بالفيديو : وصفة الريد فيلفيت تشيز كيك اللذيذة Red Velvet Cheesecake
بقينا فى رمضان و أكيد نفسنا نغير من حلويات رمضان بتاعت كل سنة من قطايف و كنافة و غيرها، فى المقال ده هنقولك على حلو ماحدش فينا مابيحبوش و كمان سهل تعمليه بنفسك فى البيت من غيرمجهود كتير ، فى المقال ده بنات حوا هيقولولك بالفيديو و الخطوات ازاى تعملى وصفة الريد فيلفيت تشيز كيك اللذيذة Red Velvet Cheesecake ..
بالفيديو : وصفة الريد فيلفيت تشيز كيك اللذيذة Red Velvet Cheesecake
الكمية :
تكفى 6 – 7 أشخاص .
المقادير :
لطبقة البسكويت :
20 قطعة من بسكويت اوريو الأحمر .
6 معالق أكل من الزبدة السايحة .
رشة ملح صغيرة .
للـ cheese cake :
3 كوبايات من الجبنة الكريمى او الـ cream cheese .
كوباية من السكر .
3 حبات بيض كبار .
معلقتين أكل من الفانيليا .
معلقة من عصير الليمون .
للـ Red velvet cake :
معلقتين من بودرة الكاكاو .
معلقتين من لون الطعام الأحمر الطبيعى ” هتلاقيه بسهولة عند أى عطار او محلات مستلزمات الحلويات ” .
كوبايتين و نص من الدقيق متعدد الأغراض منخولين .
معلقة ملح .
نص كوباية من الزبدة فى درجة حرارة الغرفة .
كوباية و نص سكر .
حبتين بيض كبار .
كوباية حليب .
معلقة خل .
لطبقة الـ Cream cheese :
نص كوباية من الـ cream cheese فى درجة حرارة الغرفة .
ربع كوباية من الزبدة فى درجة حرارة الغرفة .
ربع كوباية سكر بودرة .
معلقة أكل من الفانيليا السايلة .
نص معلقة أكل من عصير الليمون .
red velvet cheese cake
الخطوات :
1- حضرى طبقة البسكويت، جهزى صينية مقاس 22 و ادهنيها بزيت خفيف اوى او رشيها بـ cooking spray وخليها على جنب .
2- شيلى طبقة الكريمة من البسكويت واركنيها فى طبق على جنب ، فى العجانة او بايدك اطحنى البسكويت كويس اوى لحد ما يبقى شبه الرمل فى نعومته و ضيفى عليهم الزبدة السايحة و رشة ملح واخلطيهم ببعض كويس و بعد كده افردى طبقة البسكوت فى الصينية و اضغطى عليها بايديكى كويس اوى. بعد كده حطيها فى التلاجة علشان تجمد .
3- ابدأى فى تحضير التشيزكيك : سخنى الفرن على درجة حرارة 160 .
4- فى بولة كبيرة ، اضربى الـ cream cheese لحد ما يكون طبقة هشة باستخدام مضرب البيض ، ضيفى السكر و ماتقلبيش كتير.
5- طلعى صينية البسكويت من التلاجة ، ضيفى عليها خليط الكريم تشيز مع السكر و خليهم الفرن و سيبيهم من 40 لـ 45 دقيقة لحد ما التشيز كيك تستوى كويس ، طلعيها من الفرن و سيبيها تبرد ساعه على الاقل و بعد كده حطيها فى التلاجة 4 ساعات على الاقل او يبقى افضل لو سيبتيها طول الليل علشان تبرد و تتماسك كويس .
6- ابدأى اعملى كيك الريد فيلفت ، سخنى الفرن على درجة حرارة 175 – 180 و افرشى ورق زبدة فى صينية متوسطة ، مقاس 22 ، ادهنيها زبدة على خفيف او رشيها بـ cooking spray .
7- فى بولة صغيرة ، امزجى الكاكاو و لون الطعام الأحمر لحد ما يكونوا خليط فى قوام المعجون ، ضيفى الدقيق و الملح و قلبيهم سوا .
8- فى العجانة ، امزجى الزيدة مع السكر لحد ما يكونوا خليط كريمى ، واول ما ينعموا ضيفى البيض ، بيضة ورا التانية مش مع بعض مرة واحدة ، ضيفى الفانيليا و الخليط الأحمر اللى عملناه من شوية ، وبعد كده ضيفى الدقيق و الحليب بالتبادل واتاكدى انك بتمزجى المكونات كويس بعد كل اضافة ، بعد كده ضيفى الخل و اعجنى لحد ما يتكون خليط ناعم .
9- صبى خليط المكونات كله فى الصينية و اخبزيه فى الفرن 25 لـ 30 دقيقة و اتأكدى انه استوى بانك تدخلى خلة أسنان او طرف سكينة و تطلع نضيفة ، سيبيها على جنب تبرد ، وبعد كده اقسمى الكيك تلتين و تلت ، وخدى التلت و كسريه و سيبيه 20 دقيقة ينشف و بعدين سيبيه على جنب .
10- فى بولة كبيرة ، امزجى الزبدة و الكريم تشيز بالمضرب اليدوى لحد ما يكونوا خليط ناعم ، ضيفى السكر البودرة و عصير الليمون و الفانيليا .
11- ابدأى فى ترتيب الطبقات، حطى طبقة التشيز كيك الاولى اللى خبزناها فى الفرن فى طبق التقديم و فوقيها الـ red velvet cake و بعد كده افردى عليها طبقة الكريم تشيز و خليها متساوية و بعد كده زينيها بفتات الكيك اللى نشفناه .
red velvet
شوفى معانا فيديو كامل للوصفة بالخطوات ..
اعرفى معانا كمان تشيز كيك بالشوكلاته من غير لا خبز ولا فرن!