10 نصايح للبنات اللي عايزين يغيروا حياتهم للافضل

بقلمريهام محمود فيمنوعات visibility2161

هل حاسه ان حياتك ناقصة حاجة ومحتاجة تغيير؟ اكيد اننا لو فضلنا نعمل نفس الحاجات كل يوم ده هيوصلنا لنفس النتايج, بمعنى تاني اننا لو عايزين نغير حياتنا للافضل يبقى احنا محتاجين اننا نخرج من ال Comfort Zone, ونعمل الحاجات اللي مكنش عندنا الجرأة اننا نعملها, والنهاردة من خلال موضوعنا هنقول لبنات حوا نصايح لتغيير حياتك للافضل.

هل ممكن ان اي شخص يحسن حياته او يغيرها ؟ اكيد اه, لو هنبص كده على الاشخاص الناجحين هنلاقيهم مش اللي اتولدوا وعندهم كل حاجة ومتوفرلهم كل الامكانيات, لكن هما الاشخاص اللي تعبوا في حياتهم اكتر عشان يوصلوا للنجاح ويحققوا اللي هما عايزينه, وهما الاشخاص اللي نفذوا العادات الصحية في حياتهم.

العادات هي المفتاح, زي ما العادات السيئة مش بتوصلنا لاي مكان في الحياة, فالعادات الجيدة او الصحية ممكن توصلنا لاي مكان, لو مستعدة انك تعملي اي حاجة عشان تحققي حلمك, هتقدري تغيري حياتك للافضل.

نصايح لتغيير حياتك للافضل:

1- خدي قيلولة:

كم مرة سمعتي ان الراحة او القيلولة دي للناس الكسلانين بس؟ بصي ساعتها على الاشخاص اللي قالولك كده وشوفيهم هما نفسهم ناجحين ولا مش ناجحين وغالبا هتكون الاخيرة.

انجح الاشخاص في العالم كله عارفين اهمية فترة الراحة او القيلولة للنجاح, واللي المفروض تكون من 20 – 30 دقيقة في فترة بعد الضهر, الوقت ده هيكون كافي جدا عشان يشحن بطارية الجسم او طاقة الجسم مرة تانية, وهيكون عندك نشاط وقوة تحمل اكتر لباقي المهام في يومك.

غالبا هنلاقي الاشخاص اللي بيفوتوا فترة القيلولة, ممكن يتعبوا ويناموا قبل ما يخلصوا كل اللي وراهم, في مقابل ان اللي اخد قيلولة ممكن يواصل فترة اطول ويكسب وقت اكتر في يومه ده غير ان ذهنه هيبقى انشط.

نصايح لتغيير حياتك للافضل
نصايح لتغيير حياتك للافضل

2- حملي التطبيقات المناسبة:

في الوقت ده حرفيا بقى في تطبيق لكل حاجة في حياتنا, ولو عايزة تكوني ناجحة ومنتجة اكتر, يبقى ده الوقت اللي تبدأي تنزلي فيه التطبيقات المناسبة اللي ممكن تساعدك في حياتك.

ممكن تنزلي تطبيقات الجدولة عشان تنظمي يومك والمهام اللي وراكي, وتطبيقات التحفيز, وتطبيقات التطوير الذاتي, وتطبيقات ادارة المشاريع, وتطبيقات التخطيط, وتطبيقات اللياقة البدنية, وتطبيقات الانتاجية, كل التطبيقات دي هتساعدك تستفادي باقصى درجة من يومك.

نصايح لتغيير حياتك للافضل
نصايح لتغيير حياتك للافضل

3- اصحي بدري وافطري:

الصحيان بدري هيوفرلك وقت اكتر في يومك عشان تحققي كل اهدافك, ووجبة الفطار الصحية هتديكي النشاط والطاقة اللازمة عشان تقدري تكملي باقي يومك, لان وجبة الفطار بتساعد على ان عملية الايض او التمثيل الغذائي تشتغل بشكل صح, وده هيخلي مزاجك مظبوط, ده غير ان وجبة الفطار المتكاملة هتملى معدتك لوقت طويل وهتخليكي متحسيش بالجوع وبالتالي ده هيساعدك في انقاص الوزن.

وجبة الفطار ضروري الصحية المتكاملة لازم تكون غنية بالبروتين, زي البيض, او الشوفان مع الكينوا.

نصايح لتغيير حياتك للافضل
نصايح لتغيير حياتك للافضل

4- خليكي لطيفة مع الناس:

لو بقيتي لطيفة مع الناس واتعاملتي معاهم كويس, ده هيخليهم يحسوا بارتياح من ناحيتك, وهيخليكي انتي كمان تكوني حاسة براحة في التعامل معاهم, وواحد من اكبر الاسرار عشان يكون عندك شخصية جذابة ومغناطيسية هو انك تتعاملي مع الناس حلو, تفرحي لهم بمشاعر صادقة, تجامليهم بكلام حقيقي وصادق.

جربي كده انك تكوني لطيفة مع الناس وامتصي كل الطاقة الايجابية دي, وبعدها استخدمي الطاقة دي في انك تنجزي مهام يومك.

نصايح لتغيير حياتك للافضل
نصايح لتغيير حياتك للافضل

5- جددي حياتك باستمرار:

خيالنا هو شيء خصب جدا بيحتاج للتغيير عشان ننشطه, لان الرتابة والروتين ممكن يقتلوا الخيال, حاولي كل فترة تغيري المكان, سافري واستكشفي بلاد واماكن جديدة, شوفي حاجات جديدة, اتعرفي على اشخاص جداد واكتسبي منهم خبرات, وعكس ده انتي هتبقي فريسة للروتين والحياة المملة.

نصايح لتغيير حياتك للافضل
نصايح لتغيير حياتك للافضل

6- اشربي مية اكتر:

المية هي اكسير الحياة, لكن في اشخاص كتير مش بيشربوا كمية مية كفاية, وده بيأثر على صحتنا بشكل عام, لان المية بتحافظ على رطوبة الجسم, وبتطرد السموم وبتدينا الطاقة.

لو مش بتشربي كمية مية كفاية, يبقى دلوقتي جيه الوقت انك تشربي كمية مية اكتر, حوالي 5 كوبايات على الاقل يوميا, والافضل انك تشربي اكتر لو قدرتي.

نصايح لتغيير حياتك للافضل
نصايح لتغيير حياتك للافضل

7- حددي اهدافك:

غالبا الاشخاص اللي بيكونوا مش محددين اهدافهم, هيلاقوا نفسهم ان حياتهم بتمر من غير ما يحققوا اي حاجة, وهيحسوا ان في حاجة نقصاهم, واكيد لانهم مش محددين هدفهم مش هيكونوا عارفين هما المفروض يعملوا ايه بالظبط.

عشان كده حددي هدف طويل او ممكن يتحقق على مدى بعيد, واهداف قصيرة المدى او ممكن تحققيها بسرعة في فترة قصيرة, لان الاهداف القصيرة هي اللي هتقربك من هدفك الاكبر.

نصايح لتغيير حياتك للافضل
نصايح لتغيير حياتك للافضل

8- خليكي منتجة اكتر على تليفونك:

التليفون يعتبر سلاح ذو حدين, لان القاعدة العامة اننا المفروض نقضي وقت اقل على التليفون لو عايزين نبقى منتجين اكتر, ومع ذلك في الوقت ده وعصر التكنولوجيا ممكن التليفون يكون اداة تساعدنا على تغيير حياتنا للافضل.

لان دلوقتي بقت ناس كتير بيشتغلوا وبيكسبوا فلوس عن طريق التليفون, او حتى يشوفوا فيديوهات ملهمة لاشخاص ناجحين ممكن تحفزهم على النجاح, عشان كده في الوقت اللي احنا فيه ده مش ضروري انك تقضي وقت اقل على تليفونك زي القاعدة العامة ما كانت بتقول قبل كده لان العصر اتغير, ولكن استخدميه بشكل صح, ودوري على طرق تزودي بيها انتاجيتك, وتقللي من الوقت الضايع في حاجات مش مفيدة وتزوي الفرص اللي تقدري تحققي اهدافك عن طريقها.

نصايح لتغيير حياتك للافضل
نصايح لتغيير حياتك للافضل

9- كلي اكل صحي:

واحد من الاسباب اللي ممكن تخلي بعض الاشخاص مش بيقدروا يحققوا اقصى استفادة من حياتهم هو انهم ببساطة معندهمش طاقة, ودايما بيشتكوا انهم تعبانين ومرهقين, بالرغم انهم ممكن يكون في اشخاص بيشتغلوا اكتر منهم ولكن عندهم طاقة, طيب ايه السر في كده ؟

النظام الغائي بيلعب دور مهم جدا, كل ما كان نظامك الغذائي صحي اكتر, كل ما زادت الطاقة لجسمك, لو انتي بتعتمدي على الوجبات السريعة فانتي هتحرقيها على نص النهار, وطاقتك هتروح ومش هتقدري تكملي يومك.

عشان كده بدل الوجبات السريعة كلي فاكهة وخضار كتير وابعدي عن السكر والدهون السيئة, والنصيحة يمكن بسيطة جدا ولكن عملية جدا ومؤثرة.

نصايح لتغيير حياتك للافضل
نصايح لتغيير حياتك للافضل

10- نامي اكتر:

النوم مهم جدا لانه بيعيد شحن الجسم, اللي هيساعدك تقدري تقومي تاني يوم نشيطة وتقدري تعملي كل اللي وراكي, عشان كده لازم تنامي كل يوم عدد ساعات كافية متقلش عن 8 ساعات.

نصايح لتغيير حياتك للافضل
نصايح لتغيير حياتك للافضل

30 خطوة هتخليكي تعيشي حياة مثالية سعيدة .. اعرفيهم معانا

30 خطوة هتخليكي تعيشي حياة مثالية سعيدة
30 خطوة هتخليكي تعيشي حياة مثالية سعيدة