مضمضة الزيت لعلاج حب الشباب !

بقلمريهام محمود فيبشرة visibility1517

هل سمعتي قبل كده عن مضمضة الزيت ؟ لو اول مرة تسمعي عنها النهاردة من خلال موضوعنا هنقول لكل بنات حوا بالتفصيل طريقة مضمضة الزيت لعلاج حب الشباب, وهي طريقة قديمة بتستخدم لعلاج كتيرمن الامراض, وظهر مؤخرا عن تجارب ناس كتير فايدة الطريقة دي لعلاج حب الشباب كمان, وبدأوا في استخدامها عشان يحافظوا على الجلد صحي وخالي من حب الشباب.

– ايه هي مضمضة الزيت:

طريقة مضمضة الزيت ظهرت اصلا في الهند كانوا بيستخدموها, وهي بتعتمد انك تاخدي معلقة كبيرة من الزيت وتعملي بيها مضمضة في الفم لمدة 20 دقيقة وبعدين بتتخلصي منها, ومن انواع الزيوت اللي ممكن تستخدميها للطريقة دي هي زيت السمسم او زيت جوز الهند, ولكن من تجارب ناس كتير بينصحوا باستخدام زيت السمسم لنتايج افضل, بعد ما بتعملي مضمضة للزيت للمدة اللي قولنا عليها بيتحول الزيت للون الابيض وده معناه انه امتص كل البكتيريا والسموم من الفم لان الطريقة دي بتخلص الفم من كل السموم والبكتيريا.

مضمضة الزيت لعلاج حب الشباب
مضمضة الزيت لعلاج حب الشباب

– ازاي مضمضة الزيت بتساعد في علاج حب الشباب:

اكيد كتير هيقولوا ان الطريقة دي ممكن تعمل عملية تنضيف للفم لكن ازاي هتأثر على البشرة وتخليها صحية, وهنا بنقولك ان حب الشباب في حالات كتير بيكون مرتبط بمشاكل القناة الهضمية, والمشاكل دي عادة بتكون بسبب اختلال التوازن في البكتيريا الموجودة في القناة الهضمية, واحنا عندنا نوعين من البكتيريا وهي البكتيريا الجيدة والسيئة, والحفاظ على توازن النوع الجيد منها مهم جدا لصحتنا, وهنا هتسألي ايه اللي بتعمله القناة الهضمية لبشرتك؟ صحة القناة الهضمية بينعكس على صحة البشرة بشكل كبير جدا, ولو بصينا على القناة الهضمية هنلاقي ان بدايتها من الفم, ومن هنا بيجي فايدة عملية مضمضة الزيت لانها بتقضي على البكتيريا السيئة وبتحافظ على البكتيريا الجيدة بشكل متوازن, وده بينعكس بشكل ايجابي على صحة الجسم كله وعلى بشرتك.

مضمضة الزيت لعلاج حب الشباب
مضمضة الزيت لعلاج حب الشباب

– ازاي تعملي طريقة مضمضة الزيت لعلاج حب الشباب:

1- اختاري للمضمضة زيت السمسم او زيت جوز الهند, بس زي ما قولنا في البداية يفضل استخدام زيت السمسم.

2- خدي معلقة كبيرة من الزيت في الفم ويفضل ان العملية دي تكون كل يوم الصبح على الريق قبل الفطار.

3- اعملي مضمضة بالزيت في كل جوانب الفم, حركي الزيت في كل ركن في الفم كله, ممكن تحسي ان الزيت في البداية تقيل او كثيف شوية لكن هيخف مع المضمضة لما يختلط باللعاب.

4- استمري في المضمضة من 15 – 20 دقيقة على الاقل بشكل مستمر, ممكن تحسي ان الفترة طويلة او متعبة لكن مفيد جدا.

5- دلوقتي بعد ما خلصتي مدة المضمضة اتخلصي من الزيت, واتأكدي انك متبلعيش منه نهائي لان كده انتي هتبلعي السموم والبكتيريا اللي الزيت امتصها.

6- لو بتعاني من حب شباب شديد, ممكن تعملي الطريقة دي من 2 – 3 مرات في اليوم على معدة فاضية, يعني متكونيش واكلة قبلها على طول عشان توصلي لنتايج اسرع.

مضمضة الزيت لعلاج حب الشباب
مضمضة الزيت لعلاج حب الشباب

– فوايد تانية لمضمضة الزيت:

1- تبييض الاسنان.

2- تحسين صحة اللثة.

3- تقليل سوء التنفس.

4- تقليل المخاطر الصحية لانه زي ما قولنا بيخلص الجسم من السموم والبكتيريا.

5- تقليل البلاك على الاسنان.

6- بيساعد في التقليل من مشكلة الجيوب الانفية.

7- بيساعد على تحسين نظام المناعة, وحتى كمان تحسين طاقة الجسم.

8- التخلص من ريحة النفس الكريهة.

مضمضة الزيت لعلاج حب الشباب
مضمضة الزيت لعلاج حب الشباب

في النهاية حب الشباب مش شرط يكون بسبب البكتيريا الغير متوازنة في الامعاء, ممكن يكون ليه اسباب تانية زي النظام الغذائي الغير الصحي, الحساسة, الهرمونات, او اي مشاكل صحية تانية, فلو لقيتي ان حب الشباب متعالجش بطريقة المضمضة بالزيت يبقى هنا اكيد في سبب تاني لحب الشباب عندك, وفي الحالة دي ممكن تروحي لدكتور متخصص عشان تعرفي السبب الاساسي ليه, ومهم جدا كمان عشان تحافظي على بشرتك صحية تشربي كمية كافية من المية كل يوم, وتحمي بشرتك من الشمس, واستخدام المنتجات المناسبة لبشرتك, وامشي على نظام صحي للعناية بالبشرة, يعني اتأكدي انك بتعملي كل المطلوب عشان تحافظي على صحة بشرتك لان كله بيكمل بعضه مش بس تعتمدي على حاجة واحدة.

10 غلطات في العناية بالبشرة بتزود مشكلة حب الشباب وبتخليه اسوأ .. وازاي تتجنبيها

غلطات في العناية بالبشرة
غلطات في العناية بالبشرة