هيحصل ايه لجسمك لو بدأتي تاكلي شوفان كل يوم !

بقلمريهام محمود فيصحة visibility15479

وجبة الفطار تعتبر اهم وجبة في اليوم لانها هي اللي بتدينا الطاقة اللي محتاجها الجسم لباقي اليوم, وخبراء التغذية بينصحوا ان افضل حاجة للفطار هو الشوفان لانه ليه فوايد صحية كتير جدا, والنهاردة من خلال موضوعنا هنقولكم على فوايد الشوفان الصحية وايه اللي ممكن يحصل لجسمك لو انتظمتي على اكله بشكل يومي.

فوايد الشوفان الصحية:

مهم جدا تختاروا شوفان عالي الجودة ويكون خالي من اي شوائب, وممكن تنوعوا في طعمه وتضيفوا عليه اضافات زي الفاكهة الطازة او المكسرات او القرفة او الكريمة او الزبادي قليلة الدسم.

1- هيحسن بشرتك:

الشوفان مثالي جدا لعلاج حالات التهابات الجلد زي الاكزيما او التهيج, بيساعد على تعزيز صحة البشرة, لانه بيحتوي على خصائص فريدة ومجموعة كبيرة من الفيتامينات والعناصر اللي بتساعد على تحسين صحة البشرة, الزنك الموجود في الشوفان بيساعد على تطهير الجلد وازالة السموم والمركبات الضارة, بيساعد على تضييق مسام البشرة وتجدديها, الحديد اللي موجود فيه بيساعد على تغذية وترطيب خلايا الجلد, المنجنيز بيساعد على علاج التورم والالتهاب من البشرة, كمان بيعزز الشفاء السريع للجلد بعد الجروح والكدمات والحروق وغيرها من الجروح الصغيرة, المغنسيوم بيزود الدورة الدموية وبيساعد على تجديد خلايا الجلد بشكل ملحوظ.

فوايد الشوفان الصحية
فوايد الشوفان الصحية

2- هيمد عضلاتك ببروتين اكتر:

حوالي 8 معالق كبيرة من الشوفان كل يوم هيمد جسمك بنسبة 15% من كمية البروتين اللي بيحتاجها جسمك بشكل يومي, ده بالاضافة ان الشوفان غني بفيتامين E ومضادات الاكسدة والجلوتامين اللي بتساعد على تجديد الياف العضلات بشكل اسرع.

فوايد الشوفان الصحية
فوايد الشوفان الصحية

3- رفع مستويات مضادات الاكسدة:

الشوفان غني جدا بمضادات الاكسدة, وواحدة من مضادات الاكسدة هي مادة افانانثيراميد اللي بتساعد في علاج الحكة والالتهاب وضغط الدم, وبيحتوي كمان على الجلوكان اللي بيساعد على تقليل نسبة السكر في الدم, واللي بيزود من تأثيرها كمان وجود فيتامين C, عشان كده خبراء التغذية دايما بينصحوا باكل الشوفان وشرب عصير برتقان مع بعض على الفطار لان الاتنين بيكملوا بعض.

فوايد الشوفان الصحية
فوايد الشوفان الصحية

4- هتحسي بطاقة اكتر:

الشوفان غني بالكربوهيدرات اللي بتوفر طاقة اكتر للجسم, وخبراء التغذية بينصحوا انك تاكلي الشوفان يكون جاف شوية عشان ده هيديكي طاقة لفترة اطول وكمان هيملى معدتك وهيخليكي تحسي بالشبع ومش محتاجة تاكلي لفترة طويلة.

فوايد الشوفان الصحية
فوايد الشوفان الصحية

5- هيساعدك في تخسيس الوزن:

اكل الشوفان بشكل يومي هيساعد على تحسين عملية التمثيل الغذائي وتسريع عملية فقدان الوزن, الفطار اللي بيعتمد على الشوفان لفترة طويلة هيخليكي ما تاكليش سعرات حرارية زيادة, الكربوهيدرات اللي موجودة في الشوفان بتساعد على تنظيم الشهية وبتحافظ على مستويات السكر في الدم بشكل طبيعي, والمواد الغذائية اللي موجودة في الشوفان مش بس بتحسن عملية التمثيل الغذائي لكن كمان بتمنع تراكم الدهون والسموم في الجسم, وبتمنعنا من الافراط في الاكل.

فوايد الشوفان الصحية
فوايد الشوفان الصحية

6- هيقلل الكوليسترول:

الشوفان بيحتوي على الياف اسمها بيتا جلوكان, اللي بتساعد على تقليل نسبة الكوليسترول في الجسم, وبسبب حمض اللينوليك والالياف القابلة للذوبان الموجودة في الشوفان بيساعد على خفض مستوى الدهون الثلاثية والكوليسترول السيء في الدم, لان العاصر دي بتنضف بقايا الدهون من جدران الشرايين وحماية الجسم من الامراض الخطيرة زي تصلب الشرايين والنوبة القلبية والسكتة الدماغية.

فوايد الشوفان الصحية
فوايد الشوفان الصحية

7- هيقلل من خطر الاصابة بأمراض القلب:

الشوفان غني بالدهون الصحية الجيدة اللي بتساعد على دعم خلايا القلب والجهاز الدوري, وبسبب مضادات الاكسدة الموجودة في الشوفان بيقل احتمال تلف جدران الاوعية الدموية.

فوايد الشوفان الصحية
فوايد الشوفان الصحية

8- هيخلصك من مشاكل الجهاز الهضمي:

بينصح خبراء التغذية باكل الالياف يوميا بنسبة ما بين 25 – 35 جرام لان دي تعتبر النسبة المثالية لعملية الهضم الجيد, وكمية صغيرة من الشوفان بتحتوي على 1/5 كمية الالياف اللي محتاجها الجسم بشكل يومي, عشان كده الشوفان يعتبر مثالي جدا لروتينك اليومي, بالاضافة ان الالياف بتساعد على الحفاظ على الاداء السليم للامعاء وبالتالي بتمنع مشاكل الهضم.

فوايد الشوفان الصحية
فوايد الشوفان الصحية

16 حاجة هتحصل لجسمك لو اكلتي كل يوم موزتين لمدة 30 يوم.

فوايد الموز الصحية