ازاي تختاري فستان السهرة المناسب ليكي حسب شكل جسمك

ريهام محمود
ريهام محمود
24540

معظم البنات بيبقى عندهم عدم رضا عن جسمهم نفسهم يغيروا فيه حاجات عشان يليق عليهم كل اللبس اللي نفسهم يشتروه وخصوصا لبس المناسبات او السواريهات لان اي بنت بتكون عايزة تطلع بشكل حلو في اي مناسبة, لكن احنا بنقولك ان اختيار اللبس بطريقة صح عليه عامل كبير جدا انه يبرز المناطق الحلوة في جسمك ويداري الديفوهات, وده اللي هنعرفه النهاردة مع بعض هنقولك نصايح ازاي تختاري فستان السهرة المناسب حسب شكل جسمك.

ازاي تختاري فستان السهرة المناسب حسب شكل جسمك:

1- الجسم على شكل ساعة رملية:

لو انتي جسمك واخد شكل الساعة الرملية, بيكون فيه الكتفين والوركين نفس الحجم ومنطقة الوسط بتكون رفيعة, انسب فساتين سهرة ليكي هي الفساتين الطويلة اللي بتبرز وتحدد منطقة الوسط, ممكن تلبسي موديل Wrap Dresses هيظهر شكل الجسم حلو جدا, او الفساتين اللي بحزام على الوسط هتلفت النظر وتبرز منطقة الوسط اكتر, كمان موديل ال Mermaid من الموديلات المناسبة اللي هتبرز كل منحنيات الجسم بشكل حلو جدا.

فستان السهرة المناسب حسب شكل جسمك 1
فستان السهرة المناسب حسب شكل جسمك 1

2- الجسم على شكل تفاحة:

بيكون فيه الجزء اللي تحت من الجسم رفيع ومنطقة الصدر مليانة اكتر, يبقى اختاري الفساتين اللي تدعم المنطقة اللي تحت ويكون فيها تفاصيل عشان تعملي توازن ما بين فوق وتحت, وهيكون مناسب ليكي جدا الفساتين موديل ال A-Line اللي هتساعد انها تبرز منطقة الوسط والوسع اللي عند منطقة الوركين هيعمل توازن في شكل جسمك, كمان من الموديلات المناسبة جدا للجسم التفاحي موديل ال Empire Waist كمان هيخلق توازن ما بين ما بين الجزء اللي فوق واللي تحت من الجسم.

3- الجسم الكمثري:

الجسم الكمثري عكس اللي فات هيكون عندك الجزء اللي فوق من الجسم ارفع من اللي تحت, يبقى انتي هنا محتاجة تبرزي الجسم من اول منطقة الوسط لحد فوق, وتلبسي الموديلات اللي تلفت الانتباه للجزء اللي فوق من الجسم, ممكن تختاري الفساتين المطرزة من فوق واللي فيها دانتيل, يعني اختاري الموديلات اللي فيها تفاصيل من فوق عند منطقة الصدر عشان تعملي توازن بين الجزء اللي فوق واللي تحت من الجسم, كمان الجيبات السك اللي فيها كرانيش من تحت بس هتكون مناسبة جدا.

4- الجسم المستطيل:

الجسم المستطيل او “الصبياني” بيكون الكتفين والوركين نفس العرض, ومنطقة الوسط بتبقى عريضة ومش متحددة, عشان كده ممكن تختاري الفساتين اللي تلفت الانتباه بعيد عن منطقة الوسط وهي اللي بيكون فيها تفاصيل كتير من فوق, او اختيار تاني انك تعتمدي على الموديلات اللي تبرز الوسط يعني ممكن الفساتين اللي بحزام, او تختاري الفساتين اللي باللون مختلف في الجزء اللي فوق عن اللي تحت, كل الستايلات دي هتكون مناسبة ليكي.

فستان السهرة المناسب حسب شكل جسمك 8
فستان السهرة المناسب حسب شكل جسمك 8

5- الجسم الصغير:

صاحبة الجسم الصغير لو اختارتي الفساتين الطويلة المنفوشة ملامح جسمك كلها هتضيع في الفستان, عشان كده افضل اختيار ليكي هي الفساتين القصيرة اللي هتظهر جسمك بشكل احلى, ولو مش بتحبي الفساتين القصيرة ممكن تختاري الفستان بطول الركبة, يعني اعتمدي القصير هتطلعي بشكل حلو.

فستان السهرة المناسب حسب شكل جسمك 12
فستان السهرة المناسب حسب شكل جسمك 12

6- اعملي منحنيات:

ممكن انتي تعملي منحنيات لجسمك بالفستان, اختاري الموديلات اللي فيها كشكشة في محيط منطقة الوسط او فستان بحزام, الستايلات دي هتساعد انها تبرز الجزء اللي تحت من الجسم اكتر.

7- طول الساقين:

فساتين السهرة السودا الطويلة او القصيرة والفساتين الغامقة, اختيار مثالي جدا لو عايزة تباني اطول, التباين ما بين الرجل ولون الفستان الغامق هيخلي الرجل تبان اطول, لو بينتي جزء من الرجل مع لبس شوز كعب عالي هيبينك اطول.

فستان السهرة المناسب حسب شكل جسمك 18
فستان السهرة المناسب حسب شكل جسمك 18

ازاي تختاري فستان الفرح المناسب لشكل جسمك

فستان الفرح المناسب لشكل جسمك
فستان الفرح المناسب لشكل جسمك

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا