طريقة عمل شاي القرفة لتخسيس الوزن وحرق الدهون

بقلمريهام محمود فيتخسيس الوزن visibility2081

وصفتنا النهاردة لبنات حوا سهلة وبسيطة جدا وهي شاي القرفة لتخسيس الوزن والسيطرة على الشهية يعني هيمنعك انك تاكلي كتير, ومكوناته بسيطة ومتوفرة في كل بيت هنعرفها مع بعض من خلال موضوعنا وهنتعرف على كل فوايد شاي القرفة.

– فوايد شاي القرفة:

1- القرفة بتساعد على تثبيت مستويات السكر في الدم, وبتزود من عملية التمثيل الغذائي للجلوكوز, وبما ان ارتفاع مستويات السكر في الدم ممكن يأدي لزيادة تخزين الدهون, فالقرفة بتمنع ان ده يحصل.

2- يعتبر من افضل انواع الديتوكس اللي بتساعد على تنضيف الامعاء والجسم من السموم.

3- بيساعد على خفض مستويات الكوليسترول في الدم والجلوكوز, وهيمنع ان وزنك يزيد تاني.

4- العسل وهو من المكونات اللي موجودة معانا في الوصفة بيساعد على زيادة وتسريع عملية الايض اللي بتساعد الجسم على حرق الدهون, بالاضافة الى انه يعتبر بديل صحي للسكر, وبيوفر الطاقة للجسم بعد عملية حرق الدهون.

5- من المكونات كمان اللي في الوصفة هو الشاي الاخضر اللي معروفة فوايدة الصحية, وغني جدا بمضادات الاكسدة.

شاي القرفة لتخسيس الوزن
شاي القرفة لتخسيس الوزن

– وصفة شاي القرفة لتخسيس الوزن:

المكونات:

– 1 كوباية مية سخنة.

– 1 كيس شاي اخضر او معلقة صغيرة.

– عود قرفة خشب او معلقة صغيرة قرفة مطحونة.

– ½ معلقة كبيرة عسل نحل.

– عصير ½ ليمونة.

– ذرة شطة.

شاي القرفة لتخسيس الوزن
شاي القرفة لتخسيس الوزن

الطريقة:

انقعي كيس الشاي الاخضر مع عود القرفة في كوباية المية السخنة لمدة من 10 – 15 دقيقة, بمجرد ما يبقى الشاي الاخضر عندك جاهز, شيلي عود القرفة وضيفي له عصير الليمون والعسل والشطة, قلبيهم مع بعض كويس.

اشربيه كل يوم الصبح قبل الفطار على معدة فاضية, او ممكن تشربيه مرتين ½ كوباية الصبح قبل الفطار, و ½ كوباية قبل النوم.

شاي القرفة لتخسيس الوزن
شاي القرفة لتخسيس الوزن

– طريقة تانية لشاي القرفة:

المكونات:

– 1 لتر مية.

– عود قرفة خشب او 5 كبيرة معالق قرفة مطحونة.

– ½ معلقة كبيرة عسل نحل.

شاي القرفة لتخسيس الوزن
شاي القرفة لتخسيس الوزن

الطريقة:

اغلي المية وضيفي لها القرفة وسيبيها تغلي لمدة 5 دقايق, ارفعي الشاي من على النار وسيبيه يبرد وبعدين ضيفي له العسل, وقلبيهم مع بعض كويس.

اشربي منه يوميا 3 مرات في اليوم مرة الصبح قبل الفطار, وقبل الغدا, وقبل النوم, وممكن تشربيه بارد او سخن.

والنصيحة الاخيرة الشاي ده ممنوع لاي حد بيعاني من القرحة, وممنوع كمان للحوامل واللي بيرضعوا.

شاي القرفة لتخسيس الوزن
شاي القرفة لتخسيس الوزن

مشروب سحري هيخليكي تخسري وزن في 14 يوم وبس وهيحسن صحتك وبشرتك

فوايد مية جوز الهند للتخسيس والصحة والبشرة