طريقة عمل كوبايات الباذنجان باللحمة الضاني وصوص البشاميل بالجبنة

الوصفة اللي معانا النهاردة هي كوبايات الباذنجان باللحمة الضاني والبشاميل, والطبق في الاصل هو طبق يوناني تقليدي, والطريقة سهلة ولذيذة وجديدة لعمل الباذنجان غير الطرق التقليدية العادية’ تعالوا نشوف مع بعض مكوناته وطريقته بالتفصيل.

طريقة عمل كوبايات الباذنجان باللحمة الضاني والبشاميل:

– مكونات حشوة الباذنجان:

– 4 ثمرات باذنجان كبيرة.

– 2 معلقة كبيرة زيت زيتون.

– 1 ½ كيلو لحمة ضاني مفرومة.

– 6 فصوص ثوم مفرومة ناعم.

– 1 بصلة كبيرة مفرومة ناعم.

– 2 معلقة كبيرة نعناع مفروم.

– 1 معلقة كبيرة زعتر مفروم.

– 1 معلقة صغيرة ملح.

– ½ معلقة صغيرة فلفل

– 1 معلقة صغيرة بابريكا.

– ½ معلقة صغيرة قرفة.

– ½ معلقة صغيرة جوزة الطيب.

– 2 معلقة كبيرة صلصة طماطم.

– ½ كوباية شوربة او مية.

– 1 ½ كوب طماطم متقطعة.

– مكونات صوص البشاميل:

– ½ كوباية زبدة.

– ¾ كوباية دقيق لجميع الاغراض.

– 2 كوب لبن كامل الدسم.

– 1 معلقة صغيرة ملح.

– 1 ½ كوباية جبنة مبشورة.

– 2 بيضة كبيرة مضروبين.

كوبايات الباذنجان باللحمة الضاني والبشاميل
كوبايات الباذنجان باللحمة الضاني والبشاميل

– طريقة التحضير:

1- سخني الفرن على درجة حرارة 350 درجة.

2- اقطعي الباذنجان من فوق ومن تحت عشان تقدري توقفيه في الصينية, فرغي الباذنجان من جوه بس متفرغيش قلبه كله خلي لحم في الجزء اللي تحت من الباذنجان عشان تثبتها في مكانها, رصي الباذنجان في الصينية على ورق خبز, وادهنيه من فوق بزيت الزيتون.

كوبايات الباذنجان باللحمة الضاني والبشاميل
كوبايات الباذنجان باللحمة الضاني والبشاميل

3- في طاسة كبيرة على نار متوسطة, ضيفي اللحمة الضاني المفرومة مع الثوم والبصل لحد ما يبقى لونه دهبي, ضيفي التوابل والاعشاب, قللي حرارة النار وضيفي صلصة الطماطم والشوربة والطماطم المتقطعة, وسيبيهم على النار لمدة من 10 – 15 دقيقة لحد ما الطماطم تستوي, وبعدها ارفعيه من على النار.

كوبايات الباذنجان باللحمة الضاني والبشاميل
كوبايات الباذنجان باللحمة الضاني والبشاميل

4- دلوقتي هنحضر صوص البشاميل, في طاسة على نار متوسطة حطي الزبدة ولما تسيح ضيفي لها الدقيق وافضلي قلبيهم مع بعض لحد ما الدقيق يبقى لونه دهبي, ضيفي اللبن وسيبي الخليط يغلي غلوة واحدة لحد ما يبقى سمكه متوسط تقريبا لمدة 3 دقايق, ارفعيه من على النار وضيفي الجبنة المبشورة وقلبيها لحد ما تدوب, وبعدها ضيفي البيض والملح وقلبي الخليط كله مع بعضه كويس.

كوبايات الباذنجان باللحمة الضاني والبشاميل
كوبايات الباذنجان باللحمة الضاني والبشاميل

5- وزعي خليط اللحمة المفرومة اللي جهزتيه في كوبايات الباذنجان, ومن فوق حطي صوص البشاميل بالجبنة, ودخليها في الفرن لمدة من 20 – 25 دقيقة, لحد ما تستوي والجبنة على الوش تتحول للون الدهبي.

كوبايات الباذنجان باللحمة الضاني والبشاميل
كوبايات الباذنجان باللحمة الضاني والبشاميل

– الطريقة بالفيديو:

طريقة عمل فراخ في الفرن بالثوم والبطاطس

فراخ في الفرن بالثوم والبطاطس
فراخ في الفرن بالثوم والبطاطس