هل ممكن نشرب مية اثناء الاكل ؟ وايه تأثيرها على المعدة
كتير بنسمع وبنقرا في النصايح الصحية ان ممنوع تشربي اثناء الاكل, وبعض المتخصصين بيقولوا ان المية اثناء الاكل ممكن تضعف حمض المعدة, ومتخصصين تانيين بيقولوا انه بيسبب زيادة في الوزن, وفي بعض الناس عندهم اعتقاد ان المية بتخلص المعدة من الاكل اللي مش مهضوم, بس يا ترى ايه صحة الكلام ده كله, ده اللي هنعرفه النهاردة في موضوعنا هنقولك على تأثير شرب المية اثناء الاكل وهل هي مضرة ولا لا.
تأثير شرب المية اثناء الاكل:
– ايه اللي بيحصل للمية والاكل في المعدة؟
اثناء عملية مضغ الاكل بيتم انتاج اللعاب اللي بيحتوي على انزيمات ضرورية لعملية الهضم, بعدها الاكل بيروح للمعدة بيختلط مع حمض المعدة, وفي المتوسط المعدة بتحتاج 4 ساعات لهضم الاكل قبل تحويله الى سائل, او سائل حمضي اللي بيروح للامعاء وبيمد الجسم بكل العناصر الغذائية.
لكن المية مش بتقعد في المعدة فترة طويلة, بتاخد حوالي 10 دقايق للمعدة, وبكده لو انتي بتشربي مية اثناء الاكل في الحالة دي هيمر بسرعة جدا مع الاكل الممضوغ وهيرطبه ويخليه يخرج من المعدة بشكل اسرع.
– السوائل مش بتقلل الحموضة:
الجسم ماشي بنظام معقد جدا لكن في نفس الوقت بيقدر يعالج نفسه, يعني لو المعدة مش قادرة تهضم حاجة معينة, هنلاقيها انها بتنتج انزيمات اكتر وبتزود من حموضة السائل الداخلي, يعني لو حتى شربتي كمية مية كبيرة جدا ده مش هيأثر بأي شكل على مستوى الحموضة, ده غير ان في اكلات اصلا بتتكون من نسبة مية كبيرة من المية, زي البرتقان مثلا بيتكون من 86% مية.
وفي بعض الدراسات اثبتت ان بعض انواع الاكل ممكن تقلل من مستويات الحموضة في المعدة, لكن بيرجع لطبيعته تاني لوحده بسرعة جدا.
– السوائل مش بتأثر على سرعة الهضم:
مافيش اي دراسات اثبتت الاعتقاد اللي بيقول ان المية بتدفع الاكل الصلب للامعاء قبل ما يتهضم بشكل كامل, والعلماء والمتخصصين صرحوا ان المية بتخرج من الجسم اسرع من الاكل لكن مش بتأثر على سرعة الهضم.
– هل ممكن بقى اننا نشرب اثناء الاكل ؟
لو بتشربي اثناء الاكل ده مش هيسبب اي ضرر, على العكس كمان ان المية بتساعد على تليين الاكل الصلب اللي ممكن يكون هضمه صعب, ولكن مهم انك متشربيش قبل ما تبلعي الاكل, لان لازم يكون في لعاب كفاية في الاكل اثناء عملية المضع لانه بيحتوي على الانزيمات الضرورية للجسم زي ما قولنا.
وفي بعض المميزات للشرب اثناء الاكل, الابحاث اظهرت ان الشخص لما يعمل وقفات صغيرة اثناء الاكل عشان يشرب, ده بيبطيء من عملية الاكل, ونتيجة لده هتاكلي كمية اكل اقل وده اكيد نقطة كويسة.
ولو انتي متعودة تشربي شاي اثناء الاكل بدل المية, ده كمان مافيش مشكلة فيه, لان الابحاث اظهرت ان مافيش فرق في مستويات الحموضة بعد شرب الشاي او المية.
ودرجة حرارة المية اللي بتشربيها مش بتأثر باي شكل على سرعة الهضم او عدد المغذيات اللي بيستقبلها الجسم, لان المعدة ممكن تسخن او تبرد الاكل للمستوى اللازم او المناسب, ومع ذلك العلماء والمتخصصين بينصحوا بشرب مية دافية تكون درجة حرارتها تقريبا 65 درجة مئوية.
هيحصل ايه لجسمك لو بدأتي تاكلي شوفان كل يوم !
