اجدد 13 شنطة من دور الازياء العالمية لموضة ربيع و صيف 2018

بقلمآية حسان فيموضة وأزياء visibility817

الصيف بييجى ومعاه كل جديد فى موسم الموضة و الازياء، وزى ما بتهتمى بتجديد اللوك بتاعك من ملابس و ألوان ، لازم كمان تهتمى بتجديد الشنط و تعرفى ايه اللى ظهر على الساحة ! فى المقال ده هتعرفى معانا اجدد 13 شنطة من دور الازياء العالمية لموضة ربيع و صيف 2018 علشان تبقى جاهزة من كل حاجة .. 

اجدد 13 شنطة من دور الازياء العالمية لموضة ربيع و صيف 2018 

Chanel :

شنطة شفافة من خامة الـ PVC و هتبقى تريند كبير جدا لموسم الصيف السنة دى، من ماركة شانيل العالمية وبتعتبر شنطة مناسبة جدا للخروج بالنهار و الخروجات الخفيفة مع صحباتك مثلا، لكن ماتنفعش للمشاوير الرسمية او للشغل. 

Chanel

Balenciaga :

ستايل جديد من الـ fanny bag او شنطة الوسط لكن تقدرى تلبسيها كروس او على كتف واحد ، شنطة من ماركة Baleenciaga ، مناسبة جدا للبس الكاجوال و الـ street style . 

Balenciaga

Acne Studios :

الشنطة البنى او الجملى طبعا مهم يكون في منها فى دولابك خصوصا لو لابسة جاكيت جينز او عاملة denim look اولو كنتى عاملة لوك بيعتمد على اللون الاسود ، الـ over sized shoulder bag موضة جدا الصيف ده . 

Acne Studios

Dior : 

شنطة من دور الازياء العالمية مكملة معانا و هنا هنتكلم على شنطة من ماركة christian Dior المعروفة ، عملية جدا و مناسبة لخروجات النهار و الستايلات الكاجوال. 

Dior

J.W.Anderson : 

شنطة باكسسوار كبير عليها من بره ، semi casual يعنى ممكن تلبسيها مع لوك فورمال للشغل او فى الخروجات العادية ، حجمها صغير و تكفى احتياجاتك الضرورية بس. 

J.W.Anderson

Fendi : 

شنطة بستايل التسعينات من ماركة Fendi ، من غير حزام و بايد صغيرة مناسبة للستايلات الفورمال اكتر. 
Fendi

Louis Vuitton : 

الشنطة دى مختلفة شوية بستايل الـ over bucket  من ماركة LV و بالشكل الاعتيادى الى معروفة بيه الماركة دى ، مساحتها متوسطة و ممكن تستوعب معظم الحاجات اللى بتحتاجيها معاكى وانتى خارجة، مناسبة لكل الاوقات و موضتها مابتروحش ابدا. 
Louis Vuitton

Loewe:

شنطة بستايل الـ saddle bag او شنطة بحزام جلد على ستايل لبس الفروسية او نقدر نقول مستوحاة منه  من حيث الخامات و اللون ، تقدرى تلبسيها كروس او على كتف واحد ، حجمها صغير لكن الوانها اللى بتجمع بين درجات البنى و الجملى بتخليها شنطة شيك بدرجة كبيرة وهتليق مع كتير من الستايلات اللى موجودة فى دولابك . 

Loewe

Hermes : 

شنطة شكلها غريب ومميز شوية ، مستطيلة بايد ملونة و رفيعه و حزام تانى طويل علشان لو حبيتى تشيليها على كتفك او فى ايديكى  ، مناسبة للشغل و الستايلات الفورمال و الـ semi formal . 

Hermes

Saint Laurent : 

شنطة على شكل علبة الـ hat او hat box من الجلد الطبيعى ، مناسبة للخروجات النهارية خصوصا لو كنتى بتحبى الحاجات المختلفة  و الغريبة فى اللوك بتاعك . 

Saint Laurent

Proenza Schouler : 

evening bag او شنطة مسائية للكتف متزينة بالريش ، بتعتبر statement piece وهتلفت كل الأنظار ليكى . 

Proenza Schouler

Valentino : 

فالنتينو كمان بتقدم شنطة عليها اسم البراند بتاعها ، وباالمناسبة الحركة دى هنشوفها كتير الموسم ده خصوصا فى التيشيرتات الكاجوال ، شنطة مطرزة بأحجار باللون الدهبى و صغيرة فى الحجم مناسبة للخروجات الكاجوال النهارية . 
Valentino

Burberry : 

شنطة شفافة جواها شنطة تانية من القماش او الجلد ، علشان كده بيعتبر شكلها شيك و على الموضة ” موضة الشنط الشفافة ” وفى نفس الوقت لو مابتحبيش الشنط الشفافة بس مش عايزة الموضة تفوتك، الشنطة الداخلية بتوفرلك ده ، فبتبقى ماشية على الموضة و انتى مرتاحة . 

Burberry

شوفى معانا كمان لعاشقات الشنط .. أفضل 11 شنطة فى موضة 2018 .