سر هيساعدك على تخسيس الوزن في 5 دقايق بس في اليوم
اكيد كلنا نعرف وسمعنا عن مساج الجسم لكن اللي منعرفوش ان المساج مش بس بيريح العضلات لكن كمان بيساعد على تخسيس الوزن, والحصول على جسم صحي بشكل عام لانه بيساعد على تخليص الجسم من السموم, والنهاردة هنقولك طريقة المساج لتخسيس الوزن, والتمارين مش هتاخد منك اكتر من 5 دقايق بس في اليوم.
المساج لتخسيس الوزن:
1- مساج للمؤخرة:
الطريقة بسيطة جدا هتعملي مساج باطراف الصوابع بس, هتبدأي من الساقين لحد ما توصلي للارداف في حركات دائرية, زي ما هو باين في حركة السهم قدامنا في الصورة كده.
2- مساج للفخدين:
بالصوباع الابهام هتضغطي على النقطة اللي باينة قدامنا في الصورة لحد ما تحسي بتمدد في منطقة الفخد, النقطة دي بتخلص الجسم من السموم, ونتيجة لده هيساعدك على التخلص من السيلوليت.
3- مساج للركبتين:
الركبتين جزء مهم جدا وضروري نهتم بيه عشان تحسي بالراحة في الساق كلها, وعشان نعمل المساج اول خطوة اقعدي على كرسي, ابدأي من اعلى جزء في الركبة من فوق, ودلكي تدليكات صغيرة لبره, وبعدين دلكي المنطقة اللي حوالين عضمة رأس الركبة في حركات دائرية, زي ما باين حركة الاسهم للطريقتين قدامنا في الصورة.
4- مساج لسمانة رجل مثالية:
عشان تعملي التمرين ده, نامي على ضهرك. وحطي مخدتين تحت منطقة السمانة, واسحبي الرجل التانية ناحية الصدر, ودلكي السمانة بايديكي الاتنين, وافركيها بتدليكات صغيرة, واضغطي بصوابعك عليها من ضغط متوسط لقوي, وبعدين ارجعي للوضع الاول واسترخي, وكرري نفس التدليك للرجل التانية.
5- مساج لنحت منطقة الكاحل:
اعملي حلقة بايديكي الاتنين حوالين منطقة الكاحل, يعني لفي ايديكي الاتنين حواليها ودلكيها وانتي بتحركي ايدك لفوق, لحد ما توصلي للمنطقة اللي ورا الركبة.
– ملحوظات:
– بالنسبة للوقت لكل التمارين اللي احنا قولناها متقلش عن دقيقة لكل منطقة.
– لو انتي ماشية مع المساج ده على نظام غذائي صحي معتمد على سوايل كتير هيجيب معاكي نتايج اسرع.
– مع الانتظام على المساج هتلاحظي تغييرات في وقت اسرع مما تتخيلي, وفي البداية هتحسي باسترخاء في كل عضلاتك, وبعدها هتلاحظي النتايج بشكل اوضح.