10 علامات واضحة تقولك ان حبيبك القديم عايز يرجعلك بس مش قادر يعترف

بقلمريهام محمود فيعلاقات visibility21582

لما بيحصل انفصال بين اي اتنين مرتبطين اكيد دي مش نهاية العالم, ولكن بتبقى مرحلة في حياتنا وبنكمل بعدها, بس الاسابيع اللي بعد الانفصال على طول بتكون هي اصعب فترة بنمر بيها, وكل واحدة بتقعد تسأل نفسها هل ممكن مثلا تستمروا كأصدقاء ولا هتبقي في عداوة وكره, او ممكن ترجعوا مع بعض تاني, وعشان نخرج بنات حوا من الحيرة دي, هنساعدكم ونقولكم علامات تقولك ان حبيبك عايز يرجعلك, لو عملها تعرفي انه عايز يرجع بس خايف ياخد الخطوة او يعترف بده.

علامات تقولك ان حبيبك عايز يرجعلك:

1- هيخلق حجه للاتصال:

هيخلق اي سبب او حجة عشان يتصل بيكي, ودي تعتبر علامة انه مفتقدك وعايز يرجع لك مرة تانية, ودي علامة المفروض متتجاهليهاش, لان ده معناه انك لسه بتعني له ووفر من وقته عشان يكلمك انتي بالذات, وهتلاقيه في النهاية بيقولك اي سبب تافه عشان بس يبرر اتصاله.

2- هيرشحلك حاجة قراها:

هيكلمك او يبعت لك مسج ويقولك مثلا كان بيقرا رواية او كتاب وعجبه جدا وعايز يشوفك عشان يديكي الكتاب تقريه, ودي تعتبر خطة منه عشان يقابلك ويشوفك, وهيبقى مستعد حتى انه يقرا كتاب مخصوص عشان يكلمك وتبقى حجه للمقابلة.

3- هيفكرك بالذكريات بينكم:

هتلاقيه بيكلمك ويفكرك بالذكريات واللحظات اللي كانت بينكم, هيقولك مثلا فاكرة اتقابلنا ازاي؟ او فاكرة وقت ما عملنا كذا, وده دليل على حاجة واحدة بس انه مفتقدك وعايز يرجعلك تاني, لان مافيش حد هيفتكر اللحظات الحلوة الا اذا كان فعلا مفتقدها لان اللي عايز يكمل حياته بعيد عن الطرف التاني اخر حاجة هيعملها انه يفتكر ذكريات الماضي, عشان كده بيحاول يفكرك بالذكريات عشان يشعل شرارة الحب تاني جواكي, وتبدأي تفكري مرة تانية انك ترجعيله.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

4- هيحاول يوصلك انه قد ايه اتغير:

لو كانت من اسباب الخلاف بينكم انك دايما بتنتقدي فيه حاجات معينة, فهو في الحالة دي حرفيا هيحاول باي طريقة يوصلك انه قد ايه اتغير, ودي علامة واضحة جدا تقولك انه بيحاول يقنعك بانه انسان مختلف دلوقتي وانك ممكن تديه فرصة تانية وترجعي له.

5- مش هيدخل في اي علاقة تانية:

هيحاول يعرفك او يوصلك انه محبش حد تاني او دخل في علاقة تانية, وده معناه انه بيقولك هو قلبه مافيش فيه حد تاني, ولكن مش عايز يعترف بده بطريقة مباشرة, يعني بيقولك الباب مفتوح وكل اللي عليكي انك تخبطي عليه بس.

6- هيرتب لمقابلة:

ممكن يحجز تذكرتين لسينما او حفلة مثلا ويتصل يقولك انه كان حاجز وهيروح مع صديق بس اعتذر على اخر لحظة, ايه رايك تاخدي التذكرة وتيجي معايا, وهو الحقيقة انه بيبقى قاصد يعمل كده عشان بس يخرج معاكي.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

7- هتلاقيه اكتيف على السوشيال ميديا:

هتلاقي دايما بيكتب حاجات تلفت انتباهك ويبقى قاصدك انتي بيها, يعني بيوجهلك رسالة بطريقة غير مباشرة, مثلا ينشر اغنية عارف انك بتحبيها, او ممكن يبقى واضح وصريح اكتر وينشرها على صفحتك انتي مباشرة, في كل الاحوال لو لقتيه اكتيف اوي اكتر من المعتاد وبيكتب ويشير حاجات كتير, دي تعتبر علامة واضحة جدا انه عايز يلفت انتباهك وانه مفتقدك.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

8- هتلاقيه بيحسن من نفسه:

لو مثلا كان عنده عادات سيئة زي التدخين او غيرها هتلاقيه بدأ انه يبطلها وبيحاول يحسن من نفسه ويبعد عن الحاجات اللي كانت ممكن تكون بتضايقك وانتوا مع بعض, ولما انفصلتوا وحس انه مش قادر يبعد عنك قرر انه يبطلها عشان يديكي اشارة انك ممكن تقكري ترجعي له تاني لما تلاقيه بيتغير للاحسن.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

9- هيفضل يراسلك باستمرار:

لو حرفيا مش بيقدر يقعد يومين من غير ما يبعتلك رسالة, فدي تعتبر علامة تانية واضحة لازم تاخدي بالك منها, ولو انتي مش عايزة ترجعي له تاني فافضل حاجة تعمليها في الحالة دي انك تردي بشكل اقل يعني متفتحيش الباب ووصلي له انك مش عايزة ترجعي بطريقة غير مباشرة لحد ما توصله الصورة ويفهم ده.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

10- هيفضل يغير عليكي:

لو انتوا بتتجمعوا دايما في مكان واحد سواء في الشغل او في الجامعة او بينكم اصدقاء مشتركين واتقابلتوا, لو شافك واقفة مع حد تاني هتلاقيه جاي يجري عليكي وهتحسي انه متضايق جدا, وده علامة تقولك انه لسه بيحبك ومعتبرك لسه حاجة تخصه ومش عايز حد تاني يقرب منك.

علامات تقولك ان حبيبك عايز يرجعلك
علامات تقولك ان حبيبك عايز يرجعلك

8 عادات سيئة ممكن تتسبب في تدمير العلاقة لازم تتجنبيهم

عادات ممكن تدمر العلاقة
عادات ممكن تدمر العلاقة