افكار تنسيقات ملابس كاجوال وعلى الموضة للسيدات و البنات فى 2018

آية حسان
آية حسان
4889

كل موسم جديد مفيش شك انه كل بنت او سيدة فينا بتفكر ازاى تغير و تجدد من الستايل بتاعها و تعمل حاجة جديدة فى اى لوك بتظهر بيه يكون منعش و مختلف، لانه لما بنجدد من مظهرنا الخارجى ده بينعكس على روحنا المعنوية و بيأثر عليها بشكل كبير و ممكن كمان يزود من ثقتنا فى نفسنا و يزود من سعادتنا، حتى ابسط الحاجات زى اننا نلبس ستايل جديد و مريح او حتى لما بنغير فى حاجة بسيطة زى الالوان، و لانه كمان الراحة بتنعكس على نفسيتنا و بتأثر عليها بشكل كبير، وكل ما كان لبسك عملى و مريح كل ما حسيتى بسعادة و انطلاق اكبر، و الصيف جه خلاص و ده معناه انه جه ميعاد لبس لهدوم الخفيفة و العملية، يعنى ميعاد الملابس الكاجوال،  ولو كنتى محتارة تلبسي ايه؟ اعرفى معانا افكار تنسيقات ملابس كاجوال وعلى الموضة للسيدات و البنات فى 2018  تخليكى دايما مرتاحة و جاهز بشياكة و بأقل مجهود..

افكار تنسيقات ملابس كاجوال وعلى الموضة للسيدات و البنات فى 2018

انك تفكرى او تقررى انك تغير من ستايل لبسك مش معناه انك لازم تبيعى كل اللى وراكى و اللى قدامك و تروحى تشترى ماركات غالية و تصرفى فلوس، الموضوع ابسط من كده .. فى خطوات معينة لازم تمشي عليها و تفهميها و ساعتها هتقدرى تغيرى من ستايلك من غير تكلفة كبيرة وتعملى ستايل بيعتمد على ملابس مريحة و كاجوال من غير مجهود و تعب، مهم تعرفى الالوان و تفهمى و تحددى ايه منها اللى يمشي مع لون بشرتك و طبيعة وشكل جسمك و يمشي كمان مع المناسبات المختلفة او مع الاماكن اللى بتروحيها فى روتين يومك العادى. 

فى المقال ده هنعرفك على مجموعة تنسيقات مختلفة لستايلات من ملابس كاجوال مريحة و stylish فى مجموعة من الالوان الجميلة اللى ممكن تفكرى تدخليهم ضمن ستايلك فى صيف 2018 وانتى خارجة لنشاطاتك او خروجات كل يوم، وطبعا التنسيقات دى بنقدملك من خلالها احدث صيحات الموضة اللى تخص ربيع و صيف السنة دى.

الفاشون السنة دى بيعتمد على البساطة فى اختيار القطع المختلفة، وانه ستايلات او قصات القطع دى تتماشي مع شكل و طبيعة جسمك و طبعا لازم ستايلك يتماشي مع و يعبر عن شخصيتك، فتقدرى تختارى من التنسيقات دى الحاجات اللى تحسيها بتعتبر عنك و عن شخصيتك و ممكن كمان تلهمك فى انك تصممى تنسيقات خاصة بيكى انتى ، خصوصا لو كنتى من محبى الستايلات الكاجوال  لانها بتقدر توفر الشياكة و الراحة و العملية فى نفس الوقت، خلينا نشوف الالبوم مع بعض .. 

شوفى معانا كمان افكار لتنسيقات ملابس للبنطلون المنقوش بتثبت انه لازم يكون موجود فى دولابك must have pleated pants

مقالات متعلقه

الصيف يعني لبس خفيف وعملي.. اعرفي ازاي تلبسي كاجوال في الصيف

الصيف يعني لبس خفيف وعملي.. اعرفي ازاي تلبسي كاجوال في الصيف

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي