افكار ستايلات كاجوال محجبات لموسم الصيف

بقلمريهام محمود فيموضة وأزياء visibility2250

موسم الصيف معروف باننا بنبدأ فيه نفتح في الوان لبسنا بعكس الشتا اللي بيعتمد على الالوان الغامقة والدافية الصيف بيعتمد على الالوان الفاتحة والزاهية اللي تناسب جو وانطلاق الصيف اكتر, والنهاردة من خلال موضوعنا هنشوف مع بعض مجموعة ستايلات كاجوال محجبات للصيف.

– وهنلاقي الستايلات منوعة جدا, ما بين البنطلونات الواسعة وال Dressy Pants اللي بيكون بحزام على الوسط من الموديلات الموضة جدا للموسم ده.

– الستايل المقلم كان موضة جدا من السنة اللي فاتت ومكمل معانا كمان الموسم ده ما بين البلوزات القصيرة او الشيميز او الشيرت دريس الطويل.

الكارديجان بموديلاته كلها سواء الطويل او القصير, التونيك, الدريس الطويل المفتوح, الفيست, البليزر, كلها من القطع اللي تقريبا مش بتبطل ومعانا كل موسم ومازالت تريندي للموسم ده كمان, ومن الحاجات بردو اللي كانت موجودة في مواسم قبل كده ولسه معانا هي الكم الجرس موضة جدا للموسم ده, وطبعة الورد كمان تريندي جدا للصيف.

– ولسه مع الحاجات اللي مكملة معانا من المواسم اللي فاتت, وهي البنطلون الجينز البوي فريند و الجينز المطرز من القطع اللي معانا من كام موسم ولسه بردو تريندي لموسم الصيف ده.

– وبالنسبة للخامات القطن يعتبر الخامة المناسبة جدا لفصل الصيف لانه بيريح جدا في اللبس ومش بيحرر.

– اكيد مننساش نكمل اللوك بتاعنا بالاكسسوارت المناسبة, ولو عايزة لوك عملي البسي سنيكرز, ولو اللوك لبعد الضهر وعايزة تضيفي له لمسة انيقة ممكن تلبسي شوز بكعب.

تعالوا نشوف مع بعض افكار ستايلات كاجوال محجبات للصيف:

ازاي تلبسي ال Dressy Pants مع الحجاب بطريقة شيك

Dressy Pants مع الحجاب
Dressy Pants مع الحجاب