موضة البنطلونات لصيف 2018

البنطلونات او السراويل من القطع المريحة والبسيطة جدا, ومصممين الازياء بقوا يبتكروا فيها تصميمات وستايلات مختلفة ومنوعة جدا, والنهاردة من خلال موضوعنا هنشوف موضة البنطلونات للصيف وازاي تلبسيها.

الموضة السنة دي في البنطلونات هي ال Dressy Pants او السراويل المريحة العملية اللي تمشي مع الملابس الفورمال او الرسمية وكمان مع اللبس الكاجوال, لو عايزاها في لوك فورمال ممكن تنسقي معاها بلوزة وبليزر او توب, ولو عايزاها بلوك كاجوال ممكن تلبسي عليها تيشرت او شيميز كاجوال, او تيشرت ومعاه كارديجان طويل او قميص جينز.

وطبعا الشوز تنسقيه حسب اللوك لو فورمال البسي شوز بكعب, ولو كاجوال ممكن تلبسي سنيكرز, او صندل, او سابوه.

ونازل من السراويل مجموعة منوعة وجميلة جدا من التصاميم منها اللي بحزام فيونكة, والبنطلون البلازو الواسع, والستايل البوهيمي, والمخطط, والسكيني, وكتير من الستايلات اللي تقدري تختاري منهم اللي تفضليه اكتر.

والستايلات المخططة او المطبوعة مناسبة جدا للبنات اللي بيحبوا الحاجات المميزة الملفتة للنظر, والسروال مع الحزام الفيونكة مناسب للبنات اللي بيحبوا يلبسوا الحاجات التريندي او بيحبوا يجربوا كل حاجة بتنزل جديدة وموضة.

تعالوا نشوف مع بعض بالصور موضة البنطلونات للصيف:

افكار تنسيقات ملابس كاجوال وعلى الموضة للسيدات و البنات فى 2018