موضة ساعات الايد السويسرية لسنة 2018

بقلمآية حسان فيموضة وأزياء visibility314

الاكسسوارات جزء مهم من اى لوك او outfit بتعمليه، و الحقيقة انه الاكسسوارات مش بس السلسلة و الحلق و الـ bracelet ، لكن كمان الساعات جزء مهم جدا من الاكسسوارت اللى لازم تكونى بتهتمى بيه و تهتمى انه يبقى دايما مناسب مش بس للستايل بتاعك وكمان للمناسبة اللى انتى رايحاها،  فلو كنتى بتحبى الساعات و بتعتبريها جزء مهم من اى لوك او ستايل بتعمليه و دايما بتهتمى تعرفى ايه الجديد فى موضتها؟ اعرفى معانا فى المقال ده بالصور موضة ساعات الايد السويسرية لسنة 2018 .. 

موضة ساعات الايد السويسرية لسنة 2018

1-  SKELETON : 

ستايل ساعات من ماركة شانيل المعروفة ، جميلة جدا من بره و من جوه، فى الساعه دى هتقدرى تشوفى التركيبات الداخلية ليها من gears  و تروس وغيرها من مكونات الساعة ، يعنى تقدرى تقولى انها ساعة شفافة. 

2- ساعة برباط  MULTI-WRAP STRAPS : 

فى موسم السنة دى ، صناع الساعات قدروا يخلوا عادى انك تلفى ساعة حوالين المعصم، سواء لفتين او اكتر، علشان يدوا للساعة لمسة انثوية اكتر و كمان لمسة من العصرية. ممكن تلاقى حزام الساعة من المعدن فقط او المعدن و الجلد او الجلد فقط. 

3- ساعة الجواهر الملونة CANDY COLOR GEMS :

ساعات شكلها حلو و مطرقع و مليانة بالاولوان، وده لانها مرصعة بالاحجار الملونة او الاحجار من لون واحد على حسب الشكل اللى هتفضليه انتى، تقدرى بالساعة دى تنورى اى outfit هتعمليه و تديله شكل مختلف تماما كله انتعاش وحيوية. 

4- GLAM BOYFRIEND WATCHES :

ساعات الكلاسيك بوى فريند او classic boyfriend watches هى ساعات رجالية بلمسة انثوية شوية، تقدرى تلبسيها مع اى لوك رسمى و انتى رايحة الشغل او اجتماع علشان تظهرى بمظهر سيدة الاعمال الجادة، مرصعة بالاحجار و الجواهر علشان تزود من شكلها الانثوى اكتر و تديها لمسه من الجمال والاناقة. 

5- الساعات الذهبية BOLD GOLD : 

ستايل ساعات بتقدمه الماركة العالمية جوتشي Gucci ، طبعا الساعات الدهبية معروفة بحب الناس ليها و مفيش بنت تقريبا فينا ماكنش عندها ساعة بلون دهبى، دلوقتى هتلاقى اشكال كتيرة ومتنوعة ليها بعيدا عن الشكل التقليدى اللى كلنا متعودين عليه، مناسبة لخروجات بالليل او مع فستان فى السهرات ومناسباتك الخاصة.