11 حيلة تحافظي بيهم على بنطلونك الجينز وتجدديه

بقلمريهام محمود فيموضة وأزياء visibility2583

مافيش حد فينا دولابة بيخلى من البنطلون الجينز, وقطعة اساسية عندنا كلنا لانه عملي ومريح, لكن ساعات كتير بتقابلنا مشاكل انه ممكن لونه يبهت من كتر الغسيل, او يتكرمش, او حتى ضاق عليكي وعايزة توسعيه, وغيرها من المشاكل اللي ممكن تقابلنا, عشان كده النهاردة من خلال موضوعنا هنقولك حيل تحافظي بيهم على البنطلون الجينز المفضل عندك, او حتى تغيري شكله وتجدديه.

حيل تحافظي بيهم على البنطلون الجينز:

1- اتخلصي من الروايح في البنطلون الجينز:

على الرغم انه دايما بننصح بلاش غسيل البنطلون كتير, لكن في النهاية هو لازم يتغسل على فترات, لان لبسه طول السنة ممكن يخليه يمتص كل انواع الرطوبة والروايح.

وعشان تتخلصي من الريحة من غير ما تغسليه, طبقي البنطلون وحطيه في كيس, وحطيه في الفريزر, وسيبيه طول الليل, الطريقة دي هتخلصك من اي ريحة فيه.

حيل تحافظي بيهم على البنطلون الجينز
حيل تحافظي بيهم على البنطلون الجينز

2- امنعيه ينزل لون لما تغسليه:

معظم البنطلونات الجينز تقريبا بتنزل لون لما نيجي نغسلها, وده بيخليه مع الوقت لونه يبهت, لكن احنا ممكن نمنع المشكلة دي بحيلة بسيطة جدا, اخلطي كمية متساوية من الملح والمية واغسليه, وبكده هتضمني انه مش هينزل لون.

حيل تحافظي بيهم على البنطلون الجينز
حيل تحافظي بيهم على البنطلون الجينز

3- طولي عمر البنطلون الجينز المفضل عندك:

ساعات كتير بيبقى عندنا بنطلون جينز بنحب نلبسه اكتر من اي قطعة تانية وبيبقى مفضل لينا, لكن المشكلة اللي بتقابلنا انه مع استهلاكه بشكل يومي وغسيله بشكل مستمر بيفقد لمعانه وشكله اللي لبسناه بيه اول مرة, طيب لو قولنا لك بقى ان الجينز ليه علاج مضاد للشيخوخة؟

الموضوع مش صعب خالص وتقدري تعمليه في البيت بسكل سهولة, كل اللي هتعمليه بعد ما تغسلي الجينز وهو لسه رطب شوية, دوسي عليه بالمكوى, ولو غسلاه في الغسالة وفيها مجفف مجرد ما تطلعيه من المجفف دوسي عليه بالمكوى, بالطريقة دي شكل البنطلون بتاعك هيفضل جديد على طول.

حيل تحافظي بيهم على البنطلون الجينز
حيل تحافظي بيهم على البنطلون الجينز

4- اتخلصي من كرمشة الجينز:

اظبطي المجفف على اعلى درجة, والبخار اللي هيطلع من الحرارة العالية من المجفف مع الهدوم المبلولة, هتزيل اي تجاعيد او كرمشة في الجينز.

او ممكن تحطي مكعبات تلج في الغسالة وتظبطي المجفف وتحطي البنطلون, هيخلصك من اي كرمشة.

حيل تحافظي بيهم على البنطلون الجينز
حيل تحافظي بيهم على البنطلون الجينز

5- تبييض الجينز بطريقة صح:

لو عايزة تجددي شكل البنطلون بتاعك او تغيري لونه, ممكن تستخدمي مبيض الملابس, ضيفي كميات متساوية من المبيض والمية, بلي البنطلون الاول بالمية عشان التبييض يعمل معاكي نتيجة افضل, والنتيجة او درجة التبييض هتختلف حسب لون الجينز الاصلي.

بعد ما بليتي البنطلون استخدمي سفنجة او فرشة للرسم او ازازة ببخاخ حسب تأثير التبييض اللي انتي عايزة تعمليه على البنطلون, ولو عايزة تبيضي الجينز كله انقعيه كله في المية لمدة من 20 – 30 دقيقة, وبعدها اشطفيه بمية باردة, وبعدين حطيه في الغسالة يتغسل بالطريقة العادية.

حيل تحافظي بيهم على البنطلون الجينز
حيل تحافظي بيهم على البنطلون الجينز

6- لتضييق الجينز:

لو الجينز واسع عليكي شوية وعايزة تضيقيه, اغسليه في مية سخنة, وبعدها جففيه في اعلى درجة حرارة للمجفف, بعد ما تكرري العملية دي كذا مرة, هتلاقيه ضاق وكرريها لحد ما توصلي للمقاس اللي انتي عايزاه.

في اوقات بتبقي عايزة تضيقي مناطق معينة في الجينز, وعشان تعملي ده املي ازازة منعم اقمشة ومعاه تلات اضعاف الكمية مية, رشيها على المناطق اللي عايزة تضيقيها لحد ما ترطبي المنطقة كويس بالمية, وبعدها حطيه في المجفف.

حيل تحافظي بيهم على البنطلون الجينز
حيل تحافظي بيهم على البنطلون الجينز

طريقة تانية غريبة شوية ممكن تعمليها عشان تضيقي الجينز, البسيه واقعدي بيه في بانيو مليان مية سخنة, وخليكي قاعدة لمدة 20 دقيقة على الاقل, وبعدين اقعدي بيه في الشمس لحد ما ينشف خالص.

حيل تحافظي بيهم على البنطلون الجينز
حيل تحافظي بيهم على البنطلون الجينز

7- حولي الجينز بتاعك لستايل Ripped:

لو عايزة تلبسي الستايل ال Ripped بدل ما تشتري واحد جديد ممكن تعمليه بنفسك في البيت بطريقة سهلة, بس قبل ما نعرف الطريقة الافضل انك تعملي تأثير ال Ripped على البنطلون اللي لونه فاتح او متوسط بدل الغامق لان الستايل هيبان عليه اكتر وهيبقى شكله احلى, وعشان تعمليه ممكن تستخدمي مكنة الحلاقة, او المقص, او سكينة , او المبشرة, او حتى الحجر الخفاف بتاع الرجل, كل الحاجات دي هتديكي نفس التأثير, وعشان تمنعي ان الناحية التانية من البنطلون تتقطع حطي قطعة خشب جوه الجينز وانتي بتقطعيه باي طريقة هتستخدميها.

بس اتأكدي انك متعمليش القطع عند تنية الركبة عشان متوسعش منك او تتقطع زيادة وانتي ماشية او لما تيجي تقعدي.

حيل تحافظي بيهم على البنطلون الجينز
حيل تحافظي بيهم على البنطلون الجينز

8- لتفتيح لون الجينز:

لو عايزة تفتحي لون الجينز شوية, هاتي طبقى كبير حطي فيه ربع لتر عصير ليمون مركز, وحطي فيه الجينز وعليه مية لحد ما تغطيه, سيبيه منقوع في المية كام ساعة, وشوفيه من وقت للتاني لحد ما توصلي للون اللي انتي عايزاه, بعدها اشطفيه كويس بالمية, ونشفيه في الشمس, وكرري العملية لو احتاجتي تفتحيه تاني.

حيل تحافظي بيهم على البنطلون الجينز
حيل تحافظي بيهم على البنطلون الجينز

9- اعملي ستايل Distressed jeans:

عشان تعملي الستايل ده, ارسمي الاول بماركر الاماكن اللي عايزة تقطعيها, وبعدين قصيها بالمقص, بعد ما تقصيها هاتي الملقاط وابدأي اسحبي الخيوط من المكان اللي انتي قطعتيه.

حيل تحافظي بيهم على البنطلون الجينز
حيل تحافظي بيهم على البنطلون الجينز

ممكن تشوفوا طريقته بالفيديو:

10- خلي مقاس البنطلون اكبر:

هل فكرتي قبل كده انك ممكن توسعي البنطلون الجينز وتخلي مقاسه اكبر, الطريقة بسيطة جدا الاول اختاري المناطق اللي عايزة توسعيها سواء الوركين, او الوسط او الفخدين, رشي المنطقة بمية فاترة, لو عايزة توسعي الوسط اقفي على جنب واحد من البنطلون برجليكي الاتنين, وابدأي شدي الجنب التاني بايدك, لو عايزة توسعيه بالطول, اقفي على الاجزاء الناشفة من البنطلون فوق الركبة على طول, وابدأي شدي البنطلون على قد ما تقدري.

حيل تحافظي بيهم على البنطلون الجينز
حيل تحافظي بيهم على البنطلون الجينز

طريقة تانية عشان توسعي البنطلون البيسه واقعدي بيه في بانيو مليان مية سخنة, بعد حوالي 15 دقيقة اطلعي من البانيو, اعملي استرتشينج واضغطي على المناطق اللي عايزة توسعيها مع سحبها بالايد لمدة من 5 – 10 دقايق على الاقل, وسيبي البنطلون ينشف عليكي لحد ما يبقى نص جاف يعني مينشفش خالص واثناء الوقت ده تفضلي تشدي المناطق اللي عايزة توسعيها, وبعدها اقلعيه وسيبيه ينشف خالص في الشمس.

حيل تحافظي بيهم على البنطلون الجينز

11- صلحي القطع من غير مكنة خياطة:

لو بنطلونك اتقطع معندكيش وقت تعمليه على المكنة, ممكن بكل بساطة بابرة وخيط مناسب للون الجينز, اقلبي البنطلون وخيطي القطع من جوه بالطريقة العادية بغرز مستقيمة ولما تخلصي اربطي الخيط عقدة في الاخر عشان ميتفكش, وكده البنطلون يبقى جاهز للبس.

حيل تحافظي بيهم على البنطلون الجينز
حيل تحافظي بيهم على البنطلون الجينز

14 طريقة مبتكرة عشان تجددي بنطلونك الجينز

14 طريقة مبتكرة عشان تجددي بنطلونك الجينز