10 نصايح مكياج ازاي تطلعي بلوك حلو لو كنتي مش نايمة كويس ووشك مرهق

ريهام محمود
ريهام محمود
في
مكياج
3017

بيعدي علينا اوقات كتير بنكون مش نايمين كويس وده اكيد بينعكس على وشنا وبيخليه شكله مجهد ومرهق, وعشان تداري اثار قلة النوم والتعب وتطلعي بلوك حلو هنقولك النهاردة نصايح مكياج تداري اثار قلة النوم وتبين وشك كأنك كنتي نايمة كويس ومش مرهقة.

نصايح مكياج تداري اثار قلة النوم:

1- رشي وشك بمية سقعة:

اول خدعة سهلة وبسيطة ونتجيتها فعالة جدا, انك ترشي الوش بمية سقعة او مية فيها تلج الحيلة دي هتخلي بشرتك شكلها فريش جدا, وهتدي لون احمر للخدود بشكل طبيعي لانه هتزود الدورة الدموية, وهتخليكي كمان فايقة ومصحصحة وشكل بشرتك حلو من قبل حتى ما تبدأي في المكياج.

نصايح مكياج تداري اثار قلة النوم 1
نصايح مكياج تداري اثار قلة النوم 1

2- ترطيب البشرة من جوه:

نصيحة كمان تعمليها قبل نصايح المكياج, وهي انك تشربي كوباية مية كبيرة, لو مرهقة ومش نايمة طول الليل كوباية المية, وده يعتبر حل بسيط هيساعد على تغذية البشرة والتخلص من الخشونة والارهاق.

نصايح مكياج تداري اثار قلة النوم 2
نصايح مكياج تداري اثار قلة النوم 2

3- اخفاء الهالات السودا والانتفاخات:

قبل ما تحطي اي كونسيلر, لطفي منطقة حوالين العين بحاجة باردة الاول, ممكن تمرري مكعب تلج عليها, او كيس شاي بارد, الحاجة الباردة هتساعد على تقليل الانتفاخات والاكياس اللي تحت العين والهالات السودا, وده يعتبر حل سريع وفعال جدا للعيون المرهقة, كمان الطريقة دي بتساعد على شد المنطقة اللي تحت العين, وبمرور الوقت كمان مع الاستمرار على الطريقة دي هتدي نعومة وهتجدد شباب الجلد اللي حوالين العين.

نصايح مكياج تداري اثار قلة النوم 3
نصايح مكياج تداري اثار قلة النوم 3

شوفي من هنا ازاي تستخدمي بياض البيض لعلاج الهالات السودا وانتفاخ العين.

4- استخدام الكونسيلر:

الكونسيلر يعتبر الحل السريع ليكي في حالة انك منمتيش كويس وشكلك عينك مرهق او تحتها هالات سودا, لانه بيساعد على اخفاء الهالات بالاضافة كمان لجفاف البشرة حوالين الفم والانف اللي ممكن يحصل بسبب قلة النوم, حطي الكونسيلر تحت العين او حوالين منطقة الانف والفم او على اي عيوب تانية في البشرة عشان تغطيها, وامزجيه على البشرة بخفة بالبيوتي بلندر او باطراف صوابعك, وممكن تحطي طبقة تانية لو حسيتي ان التغطية مش كافية لحد ما توصلي للتغطية اللي انتي محتاجاها.

نصايح مكياج تداري اثار قلة النوم 4
نصايح مكياج تداري اثار قلة النوم 4

شوفي من هنا 19 حيلة عبقرية بالكونسيلر لازم تكوني عرفاهم.

5- تنشيط العين:

العيون اكتر جزء ممكن يبان عليه قلة النوم والارهاق جدا, وعشان ده ميبانش ممكن تنشطي العين وتداري الارهاق بخطوة بسيطة, ممكن تستخدمي قلم فضي على الزوايا الداخلية للعين, هتدي لوك ناعم وفريش للعين, وعشان تعملي لوك سموكي بطريقة سهلة, ارسمي خط باللون الاسود على طول خط الرموش اللي فوق واللي تحت, وامزجيه باطراف صوابعك, الطريقة دي هتدي لوك سموكي ناعم اوي.

نصايح مكياج تداري اثار قلة النوم 5
نصايح مكياج تداري اثار قلة النوم 5

6- متستخدميش ايشادو غامق:

عشان تبيني العيون مشرقة وتداري الارهاق وقلة النوم استخدمي الوان ايشادو فاتحة وابعدي عن الدرجات الغامقة, وممكن تستخدمي درجات الدهبي عشان تدي عيونك نظرة ومشرقة وبراقة اكتر, حطي لون فاتح بيلمع على الجفن كله, وممكن على الزاوية الخارجية بس للعين تستخدمي درجة اغمق شوية وامزجيه لجوه بالفرشة مع اللون الفاتح عشان تعملي لوك ناعم.

نصايح مكياج تداري اثار قلة النوم 6
نصايح مكياج تداري اثار قلة النوم 6

شوفي من هنا طريقة رسم الايشادو بالخطوات..وازاي تختاري اللي يناسبك.

7- تني الرموش:

حتى لو معندكيش وقت للماسكارا, على الاقل اتني الرموش باستخدام اداة تني الرموش, ده هيدي وسع للعين ويخليها فريش ومتجددة بشكل فوري.

نصايح مكياج تداري اثار قلة النوم 7
نصايح مكياج تداري اثار قلة النوم 7

شوفي من هنا ايه هي اداة تني الرموش “Lash curler” ونصايح في استخدامها.

8- استخدام البلاشر:

ادي لون وردي لتفاحتين الخد, بالبلاشر او حتى بالروج الوردي لو مش متوفر عندك بلاشر وردي, اللون الوردي هيدي اشراق لبشرتك ويداري الارهاق, بالفرشة حطي البلاشر الوردي على عضمتين الخد, وعند خط الشعر, والانف, وخط الفك, وعشان تحددي الملامح اكتر, ممكن تحطي بلاشر بيلمع على تفاحة الخد, وبلاشر مات عند انحناءات الخدين او المنطقة اللي تحت عضمة الخدين.

نصايح مكياج تداري اثار قلة النوم 8
نصايح مكياج تداري اثار قلة النوم 8

شوفي من هنا ازاي تحطي البلاشر حسب شكل وشك.

9- خلي شفايفك هي مركز الاهتمام:

ممكن تجذبي النظر بعيد عن منطقة العين المرهقة بانك تركزي على الشفايف, ممكن تعملي ده باستخدام روج احمر لان دايما اللون ده بيلفت النظر ده غير انه هيدي وشك حيوية جدا, وممكن تمزجي اكتر من درجة للروج مع بعض, حطي لون الدرجة الفاتحة في منتصف الشفايف, والدرجة الغامقة على الحواف الخارجية للفم, وممكن تستخدمي قلم تحديد الشفايف كتاتش نهائي عشان تمزجي بيه الالوان مع بعض وتعملي لون خاص بيكي.

نصايح مكياج تداري اثار قلة النوم 9
نصايح مكياج تداري اثار قلة النوم 9

10- استخدمي برونزر:

لما بتحسي بالتعب والارهاق وبتعاني من قلة النوم البشرة بتبقى شكلها باهت جدا, والطريقة المثالية لحل المشكلة دي بشكل سريع وفوري هي استخدام البرونزر, هيديكي حياة واشراق لبشرتك, بالفرشة ارسمي رقم 3 بالبرونزر على الوش ابتدأ من طول خط الشعر, والخدين, والفك, عشان تعملي لوك طبيعي, والطريقة دي تعتبر السلاح السري اللي بيستخدمه كل ال Makeup artist لعمل الكونتور وتحديد ملامح الوش, وفي الاخر شيلي بالفرشة اي بودرة زيادة عشان تتجنبي ان اللون ميبقاش اوفر على الوش.

نصايح مكياج تداري اثار قلة النوم 10
نصايح مكياج تداري اثار قلة النوم 10

12 حيلة مكياج هتخليكي تحطي مكياجك بشكل اسهل ويطلع احلى

حيل مكياج
حيل مكياج

مقالات متعلقه

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 نصايح مكياج من خبراء مكياج المشاهير هتفرق معاكي

10 نصايح مكياج من خبراء مكياج المشاهير هتفرق معاكي

ازاي تنظمي المكياج بتاعك بسرعة وبطريقة سهلة

ازاي تنظمي المكياج بتاعك بسرعة وبطريقة سهلة