طريقة شامبو لبن جوز الهند تعمليه بنفسك في البيت لشعر ناعم وصحي

بقلمريهام محمود فيشعر visibility3406

لبن جوز الهند من الحاجات المفيدة جدا للشعر, بيخلي ملمسه ناعم جدا وطري وشكله صحي, والنهاردة هنستفيد من فوايده للشعر وهنعرف مع بعض طريقة شامبو لبن جوز الهند بمكونات بسيطة جدا وتقدري تعمليه بنفسك في البيت بكل سهولة, وهنقولك كل فوايده للشعر.

– فوايد شامبو لبن جوز الهند:

1- اول ميزة او فايدة ليه ان كل من مكونات طبيعية وخالي من اي مواد كيميائية.

2- مش بيجرد الشعر من الزيوت الطبيعية.

3- بيغذي الشعر.

4- بينعم ويطري الشعر من اول استخدام.

5- بيطهر الشعر بشكل فعال.

6- بيمنع قشرة الشعر.

طريقة شامبو لبن جوز الهند
طريقة شامبو لبن جوز الهند

– طريقة شامبو لبن جوز الهند:

المكونات:

¼ كوباية لبن جوز هند.

1/3 كوباية اورجانيك بيبي شامبو “ممكن نستخدم جونسون”.

1 معلقة صغيرة زيت فيتامين E.

20 نقطة من زيت اللافندر.

طريقة شامبو لبن جوز الهند
طريقة شامبو لبن جوز الهند

الطريقة:

1- اخلطي البيبي شامبو مع لبن جوز الهند قلبيهم مع بعض لحد ما يمتزجوا مع بعض كويس.

2- ضيفي لهم زيت فيتامين E, وزيت اللافندر وقلبيهم تاني مع بعض, وكده يبقى الشامبو بتاعنا جاهز.

3- خزني الشامبو في ازازة, واستخدميه زي طريقة الشامبو العادي.

طريقة شامبو لبن جوز الهند
طريقة شامبو لبن جوز الهند

لبن جوز الهند هنلاقيه متوفر في الهايبر ماركت ولو مش موجود نقدر نعمله في البيت بطريقة سهلة.

– طريقة لبن جوز الهند:

المكونات:

½ كوباية جوز هند مبشور من غير سكر.

مية سخنة.

طريقة لبن جوز الهند
طريقة لبن جوز الهند

الطريقة:

1- حطي جوز الهند المبشور مع المية السخنة في الخلاط, اضربيهم كويس مع بعض, واضربي ووقفي حوالي 20 مرة بدل ما تشغلي الخلاط بشكل مستمر.

طريقة لبن جوز الهند
طريقة لبن جوز الهند

2- صفي الخليط على مصفى او بقطعة قماش او ممكن تستخدمي الاتنين مع بعض, اضغطي على جوز الهند بالمعلقة عشان تنزلي منه كل السائل.

طريقة لبن جوز الهند
طريقة لبن جوز الهند

3- بعد ما تصفيه, رجعي جوز الهند المبشور في الخلاط مرة تانية وضيفي له كوباية مية سخنة تانية وبعدين ارجعي صفيى تاني, كرري العملية دي 3 مرات.

تقريبا هيطلع معاكي 4 كوبايات لبن جوز هند طبيعي ومضمون 100%, وكده يبقى جاهز تستخدميه في عمل الشامبو.

طريقة لبن جوز الهند
طريقة لبن جوز الهند

وصفات طبيعية لشعر ناعم جدا وقوي وبيلمع من اول استخدام

وصفات طبيعية للشعر
وصفات طبيعية للشعر