شهر شعبان..ليه اتسمى بالاسم ده؟ وفضل الشهر واحسن الادعيه اللي تتقال فيه

ريهام محمود
ريهام محمود
2268

شهر شعبان يعتبر من الشهور المهمة عند كل المسلمين لانه الشهر اللي بيسبق شهر رمضان المبارك ويعتبر تمهيد للصيام والاعمال الصالحة والطاعات, وهو الشهر اللي بترفع فيه الاعمال لرب العالمين, والمفروض نحاول على قد ما نقدر اننا نكتر فيه من العبادات والادعية وعمل الخير عشان ترفع لينا افضل الاعمال في الشهر ده.

– فضل شهر شعبان:

– قيل عن اسامه بن زيد رضي الله عنه ان قال: يا رسول الله لم ارك تصوم شهرا من الشهور ما تصوم من شعبان, فقال الرسول صلى الله عليه وسلم “ذلك الشهر يغفل الناس عنه بين رجب ورمضان, وهو شهر ترفع فيه الاعمال الى رب العالمين, فأحب ان يرفع عملي وانا صائم”

– كمان ثبت عن النبي صلى الله عليه وسلم انه كان بيفضل ليلة النصف من شعبان وكان بيتعبد فيها لله عز وجل, وسار على النهج ده الصحابة وكل المسلمين لحد يومنا النهاردة الناس بيحتفلوا بليلة النصف من شعبان وبيعتبروها ليلة مباركة, وفي نصوص بتدل ان النبي وصى على احياء ليلة النصف من شعبان باننا نقوم ونتعبد فيها ونصومها, وعن الامام ابن ماجة عن النبي صلى الله عليه وسلم انه قال “اذا كانت ليلة النصف من شعبان فقوموا ليلها وصوموا نهارها”.

– والاعمال بترفع في يوم الاتنين والخميس عشان كده احنا بنصوم اليومين دول بشكل خاص طول شهر شعبان, وعن ابي هريرة رضي الله عنه قال: قال رسول الله صلى الله عليه وسلم “تعرض الاعمال يوم الاتنين والخميس, فأحب ان يعرض عملي وانا صائم.

شهر شعبان 1
شهر شعبان 1

– ليه اتسمى شهر شعبان بالاسم ده؟

الشهور العربية عموما ليها دلالات عند العرب كل شهر بيتسمى على حسب احداث او حاجة معينة حصلت فيه, وشهر شعبان اتسمى بالاسم ده لانه جاي من التشعب او التفرق, لان العرب كانوا بيتفرقوا في طلب المية او بيتفرقوا في الغارات والحروب بعد قعودهم في شهر رجب لانه من الاشهر المحرمة والعرب بيمتنعوا فيه عن القتال, واتسمى شهر شعبان بالاسم ده في سنة 412 م في عهد كلاب بن مرة الجد الخامس للرسول صلى الله عليه وسلم.

ويقال كمان انه اتسمى بالاسم ده لانه شَعَب او ظهر بين رجب ورمضان, او لانه شهر بتتفرق فيه القبائل بيروحوا للملوك بياخدوا منهم العطايا.

وفي اقوال كتير في تسمية شهر شعبان بالاسم ده منها اللي قال انه اتسمى كده لتشعب الاغصان في الوقت ده, او انه جاي من اشتقاق شعبان من الشعب وهو الاجتماع وبيتسمى كده لانه بيتشعب او بيجتمع فيه خير كتير زي شهر رمضان, واتقال كمان انه اتسمى كده لانهم كانوا بيتشعبوا او بيجتمعوا فيه بعد التفرقة بعد بحثهم عن الاكل والمية.

شهر شعبان 2
شهر شعبان 2

– افضل الادعية لشهر شعبان:

– من افضل الادعية اللي ممكن تتقال في بداية شهر شعبان “اللهم بارك لنا في شعبان وبلغنا رمضان” ونكتر من الاستغفار, ونردد كتير “لا اله الا الله”.

– ندعي ربنا يرزقنا كلمة التوحيد عند الموت, ويجعل خير اعمالنا خواتيمها, وخير ايامنا يوم نلقى الله رب العالمين.

– وما فيش عن النبي اي نصوص بتقول ان في دعاء معين لليلة النصف من شعبان ولكن ندعي فيه زي ما بندعي طول الشهر وممكن نقول الدعاء ده “يا ذا المن فلا يمن عليه يا ذا الجلال والاكرام, يا ذا الطول والانعام لا اله الا انت ظهر اللاجئين وجار المستجيرين ومأمن الخائفين, اللهم إن كنت كتبتني عندك في أم الكتاب شقيا أو محروما أو مطرودا أو مقترا في الرزق فأمحو اللهم بفضلك شقاوتي و حرماني و طردي و اقترار رزقي وثبتني عندك في أم الكتاب سعيدا مرزوقا موفقا للخيرات بإذنك فانك قولت وقولك الحق في كتابك المنزل على قلب  لسان نبيك المصطفى سيدنا محمد صلى الله عليه وسلم , بسم الله الرحمن الرحيم يمحو الله ما يشاء ويثبت عنده أم الكتاب , الهي بالتجل الأعظم في ليلة النصف من شعبان المكرم التي يفرق فيها كل أمر حكيم و يبرم , اكشف عني يا ربي من البلاء ما أعلم وما لا أعلم وما أنت به أعلم أنك أنت الأعز الأكرم و صلي اللهم على سيدنا محمد و على آله و صحبه و سلم.

– في اخر شعبان ممكن نقول دعاء الاستغفار “اللهم ان لم تكن غفرت لنا ما مضى من شعبان فاغفر لنا في ما بقى, اللهم انت ربي لا اله الا انت, خلقتني وانا عبدك وانا على عهدك ووعدك ما استطعت, اعوذ بك من شر ما صنعت, ابوء لك بنعمتك علي, وابوء بذنبي فاغفر لي فانه لا يغفر الذنوب الا انت.

شهر شعبان 3
شهر شعبان 3

تطبيقات رمضان للاندرويد والايفون

تطبيقات رمضان
تطبيقات رمضان

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024