نصايح من بنت قدرت تعالج حب الشباب في 30 يوم بطرق طبيعية

ريهام محمود
ريهام محمود
في
بشرة
28179

اكيد البشرة الصافية النقية الخالية من حب الشباب واي عيوب هي حلم كل بنت, لكن ساعات كتير بيكون حل المشكلة معقد وبيحتاج وقت ومجهود وفلوس على الادوية ومستحضرات التجميل اللي معظمها بيكون اسعارها غالية, عشان كده النهاردة احنا هنقول لكل بنات علاج حب الشباب بطرق طبيعية من تجربة بنت اسمها بريانا لوبيز من لوس انجلوس قدرت تعالج حب الشباب في اقل من شهر وحبت انها تشارك تجربتها وروتينها اليومي للعناية ببشرتها اللي خلاها وصلت للنتيجة دي في وقت قصير.

علاج حب الشباب بطرق طبيعية:

1- تنضيف البشرة بالزيت:

اول خطوة في روتينها اليومي للعناية بالبشرة هي التنضيف, وهي استخدمت طريقة تنضيف الزيت باستخدام زيت الجوجوبا, ادهني بشرتك بالزيت ودلكيه في حركات دائرية لمدة دقايق, وبعدها امسحي البشرة بفوطة مبلولة بمية دافية, وبتكرر الروتين ده مرتين في اليوم الصبح وبالليل.

علاج حب الشباب بطرق طبيعية 1
علاج حب الشباب بطرق طبيعية 1

شوفي من هنا فوايد زيت الجوجوبا للبشرة والشعر.

2- قناع البشرة:

بعد التنضيف بتستخدم ماسك للبشرة مكون من 2 معلقة صغيرة عسل نحل مع ½ معلقة صغيرة قرفة و ½ معلقة صغيرة كركم, وبتسيب الماسك على البشرة لمدة ساعة.

علاج حب الشباب بطرق طبيعية 2
علاج حب الشباب بطرق طبيعية 2

وهي احيانا بتستخدم ماسك الكبريت او طين البنتونيت لان ليهم تأثير مهديء للجلد, وهي بتستخدم الماسكات دي بما فيهم ماسك العسل بس في الايام اللي هتحط فيها مكياج او بودرة على بشرتها.

علاج حب الشباب بطرق طبيعية 3
علاج حب الشباب بطرق طبيعية 3

3- الترطيب:

الخطوة اللي بعد التضيف والماسك هي الترطيب, بتستخدم سيروم للبشرة مكون من زيت الورد وزيت الجزر وبتضيف له كام نقطة من زيت اللافندر, وبتدهن بيه البشرة في حركات دائرية, كمان المصل ده بتستخدمه في الايام اللي هتحط فيها مكياج بس, في الايام العادية ممكن ترطبي بشرتك بكريم مرطب عادي.

علاج حب الشباب بطرق طبيعية 4
علاج حب الشباب بطرق طبيعية 4

4- علاج بقع وندوب حب الشباب:

كل يوم قبل النوم بتستخدم زبدة الشيا الخام بتدهنها على مكان البقع والندوب, والخطوة دي هي خطوة اساسية في روتين العناية ببشرتها بشكل يومي, سواء كانت حاطه مكياج في يومها او لا.

علاج حب الشباب بطرق طبيعية 5
علاج حب الشباب بطرق طبيعية 5

شوفي من هنا فوايد زبدة الشيا واستخداماتها للبشرة والشعر.

5- المكملات الغذائية النباتية:

الخطوة الاخيرة في روتين العناية ببشرتها هي المكملات الغذائية النباتية, زي الكركم, عشب البحر, شجرة النبق, واوراق النيم, اختاري نوع واحد منهم, وكل المكملات دي هنلاقيها موجودة في الصيدلية, وكمان يكون من الافضل ان دكتور هو اللي يكتب المكمل الغذائي المناسب ليكي عشان يبقى في اختبار حساسية وتشوفي لو بتعاني من حساسية من اي نوع.

علاج حب الشباب بطرق طبيعية 6
علاج حب الشباب بطرق طبيعية 6

شوفي من هنا افضل 5 فيتامينات بتساعد على منع حب الشباب.

واستخدمت بريانا زي ما احنا شوفنا منتجات كلها من مكونات طبيعية, وبتقول انه بعد اسبوع واحد بس من الروتين ده للعناية بالبشرة بدأت تلاحظ تغيير واضح جدا في بشرتها, وبعد شهرين بالظبط بقت بشرتها مثالية, وبالاضافة للمنتجات الطبيعية اللي هي بتستخدمها, بتحط واقي الشمس كل يوم للحماية من الشمس.

علاج حب الشباب بطرق طبيعية 7
علاج حب الشباب بطرق طبيعية 7

نصايح ووصفات طبيعية لتجنب وعلاج حب الشباب

تجنب وعلاج حب الشباب
تجنب وعلاج حب الشباب

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ليه حب الشباب بيظهر في ال 8 اجزاء دي من الجسم ، وايه اللي المفروض تعمليه

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية

ماسك الفقاعاتBubble mask: فوايده للبشرة ، وازاي تعمليه بنفسك في البيت بمكونات طبيعية