اللي تقدري تختاري منها اي درجة تحبيها.
والاطارات بالحجم المتوسط هي اللي نازلة تريندي جدا لموسم الصيف ده, ومستمر معانا استايل العدسات ال Mirror اللي نازل تريندي من اكتر من موسم.
تعالوا نشوف مع بعض بالصور احدث تشكيلة نضارات شمس:
