9 نصايح تخليكى تقدرى تشحنى طاقتك طول الاسبوع و تتجنبى الاجهاد

آية حسان
آية حسان
في
صحة
845

كتير بيبقى الشغل لوحده مرهق و بنقابل فيه ايام صعبة، فما بالك بقى بالأيام اللى بيبقى فيها شغل كتير و مهم مع المذاكرة او مع متطلبات البيت و الاطفال لو كنتى متجوزة،  حسيتى بالارهاق و التعب بمجرد ما قريتى الكلام مش كده ؟ ما تشيليش هم .. فى المقال ده بنات حوا هيعرفوكى على نصايح مهمة و مفيدة تقدؤى بيها تشحنى طاقتك و تجددى نشاطك فى الاسابيع الطويلة والمضغوطة، خلينا نعرفهم سوا .. 

9 نصايح تخليكى تقدرى تشحنى طاقتك طول الاسبوع و تتجنبى الاجهاد

1- خدى بريك  : 

رغم انه مهم انك تركزى فى شغلك و تديله كل انتباهك، لكن مهم برده انك تاخدى بريك منظم كل فترة والتانية، وماتقلقيش، مش معنى انك ترتاحى 5 دقايق مثلا كل ساعة انه ده هيقلل من وقت الشغل، بالعكس ده هيشحن طاقتك و هيخليكى تنجزى المهام المطلوبة منك بجودة أعلى و فى وقت اسرع. وفى الحقيقة لو فضلتى شغالة لوقت طويل ومتواصل هتلاقى نفسك بعد فترة تركيزك و طاقتك قلوا جدا ومابقيتيش قادرة تعملى حاجة تانى، علشان كده مهم انك تاخدى بريك علشان تشحنى طاقتك. 

خدى بريك
خدى بريك

2- ماتهمليش تمارينك  :

خدى وقت واركبى عجل او انزلى امشي و اجرى، ولو فى وقت تروجى الجيم يبقى عظيم جدا. مهم انك ماتهمليش تمارينك خصصا لو بتشتغلى 60 ساعة فى الاسبوع لانك وقتها هتواجهى ضغط نفسي و جسدى كبير، والتمرينات هتساعدك تتخلصى من الضغط ده و تشحنى طاقتك وعلشان كمان تتجنبى المشاكل الصحية اللى ممكن يسببها ضغط الشغل زى ارتفاع الضغط مثلا و الارق، حاولى تخلقى وقت تتمرنى فيه قبل الشغل او بعده و لو حتى انك تنزلى تتمشي نص ساعه كل يوم. 

ماتهمليش تمارينك
ماتهمليش تمارينك

3- خلى فى وقت تتبسطى فيه  : 

غالبا البنات او الستات اللى بيشتغلوا يومهم بيمشى كالتالى: تصحى من النوم، تروح الشغل، ترجع البيت بعد الشغل، تعمل الغدا، تخلص طلبات البيتن تنام و تصحى تروح الشغل و هكذا .. و ده مابيخليش اى وقت لعمل اى حاجة تانية.

والحقيقة الروتين او اللايف ستايل ده مش صحى اطلاقا، لانه لازم تخلى وقت تستمع بيه فى روتينك ده ، بانك تخرجى مع اصحابك او مع جوزك تجروا و تتفسحوا و تشوفوا اماكن  جديدة  و تتواصلوا مع بعض، الخروجة دى ولو مرة فى الاسبوع هتفرق فى نفسيتك ومودك جدا و كمان هتأثر على علاقتكم بشكل ايجابى . 

خلى فى وقت تتبسطى فيه

خلى فى وقت تتبسطى فيه

4- اشربي مية : 

دايما بنأكد على اهمية شرب المية كل يوم اونك لازم تشربى فى المتوسط 3 لتر، ده مش بس هيأثر على تركيزك و طاقتك بشكل ايجابى. لكن كمان له تأثيرات ايجابية كتيرة على صحة و جمال بشرتك و شعرك و صحتك بشكل عام، ولو حسيتى انه شرب المية لوحدها ممل و بيتعبك، جربى تضيفى لكوباية المية شرايح من التفاح او الليمون او النعناع او البرتقان علشان تديها طعم و نكهه. 

اشربي مية
اشربي مية

5- قللى من شرب القهوة  : 

طبيعى بالنسبة لكتير مننا انهم يشربوا قهوة طول اليوم ، خصوصا فى لايام اللى بيبقى الشغل فيها كتير هتلاحظى انك بتشربى قهوة و صودا اكتر من الايام العادية ،  علشان نفضل صاحيين و منتبهين للشغل اللى فى ايدينا و الحقيقة دى بينفع لكن لمدة قليلة جدا من الوقت. علشان كده مهم انك ماتشربيش قهوة كتير خلال نفس اليوم . مش بنقولك ماتشربيش قهوة خالص لكن على الاقل ماتشربيهاش وقت ما تكونى مضغوطة علشان الكافيين الزيادة هيتسبب فى زيادة التوترو القلق و كمان هتحسي بـ crash لما يبدأ مستوى الكافيين يقل فى دمك مرة واحة و كمان هتصابى بالأرق، اعرفى معانا هنا ازاى القهوة بتأثر على جسمك و عقلك فى 6 ساعات بس من وقت ما تشربيها!

قللى من شرب القهوة
قللى من شرب القهوة

6- ماتشتغليش 7 أيام فى الاسبوع : 

لما بيبقى وراكى حاجات كتير ومحتاجة تعمليها، بيبقى باين انه الافضل هو انك تفضلى تشتغلى و تشتغلى لحد ما كل حاجة تحصل، من غير ماتخدى بريك او اجازات وفاكرة انه كده صح علشان تلحقى تخلصى الل وراكى، والحقيقة انه ده غلط لانه لازم تاخدى اجازة يومين كل اسبوع علشان تقدرى تصفى ذهنك و تشحنى طاقتك من جديد ، وتريحى عقلك و جسمك، وعلشن تعملى ده و تستغلى اجازتك بشكل ناجح وانتى مرتاحة حاولى تنظمى وقتك بحيث انه شغل كل يوم يخلص فى الوقت المحدد ليه و مايزيدش عنه.

ماتشتغليش 7 أيام فى الاسبوع
ماتشتغليش 7 أيام فى الاسبوع

7- ابعدى عن الـ junk food : 

لما يبقى جدوا شغلك مزدحم و مفيش وقت تقومى تعملى اكل صح بايديكى ، الاكل السريع او الـ junk food  مش هوالحل ابدا، لانه مكن يشبع رغبتك لكنه كمان ماليان بما يعرف بـالـ empty calories و قيم غذائية فقيرة علشان كده مش هيمد جسمك بالمعادن و التغذية اللى محتاجها. وعلشان تتأكدى انك بتأكلى سناك صحية تصبرك على الجوع، جهزى معاكى من البيت سلطة او سندوتشات تاخديها معاكى الشغل علشان تجددى بيها طاقتك و تأكليها وقت ما تجوعى ، وماتبقيش مضطرة خالص للأكلات الجاهزة. 

ابعدى عن الـ junk food
ابعدى عن الـ junk food

8- نامى كويس : 

الخبراء بيعتقدوا انه البالغين محتاجين يناموا فى المتوسط 8 ساعات فى الليلة ، و ممكن ناس تحتاج تنام اقل شوية او اكتر شوية، ورغم انه ساعات بيبقى انك تنامى كويس و نوم عمي من غير قلق او من غي ما تصحى بالليل حاجة صعبة، الا انه من غير النوم العميق ده هتحسي بتعب و استنفاذ للطاقة و ضياع للتركيز بصزرة بيرة تانى يوم، براء النوم بينصحوا انه تحاولى تدخلى السرير بدرى و تصحى بدرى و تعملى الحركتين دول فى نفس الميعاد كل يوم،  حتى فى ايام الاجازات، وممكن تاخدى قيلولة ماتعديش 20 دقيقة علشان تجددى بيها نشاطك. 

نامى كويس
نامى كويس

9- اعرفى انت شخص صباحى ولا ليلى : 

بتحبى تصحى بدرى؟ و لا تسهر لوقت متأخر؟ لو فى حاجات زيادة عن شغلك و محتاجة تعمليها و انتى عادة بتصحى مع الفجر مثلا ، جربى تعملى الحاجات دى قبل ما تنزلى للشغل بدل ما تقعدى تعمليها فى overtime و تقعدى ساعات زياة عن الساعات المحددة فى مكان الشغل، و لو بتحبى تعمل الشغل بالليل متأخر لو انتى شخض بيسهر فى العادة، يبقى حاولى تخلصيه فىوقت معقول او تقسميه على كذا سهرة علشان برده يبقى فى وقت كافى للنوم و الراحة. 

اعرفى انت شخص صباحى ولا ليلى
اعرفى انت شخص صباحى ولا ليلى

اعرقى معانا كمان 7 حيل تخدعي بيهم المخ هتخليكي تستعيدي نشاطك بسرعة لو كنتي مرهقة

مقالات متعلقه

صحتك مهمة.. اعرفي 5 طرق لتقليل خطر الإصابة بـ الأزمات القلبية سهلة وفعالة في الوقاية

صحتك مهمة.. اعرفي 5 طرق لتقليل خطر الإصابة بـ الأزمات القلبية سهلة وفعالة في الوقاية

7 أكلات لتنظيف الجسم بشكل طبيعي بالأكل.. اعرفي ايه الأكلة المناسبة لكل جزء من الجسم

7 أكلات لتنظيف الجسم بشكل طبيعي بالأكل.. اعرفي ايه الأكلة المناسبة لكل جزء من الجسم

8 طرق سهلة  وبسيطة تخلصي بيهم جسمك من الإجهاد والتوتر

8 طرق سهلة  وبسيطة تخلصي بيهم جسمك من الإجهاد والتوتر