افكار و تنسيقات ازاى تلبسي احذية السنيكرز فى اى مكان تروحيه الصيف ده !

آية حسان
آية حسان
1244

عالم الفاشون و الموضة و الازياء بطبيعته متغير، و الحاجة اللى ممكن تبقى موضة دلوقتى و مكسرة الدنيا، كمان شوية ممكن تختفى و تبقى مش موجودة و يبقى خلاص راحت عليها، لكن لو فى حاجة واحدة مابيروحش عليها ابدا فى جزء الاحذية هى الشوز او بالاخص احذية السنيكرز sneakers shoes ، وده لانها بتوفرك الراحة و العملية و دلوقتى كمان بتوفرلك لمسة الشياكة اللى بتقدرى من خلالها تلبسي الشوز ده مع اى لوك هتعمليه حتى لو كلاسيك او سواريه! فى المقال ده اعرفى معانا افكار و تنسيقات ازاى تلبسي احذية السنيكرز فى اى مكان تروحيه الصيف ده..

افكار و تنسيقات ازاى تلبسي احذية السنيكرز فى اى مكان تروحيه الصيف ده ! 

1-  ازاى تلبسي السنيكرز للمكتب  : 

اول حاجة لازم تعمليها لما تيجى تلبسي احذية السنيكرز او الـ sneakers shoes للمكتب هى انه تاخدى بالك اللوك بتاعك يكون مرتب و مناسب بشكل عام و ميكونش متخبط او مش مناسب، يعنى مثلا ماينفعش يبقى اللوك بتاعك رياضي زيادة عن اللزوم ، انتى فى الاول رايحة الشغل و ده مكان رسمى بتطلب dress code معين لازم تحاولى ما تبعديش عنه كتير، ممكن تلبسي السنيكرز مع بنطلون قصير بسيط من تحت او مع semi formal dress ، انتى هتحاولى تلبسي السنيكرز بحيث مايبقوش باينين او ظاهرين اوى فى الـ outfit بتاعك، فحاولى تلبسيه مع قطع طويلة على القدم بشكل عام .

2- ازاى تلبسي السنيكرز لمناسبة :

طبعا مش هينفع نقولك تلبسي شوز او سنيكرز رياضي وانتى لابسه فستان او رايحة مناسبة، لكن ممكن تلبسي على الفستان فورمال شوز يكمل اللوك الكلاسيك بتاعك وفى نفس الوقت يديه لمسة من العفوية، خصوص وانه الشوز السواريه بقت منتشرة دلوقتى بأنواع مختلفة من الكعوب و التطريز و النقشات و ده بيساعد فى انه يوفرلك الراحة و الشياكة فى نفس الوقت، الفكرة كلها انك تختارى شكل وستايل الشوز المناسب.

3- ازاى تلبسي السنيكرز لخروجة :

زى ما قلنا من شوية انه السنيكرز بتديكى لمسة من العفوية و الطفولة فى اللوك بتاعك وفى نفس الوقت مابتقتلش الشياكة او لمسة الاناقة اللى بتحبى تبقى موجودة فى ستايلك خصوصا لو خارجة مع خطيبك او جوزك مثلا، جربى تلبسي الشوز اللى بينتهى عند الكعب او الـ below the ankle bone shoe علشان تعملى لوك شيك و تتجنبى انه يبقى رياضى زيادة عن اللزوم، ممكن تعبرى عن شخصيتك من خلال الشوز بانك تلبسيه بلون جديد يرفع من مستوى الـ outfit بتاعك او تلبسيه بنقشة او floral مثلا، وتقدرى تلبسيه على جيبة، بنطلون ، و حتى الـجامبسوت jumpsuit .

شوفى معانا كمان موضة صنادل البوم بوم لصيف 2018

مقالات متعلقه

ازاي تجددي ستايلك في 2023 ، اعرفي القطع التريندي للسنة دي

ازاي تجددي ستايلك في 2023 ، اعرفي القطع التريندي للسنة دي

الصيف يعني لبس خفيف وعملي.. اعرفي ازاي تلبسي كاجوال في الصيف

الصيف يعني لبس خفيف وعملي.. اعرفي ازاي تلبسي كاجوال في الصيف

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير