15 غلطة بتعمليهم وانتي بتنضفي بشرتك لازم تتجنبيهم عشان تحافظي على بشرتك صحية

بقلمريهام محمود فيبشرة visibility1909

تنضيف الوش كلنا ممكن نفتكر ان دي ابسط مهمة ممكن نعملها بس مجرد اننا نبل الوش بالمية ونفركه بالمنظف ونشطفة, لكن عشان تحصلي على اقصى استفادة من روتين التنضيف اليومي لبشرتك محتاجة عناية اكتر, لان الموضوع مش بس تغسلي وشك وخلاص لكن في حاجات بتعمل فرق زي هتغسليه امتى, ونوع المنظف اللي بتستخدميه, عشان كده النهاردة هنقولك ايه اكتر غلطات بتعمليها في تنضيف بشرتك.

غلطات بتعمليها في تنضيف بشرتك:

خبراء التجميل والجلدية وضحوا ان التنضيف السليم للبشرة بيمنع ظهور حب الشباب, وبيحسن صحة الجلد, وبيقلل كمان من التهاب الجلد, وعشان تتأكدي انك بتنضفي بشرتك بطريقة صح هنقولك على الغلطات اللي لازم تتجنبيها وانتي بتنضفي بشرتك.

1- بتنسي تغسلي وشك قبل النوم:

غسل الوش قبل النوم هي قاعدة اساسية وسريعة عشان تحافظي على بشرتك صحية, حتي لو مش حاطه مكياج خلال فترة النهار, الزيوت والعرق بيتراكم على البشرة, وكل ده بيتراكم على طبقة الجلد الخارجية وممكن يأدي لتهيج الجلد والالتهاب وظهور حب الشباب, عشان كده لازم تغسلي وشك قبل النوم حتى لو مكنتيش حاطة مكياج.

غلطات بتعمليها في تنضيف بشرتك
غلطات بتعمليها في تنضيف بشرتك

2- مش بتستخدمي المنظف الصبح:

ممكن تفكري انك مادام نضفتي بشرتك قبل النوم بالمنظف ده مش هيخليكي تحتاجي منظف تاني الصبح, لكن اكياس المخدات بتنقل لبشرتنا بكتيريا من اللعاب والزيوت اللي بتكون في شعرك وبتتنقل لبشرتك وكمان لعينك, عشان كده مهم اننا نستخدم المنظف الصبح.

غلطات بتعمليها في تنضيف بشرتك
غلطات بتعمليها في تنضيف بشرتك

3- بتستخدمي مية سخنة اوي:

المية السخنة مش صديق جيد للبشرة خصوصا لجلد حساس زي بشرة الوش وممكن تسبب لها ضرر, لان درجات الحرارة العالية زي الاستحمام السخن او البخار السخن او المية السخنة بتوسع الاوعية الدموية وبتكسر الانسجة الرقيقة, وكمان المية السخنة اوي بتزيل طبقة الزيت الطبيعي اللي بتكون عاملة حاجز بيحمي البشرة من العوامل الخارجية, وده معناه ان بشرتك هتجف بسرعة وهتكونن معرضة اكتر للحكه والقشور, عشان كده بدل المية السخنة الافضل تستخدمي مية دافية لغسل الوش.

غلطات بتعمليها في تنضيف بشرتك
غلطات بتعمليها في تنضيف بشرتك

4- بتستخدمي منظف الوش لازالة المكياج:

منظف الوجه مينفعش تستخدميه كمزيل مكياج لان في انواع مكياج كتير بتكون ضد المية والمنظف مش هيزيلها بشكل كامل, عشان كده مهم انك تزيلي المكياج الاول قبل غسيل الوش باي وسيلة بتستخدميها سواء ويبس, او ماء ميسيلار, او مزيل مكياج.

غلطات بتعمليها في تنضيف بشرتك
غلطات بتعمليها في تنضيف بشرتك

5- بتمسحي المكياج بالويبس بس:

الويبس لوحده مش كافي لتنضيف المكياج لانه مش بيزيله كله وبيسيب بقايا مكياج على البشرة, عشان كده الافضل انك تستخدميه هو الاول لازالة المكياج وبعدها تغسلي وشك بالمنظف عشان تزيلي اي بقايا مكياج او زيوت.

غلطات بتعمليها في تنضيف بشرتك
غلطات بتعمليها في تنضيف بشرتك

6- بتستخدمي منظف مش مناسب لنوع بشرتك:

مهم جدا انك تختاري المنظف المناسب لنوع بشرتك عشان يديكي النتيجة المطلوبة وبشرتك تستفاد منه, لو بشرتك حساسة الافضل تستخدمي منظف يكون خفيف ومرطب, لو بشرتك دهنية او معرضة  لحب الشباب استخدمي منظف رغوي او بيحتوي على حمض الساليسيليك عشان يزيل اي زيوت زيادة على البشرة, ولو بشرتك جافة الافضل تستخدمي منظف كريمي يساعد في الحفاظ على رطوبة البشرة.

غلطات بتعمليها في تنضيف بشرتك
غلطات بتعمليها في تنضيف بشرتك

شوفي من هنا افضل انواع مقشر وغسول البشرة.

7- غسل الوش بالصابون:

الصابون يعتبر منظف قاسي جدا على البشرة وبيجردها من المرطبات الطبيعية للجلد, وده ممكن يسبب التهاب واحمرار الجلد لانه بيكسر الاوعية الدموية للبشرة, عشان كده الافضل استخدام المنظفات الخفيفة على البشرة بدل الصابون زي منظف دوف للبشرة الحساسة, او المنظفات اللي داخل فيها مكونات طبيعية زي حليب جوز الهند المغذي للبشرة, المنظفات دي هتبقى خفيفة على البشرة ومش هتسبب اي تهيج وتقدري تستخدميها بأمان مرتين في اليوم.

غلطات بتعمليها في تنضيف بشرتك
غلطات بتعمليها في تنضيف بشرتك

8- استخدام فوطة مش نضيفة:

استخدام فوطة مش نضيفة لتجفيف البشرة ممكن ينقل لها بكتيريا ويسبب ضرر للبشرة, عشان كده لازم نتأكد اننا نغير الفوطة باستمرار ونستخدم فوط نضيفة.

غلطات بتعمليها في تنضيف بشرتك
غلطات بتعمليها في تنضيف بشرتك

9- مسح الوش بفوطة الجسم:

اكيد كلنا بنعمل كده اول ما بنخلص الحمام بنشف جسمنا ووشنا بنفس الفوطة, لكن على الرغم من ان الجسم نضيف وانتي لسه واخدة حمام لكن بردو بيكون في كائنات دقيقة جدا مختلفة في مناطق مختلفة من الجسم وممكن تنشر بكتيريا من جسمك لوشك, عشان كده الافضل انك تخصصي فوطة تكون للوش بس.

غلطات بتعمليها في تنضيف بشرتك
غلطات بتعمليها في تنضيف بشرتك

10- تنضيف وترغية البشرة لفترة طويلة اوي:

طول فترة رغوة المنظف على الوش مش مرتبطة بالتنضيف الجيد يعني مش معنى انك عايزة تنضفي وشك كويس يبقى تخلي الرغوة فترة اطول, انتي مش محتاجة الرغوة على البشرة لمدة اطول من 20 او 30 ثانية بس لان اكتر من كده ممكن تضر البشرة اكتر ما تفيدها, لان طول فترة الرغوة على البشرة وخصوصا مع الغسول المقشر ممكنن تسبب احمرار وتهيج الجلد, وافضل طريقة لاستخدام المنظف انك تبلي بشرتك الاول بمية دافية وبأطراف الصوابع حطي المنظف على البشرة في حركات دائرية, وبمجرد ما يعمل رغوة خفيفة اشطفي الوش بالمية ونشفيه بفوطة ناعمة, وتأكدي انك بتنضفي منطقة التي زون T ومنطقة ال U اللي هي بتكون حوالين الفك لان غالبا معظمنا بينسى المنطقة دي.

غلطات بتعمليها في تنضيف بشرتك
غلطات بتعمليها في تنضيف بشرتك

11- بتقشري بشرتك اكتر من مرة او مرتين في الاسبوع:

لو بتستخدمي غسول مقشر اكيد هيكون مفيد لتقشير البشرة وازالة الجلد الميت من على سطح البشرة وتنضيف البشرة, لكن كمان الافراط في التقشير ممكن يعمل تمزقات في طبقة الجلد الخارجية وده ممكن يأدي لتهيج والتهاب البشرة, وبصفة عامة البشرة مش محتاجة تقشير اكتر من مرة لمرتين بس في الاسبوع.

غلطات بتعمليها في تنضيف بشرتك

12- غسل الوش كتير:

من الناحية المثالية الوش مش محتاج غسيل اكتر من مرتين في اليوم, مرة الصبح ومرة بالليل, باستشناء بعد ممارسة التمارين الرياضية والتعرق المفرط, والغسيل اكتر من مرتين في اليوم مش حاجة ضرورية لكل الناس الا اذا كنتي معرضة للاصابة باي عدوى جلدية, لان غسل الوش كتير مش بس بيأدي لجفاف البشرة, لكن كمان ممكن يأدي ان الجلد يفرز زيوت كتير بشكل مفاجيء, والخلاصة لو انتي مش حاطه مكياج, ومش بتعرقي كتير, ومش بتستخدمي واقيات شمس تقيلة يبقى انتي مش محتاجة اكتر من الروتين الطبيعي لغسيل الوش مرتين في اليوم.

غلطات بتعمليها في تنضيف بشرتك

13- بتغسلي وشك بعد الماسك:

معظم ماسكات البشرة بنكون محتاجين اننا ننضف البشرة قبل الماسك عشان مكونات الماسك تخترق الجلد والبشرة تستفاد منه كويس وبالتالي انتي مش محتاجة لتنضيف البشرة مرة تانية بعد الماسك, كل اللي محتاجاه انك تشيلي الماسك بالمية بس من غير منظف.

غلطات بتعمليها في تنضيف بشرتك

14- استخدام التونر غلط:

لحد دلوقتي ممكن يكون في بنات كتير مش بتعرف تستخدم التونر صح, ودلوقتي كمان بقت في انواع كتير من التونر منها اللي بتخلص البشرة من الزيوت الزيادة, او الانواع اللي بتزيل المكياج, او الانواع المرطبة للبشرة, اول حاجة اختاري النوع المناسب ليكي حسب نوع بشرتك وحسب احتياجك ليه في ورتين التنضيف اليومي بتاعك, واستخدميه الاول مرة واحدة في اليوم بعد غسول البشرة عشان تتأكدي انه مش هيسبب جفاف لبشرتك, وبعدها ممكن تستخدميه مرتين في اليوم بعد الغسول.

غلطات بتعمليها في تنضيف بشرتك

شوفي من هنا افضل انواع تونر البشرة..وازاي تختاري اللي يناسبك بالماركات والاسعار.

15- مش بترطبي بشرتك بعد التنضيف على طول:

الترطيب بيعمل فرق كبير جدا على البشرة, وخبراء الجلدية بينصحوا انك تحطي المرطب بعد غسل الوش على طول, لانك لو استنيتي دقايق على المرطب الخلايا السطحية للجلد بتجف وبتخلي الترطيب صعب, والمرطبات مهمة لانها بتوفر المكونات الاساسية اللي بتغذي البشرة وبتحافظ على رطوبتها, ولو المرطب النهاري اللي بتستخدميه مش بيحتوي على عامل حماية من الشمس يبقى حطي الصن بلوك بعد المرطب, لان الصن بلوك هيحافظ على كل المجهود اللي عملتيه في العناية ببشرتك.

غلطات بتعمليها في تنضيف بشرتك

طرق لتنضيف البشرة من غير صابون

تنضيف البشرة من غير صابون