ال Rose Brown احدث لون شعر تريندي ل 2018 اكيد هتجربيه
دلوقتي بقى كل يوم بيظهر الوان شعر جديدة وبقت في الوان كتير غير تقليدية وغير اللي احنا متعودين عليها, والنهاردة في موضوعنا هنشوف مع بعض لون شعر ال Rose Brown اللي يعتبر احدث لون تريندي للموسم ده, والميزة في اللون ده انه مثالي جدا للبشرة السمرا بشكل خاص.
لون شعر ال Rose Brown:
لو عايزة تغيري في اللوك بتاعك ومحتارة تختاري اللون المناسب, وصاحبة بشرة سمرا ده هيكون انسب لون ليكي, اللون مميز جدا وعصري وهيديكي لوك مختلف ومثير.
واللون ده ظهر من فترة قصيرة جدا, واللي عمله مصفف شعر استرالي, وممكن تعملي اللون ده في البيت بنفسك بخلط بودرة تفتيح مع لون صبغة بني واحمر, هتطلع معاكي النتيجة النهائية اللون ال Rose Brown.
واللون الوردي البني ميزته انه مش بيحتاج تفتيح كتير للشعر لان اللون هيظهر بسرعة وبالتالي الشعر مش هيبوظ بسبب التفتيح الزيادة.
ممكن تعملي اللون على الشعر كله, او تعملي منه هايلايت بس, حسب ما تحبي اكتر.