12 نوع اكل لمكافحة الامراض بطريقة طبيعية وبشكل فعال

بقلمريهام محمود فيصحة visibility439

كلنا اول ما بنحس بتعب اكيد اول حاجة بنفكر فيها هو العلاج الطبي, لكن في امراض ممكن تتعالج بالاكل بطريقة طبيعية, والنهاردة من خلال موضوعنا هنقولكم على انواع اكل بتساعد على علاج الامراض والوقاية منها, وليها تأثير ايجابي عليكي من جوه وكمان على مظهرك الخارجي, والاكل الصحي عموما المفروض اننا تمشي عليه حتى لو مش بنعاني من اي مشاكل صحية عشان نحمي نفسنا من الامراض.

انواع اكل بتساعد على علاج الامراض:

1- الليمون والبقدونس والكرفس لتنضيف الكبد وتخسيس الوزن في 72 ساعة:

المشروب ده هتشربي منه 3 مرات في اليوم لمدة 3 ايام ورا بعض, مع تجنب الاكلات التقيلة والدسمة واكل الاكلات الصحية بس, هيساعد على ازالة السموم من الكبد, وتخسيس الوزن.

المكونات:

عصير 3 ليمونات.

كوباية بقدونس متقطع.

5 عيدان كرفس مسلوق على البخار.

6 كوبايات مية.

الطريقة:

في البلندر اخلطي عصير الليمون والبقدونس والكرفس واضربيهم, وبعدين ضيفي المية واضربيهم تاني مع بعض, واشربي منه 3 مرات في اليوم على معدة فاضية, لمدة 3 ايام, ولو حبيتي تكرريه تاني, خدي راحة لمدة من 7 – 10 ايام وبعدين كرريه تاني.

انواع اكل بتساعد على علاج الامراض
انواع اكل بتساعد على علاج الامراض

2- القرفة باللبن لعلاج البرد والانفلونزا:

القرفة ليها خصائص مضادة للفطريات, ومضادة للبكتيريا وكمان الفيروسات, وبتحتوي على مضادات للاكسدة قوية, وخليط القرفة واللبن ممكن يبقى دوا طبيعي مفيد لامراض كتير, هيساعدك على الاسترخاء, وهيخليكي تنامي بشكل احسن, بيساعد على منع وعلاج البرد والانفلونزا, مفيد جدا لبرودة اطراف الايد والرجل في الشتا, بيزود من كثافة العضم وبالتالي بيمنع التهاب المفاصل, بيخفف من مشاكل الجهاز الهضمي زي عسر الهضم والتشنج, بيحافظ على صحة الامعاء وبالتالي يعتبر علاج فعال جدا للاسهال عند الاطفال, مشروب مثالي جدا لمرضى السكر لانه بيساعد الجسم على الاستجابة للانسولين بشكل فعال اكتر وده بالتالي بيحافظ على مستويات السكر صحية في الدم, بيساعد على التقليل من التجاويف وتقوية اللثة والحماية من التسوس, بيساعد بشكل فعال جدا في تخسيس الوزن لان القرفة بتبطء عملية نقل الاكل للمعدة وده هيخليكي تحسي بالشبع لفترة اطول, بيساعد في علاج التهاب الحلق.

خليط القرفة واللبن البارد مفيد جدا للبشرة ممكن تدهني بيه بشرتك قبل النوم وتسيبيه طول الليل هيخلي بشرتك ناعمة وهيقلل البثور.

 كمان القرفة باللبن مفيدة جدا لترطيب الشعر حطي القرفة باللبن في ازازة ببخاخ وقبل ما تغسلي شعرك رشيه كله بالخليط وسيبيه من 2 – 3 ساعات وبعدها اغسليه بالشامبو بالطريقة العادية هتلاقي شعرك بقى صحي وناعم وبيلمع.

الطريقة:

اخلطي ¼ معلقة صغيرة قرفة, مع كوباية مية دافية, وممكن تضيفي عسل نحل حسب الرغبة, وكام نقطة من خلاصة الفانيليا.

انواع اكل بتساعد على علاج الامراض
انواع اكل بتساعد على علاج الامراض

3- مضاد حيوي طبيعي قوي:

ده يعتبر مضاد حيوي طبيعي قوي بيساعد على تجديد الجسم, وتقوية جهاز المناعة, وهيحميكي من اي عدوى او التهابات او بكتيريا.

المكونات:

3 كوبايات خل تفاح.

¼ كوباية ثوم متقطع.

¼ كوباية بصل متقطع.

2 ثمرة فلفل حار.

¼ كوباية جنزبيل مبشور.

2 معلقة صغيرة فجل مبشور.

2 معلقة صغيرة كركم.

3 معالق صغيرة عسل نحل.

الطريقة:

اخلطي كل المكونات في طبق ماعدا خل التفاح, قلبيهم مع بعض ولما يمتزجوا كويس حطيهم في برطمان, وضيفي لهم خل التفاح, اقفلي البرطمان ورجيه كله كويس عشان تخلطي كل المكونات مع الخل.

حطي البرطمان في مكان بارد وضلمة لمدة 14 يوم, وبعدين صفي الخليط على شاشة.

خدي معلقة صغيرة كل يوم من الخليط, هتكون كافية جدا, وطعمه هيكون قوي شوية لكن مفيد وفعال جدا وهيحميكي من اي عدوى او بكتيريا.

انواع اكل بتساعد على علاج الامراض
انواع اكل بتساعد على علاج الامراض

4- الحليب الدهبي للحماية من السرطان:

الخليط ده بيسموه بالحليب الدهبي وليه فوايد كتير جدا, بيقوي جهاز المناعة وبيجدده, بيعالج الاكتئاب, بيحتوي على تأثيرات مضادة للسرطان, مطهر ومضاد للالتهابات, ويعتبر مسكن طبيعي, بيطهر الكبد, بيعالج مشاكل الجلد, بيحسن الهضم, بينظم عملية التمثيل الغذائي, بيقلل الكوليسترول, بيقلل من مخاطر الاصابة بالامراض الصحية, ومرض الزهايمر, ولافضل النتايج يتشرب منه كل يوم كوباية لتحسين الصحة بشكل عام.

المكونات:

1 معلقة صغيرة جنزبيل بودرة.

½ كوباية “8 معالق” كركم.

½ معلقة صغيرة فلفل اسود مطحون.

1 ½ كوباية مية “360 مل”, بالاضافة ل ½ كوباية كمان من المية “120 مل”.

½ معلقة صغيرة قرفة.

¼ كوباية عسل نحل “60 مل”.

½ معلقة صغيرة حبهان مطحون.

½ كوباية حليب جوز الهند “120 مل”.

الطريقة:

ضيفي الكركم ل 1 ½ مية وحطيهم على نار هادية وقلبيه بمعلقة خشب وقبل ما يغلي, ضيفي ½ كوباية المية وقلبيهم مع بعض.

ضيفي باقي المكونات للخليط, وسيبيهم مع بعض على نار هادية مع التقليب, لحد ما يبقى عندك مزيج في قوام الحليب ارفعيه من على النار.

انواع اكل بتساعد على علاج الامراض
انواع اكل بتساعد على علاج الامراض

5- وصفة لتنضيف الشرايين:

وصفة المانية قديمة, بتطهر الشرايين بشكل فعال, وبالتالي ده بيمنع تكلس الشرايين.

المكونات:

قطعة صغيرة من جذور الجنزبيل.

4 ليمونات.

4 فصوص ثوم كبيرة.

2 لتر مية.

الطريقة:

اغسلي الليمون وقطعيه, حطيه في الخلاط وضيفي له الثوم والجنزبيل, حطي الخليط في حلة كبيرة وضيفي له المية, وقبل ما يغلي ارفعيه من على النار, سيبيه يبرد, وبعدها صفية واحتفظي بيه في ازازة في التلاجة.

اشربي ½ كوباية كل يوم قبل الوجبة بساعتين على الاقل او على معدة فاضية, استمري عليه لمدة 3 اسابيع, بعدها وقفيه لمدة اسبوع وارجعي اشربي منه تاني لو محتاجة, وقبل ما تشربي منه كل مرة رجي الازازة كويس.

انواع اكل بتساعد على علاج الامراض
انواع اكل بتساعد على علاج الامراض

6- وصفة لألم الضهر والمفاصل:

لو بتعاني من الم ومشاكل في المفاصل او الضهر او الساقين او الرقبة, او الم العمود الفقري, الوصفة دي هتكون مناسبة جدا ليكي, لانها بتساعد على اعادة تزييت المفاصل.

هاتي 150 جرام جيلاتين ” الكمية دي هتكفي دورة العلاج لمدة شهر”, خدي منه 5 جرام “معلقتين صغيرين ممسوحين” وضيفيه ل ¼ كوباية مية سقعة, سيبي الخليط بره التلاجة من بالليل للصبح, الصبح هتلاقيه انتفخ وبقى هلامي, ممكن تضيفي له عصير ومعلقة عسل ومية وتشربيه, او تحطيه مع الزبادي, يعني كليه او اشربيه لاي طريقة تناسبك كل يوم على معدة فاضية.

مدة العلاج شهر واحد, وبعدين وقفيه وكرريه تاني بعد 6 شهور لو احتاجتي.

انواع اكل بتساعد على علاج الامراض
انواع اكل بتساعد على علاج الامراض

7- عصير الليمون بالكركم لعلاج الاكتئاب:

الكركم واحد من اقوى العلاجات الطبيعية لكتير من الامراض, هو يعتبر مضاد قوي للالتهابات اللي بتوقف نمو الخلايا ما قبل السرطانية, بيحمي من مرض الزهايمر, بيخفض من الكوليسترول السيء, بيعالج سرطان الجلد, كمان بيستخدم لعلاج التهاب المفاصل, وحرقة المعدة “عسر الهضم”, وآلام المعدة والاسهال وغاز الامعاء وانتفاخ المعدة, وفقدان الشهية, واليرقان, ومشاكل الكبد, واضطرابات المرارة.

وقايمة فوايد الكركم كبيرة جدا لكن الاكتر اثارة للاهتمام انه بيساعد في علاج اضطراب الاكتئاب الشديد, وده يعتبر حل طبيعي مالوش اثار جانبية لان معظم ادوية الاكتئاب ليها اثار جانبية خطيرة منها صعوبة التنفس ونزيف المعدة وغيرها من المخاطر اللي هنتجنبها باستخدام الوصفة دي.

المكونات:

4 كوبايات مية باردة مفلترة او مية فوارة.

2 معلقة كبيرة كركم طازة مبشور, او بودرة.

4 معالق كبيرة عسل نحل.

عصير ليمونة ونص.

عصير برتقانة “اختياري”.

الطريقة:

اخلطي كل المكونات مع بعض, حطيها في برطمان ورجيه عشان تخلطي كل المكونات كويس واشربي منه كوباية كل يوم.

انواع اكل بتساعد على علاج الامراض
انواع اكل بتساعد على علاج الامراض

8- شاي الاعشاب لتخفيف آلم الدورة الشهرية:

الشاي ده بيساعد على علاج التشجنات والتقلصات اثناء فترة الدورة الشهرية.

الطريقة:

ضيفي معلقة صغيرة نعناع, مع معلقة صغيرة من زهور البابونج لكوباية مية سخنة, واشربي منه كل ساعة لحد ما التقلصات والتشنجات تخف.

انواع اكل بتساعد على علاج الامراض
انواع اكل بتساعد على علاج الامراض

9- شاي الكركدية لعلاج ضغط الدم المرتفع:

الكركدية بيحتوي على خصائص مدرة للبول بتساعد على فتح الشرايين لتدفق الدم بشكل صحيح وتقليل الضغط, وهو يعتبر مثبط طبيعي بيمنع افراز الهرمونات اللي بتقلص او بتقفل الاوعية الدموية, الكركدية بيساعد كمان على طرد الصوديوم والسوائل الزيادة من الدم وبالتالي ده بيقلل من ضغط الدم.

الطريقة:

اغلي كوباية مية, وبعدين ارفعيها من على النار وضيفي لها من 1 – 2 معلقة صغيرة كركدية مجفف, وممكن تحطي معاه عود قرفة خشب, وتسيبيه لمدة 5 دقايق وبعدين ضيفي له عصير ليمون او عسل نحل للطعم بس واشربيه.

انواع اكل بتساعد على علاج الامراض
انواع اكل بتساعد على علاج الامراض

10- وصفة للنوم العميق:

المكونات:

3 معالق كبيرة نعناع مجفف.

4 معالق كبيرة بابونج.

3 معالق كبيرة من ازهار اللافندر.

1 معلقة صغيرة عرقسوس مجفف.

½ كوباية مية مغلية.

1 كوباية جلسرين غذائي “تلاقوه في محلات مستلزمات الحلويات”.

الطريقة:

اخلطي المكونات كلها مع بعض وحطيهم في برطمان, اقفليه وسيبيه في مكان دافي لمدة من 12 – 24 ساعة, بعديها صفية وحطيه في ازازة بقطارة واحتفظي بيه في التلاجة, ممكن يقعد معاكي من 14 – 24 شهر تقريبا.

طريقة استخدامه خدي منه من 3 – 4 نقط, ولو للاطفال من سن 5 – 7 سنين خدي من 1 – 2 نقطة “حوالي 1 ملل للنقطة الواحدة” وضيفيه ل ½ كوباية مية تقريبا.

انواع اكل بتساعد على علاج الامراض
انواع اكل بتساعد على علاج الامراض

11- عصير البصل لعدوى الاذن:

بكل بساطة, هتحطي ½ بصلة دافية على الاذن, او حطي كام نقطة من عصير البصل جوه الاذن.

انواع اكل بتساعد على علاج الامراض
انواع اكل بتساعد على علاج الامراض

12- عصير لعلاج الربو:

العصير ده بيساعد على تقليل مستوى الطاقة والقضاء على الالتهاب اللي ممكن يكون بديل لعلاج الربو وكمان بديل لجهاز استنشاق الربو, ممكن نعمل اي طريقة من الطرق دي.

– ¼ ثمرة اناناس + خيارة + 2 ثمرة فلفل “اصفر او احمر” + ½ حزمة جرجير + ½ ليمونة, اضربيهم مع بعض في الخلاط واشربيهم.

– خيارة + 2 ثمرة بنجر متوسطة الحجم + 3 عيدان عشبة الليمون + ½ ليمونة.

– 2 ثمرة تفاح اخضر + 6 عيدان كرفس + مليء الكف سبانخ + حزمة بقدونس + ¼ ليمونة.

– ¼ ثمرة اناناس + 1 معلقة صغيرة شمر + من 8 – 10 ورقات فجل + من 3 – 4 رووس فجل + ½ ليمونة.

– 2 كوباية فراولة + 1 كوب توت بري + رمانة.

– عصير حزمة جرجير + عصير ليمونة.

ولو بتعاني من الربو الافضل تتجنبي بعض الاكلات زي جميع المنتجات الحيوانية زي اللبن والبيض ومنتجات الالبان واللحوم “اللحم البقري واللحمة الضاني والسمك والفراخ”, المشروبات الغازية, الصوديوم والجلوتامات احادية الصوديوم, الزيوت النباتية زي زيت الذرة وزيت بذور عباد الشمس.

وزي ما في اكلات نتجنبها في اكلات بتساعد على علاج الربو زي عصير الفاكهة والخضروات اللي بتحتوي على نسبة عالية من فيتامين C ومضادات الاكسدة, زيت السمك اللي بيحتوي على نسبة عالية من الاحماض الدهنية اوميجا 3 زي سمك السلمون والسردين والتونة والماكريل, الاكلات الحارة زي الفلفل الحار والخردل الحار والثوم والبصل, الاكلات دي بتحتوي على خصائص مضادة للربو ومضادة للالتهابات.

ولمنع نوبات الربو في اكلات كتير بتساعد على ده ويعتبر اولهم واهمهم هو الجزر, ممكن تشربي عصير الجزر لوحدة من غير اضافات, او تضيفي له كام عود كرفس, لان البيتا كاروتين اللي موجود في الجزر بيساعد على زيادة قدرة الرئة وتقليل مشاكل الجهاز التنفسي, وبيحمي من اضطرابات التنفس زي الربو والتهاب الشعب الهوائية وانتفاخ الرئة.

انواع اكل بتساعد على علاج الامراض
انواع اكل بتساعد على علاج الامراض

10 علاجات طبيعية تعمليهم في البيت هتخلصك من ألم الاسنان

علاجات طبيعية لألم الاسنان