ازاي ترجعي رشاقة جسمك بعد الولادة في البيت وبطريقة فعالة وسريعة

ريهام محمود
ريهام محمود
912

بعد الولادة والانشغال برعاية البيبي مش بيبقى في وقت انك تروحي الجيم تمارسي رياضة, لكن في نفس الوقت بتبقي عايزة ترجعي رشاقة جسمك ومش عارفة تعملي ايه او تجيبي وقت منين, عشان كده النهاردة هنقولك تمارين ترجعلك رشاقة جسمك بعد الولادة تقدري تعمليها في البيت, وكمان هتعمليها مع البيبي, يعني مش بس هتحرقي سعرات حرارية لكن كمان هتقضي وقت مع طفلك.

تمارين ترجعلك رشاقة جسمك بعد الولادة:

1- تمرين ال Squats:

امسكي البيبي بايديكي الاتنين, اقفي مستقيمة, وافتحي القدمين بحيث يكونوا في عرض الكتفين, انزلي لتحت كأنك هتقعدي على كرسي, وبعدين ارجعي للوضع الاول, وكرري التمرين.

تمارين ترجعلك رشاقة جسمك بعد الولادة 1
تمارين ترجعلك رشاقة جسمك بعد الولادة 1

2- تمرين Forward Lunges:

اقفي مستقيمة, وشيلي البيبي قريب من منطقة البطن, بالرجل اليمين خدي خطوة كبيرة لقدام, وانزلي بجسمك بحيث الركبة تبقى على زاوية 90 درجة, كرري نفس الحركة للرجل التانية, وكرري التمرين.

تمارين ترجعلك رشاقة جسمك بعد الولادة 2
تمارين ترجعلك رشاقة جسمك بعد الولادة 2

3- تمرين Side Lunges:

امسكي الطفل على ايديكي الاتنين وبطنه تكون لتحت زي ما هو باين قدامنا في الصورة, وخدي خطوة كبيرة للجنب وحافظي على الرجل مستقيمة, واتأكدي ان ركبتك التانية المتنية مش معدية صوابع رجليكي, اعملي نفس الحركة للرجل التانية, وكرري التمرين.

تمارين ترجعلك رشاقة جسمك بعد الولادة 3
تمارين ترجعلك رشاقة جسمك بعد الولادة 3

4- تمرين Piles:

اقفي وافتحي رجلك خليهم اعرض من الكتفين, شيلي البيبي, اتني الركبتين على قد ما تقدري لحد ما توصلي لزاوية 90 درجة, اثبتي على الوضع ده من 2 – 3 دقايق, بعدها ارجعي للوضع الاولاني, وكرري التمرين.

تمارين ترجعلك رشاقة جسمك بعد الولادة 4
تمارين ترجعلك رشاقة جسمك بعد الولادة 4

5- تمرين Hip Bridges:

نامي على ضهرك مع تني الركبتين, شيلي البيبي بايديكي الاتنين لفوق, او ممكن تقعديه على الوركين لو امكن, ارفعي الوركين لفوق, وبعدين ارجعي تاني على الارض, وكرري التمرين.

تمارين ترجعلك رشاقة جسمك بعد الولادة 5
تمارين ترجعلك رشاقة جسمك بعد الولادة 5

6- تمرين Reverse Curls:

نامي على الارض على ضهرك, واتني الركبتين ناحية الصدر, وحطي البيبي على الساقين, ارفعي الوركين والجزء اللي فوق من الجسم لفوق بعيد عن الارض, لحد ما توصلي انك تبوسي البيبي على جبينه وبعدها ترجعي للوضع الاول, وكرري التمرين.

تمارين ترجعلك رشاقة جسمك بعد الولادة 6
تمارين ترجعلك رشاقة جسمك بعد الولادة 6

7- تمرين ال Plank:

نيمي الطفل جنبك على بطنه, وانتي اسندي بالكوعين على الارض, وساندة بصوابع رجلك , واتأكدي ان الذراعين تحت منطقة الكتف, خلي جسمك كله في خط مستقيم من الراس للكعب, واثبتي على الوضع ده من 1 – 2 دقيقة, وبعدها خدي راحة وممكن تكرريه تاني.

تمارين ترجعلك رشاقة جسمك بعد الولادة 7
تمارين ترجعلك رشاقة جسمك بعد الولادة 7

حاولي تخصصي وقت يوميا لروتين التمارين دي, وخلي بالك من سلامة البيبي اثناء التمارين, واعتبريها كأنها وقت بتلعبي فيه مع البيبي شوية وفي نفس الوقت هتحرقي سعرات وتظبطي جسمك.

10 نصايح فعالة هتساعدك على خسارة الوزن بعد الحمل

خسارة الوزن بعد الحمل
خسارة الوزن بعد الحمل

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن