7 علامات بتقول انك بتشتغلى زيادة عن اللزوم لازم تعرفيهم

بقلمآية حسان فيمنوعات visibility1

الشغل مهم فى حياة اى بنت فينا، لانه الموضوع مش بالنسبة لنا انه مجرد دخل و فلوس و خلاص، لكنه كمان تفريغ للطاقة و تحقيق للذات و كل بنت فينا بتشتغل خصوصا لو فى حاجة بتحبها بتبقى عايزة تنجح فيها و تثبت نفسها لنفسها قبل اى حد تانى، لكن حب الشغل و الشغف للنجاح ممكن كمان يسبب مشاكل يبقى الشغل من خلالها بيأثر على حياتك صحيح، لكن بطريقة عكسية .. علشان  كده فى المقال ده بنات حوا هتقولك على 7 علامات بتقول انك بتشتغلى زيادة عن اللزوم لازم تعرفيهم .. 

7 علامات بتقول انك بتشتغلى زيادة عن اللزوم لازم تعرفيهم

1- شغلك واخد كل وقتك : 

لو ضغط الشغل كبير لدرجة انه واخد كل وقتك ومابيبقاش فى وقت فى اليوم لعيلتك او اصحابك او اى حاجة تانية فى حياتك، و حسيتى انك بدأتى تقضى وقت لوحدك و بيبقى كله فى الشغل و بدأتى مايبقاش فى اى نوع من الحياة الاجتماعية فى يومك يبقى انتى اكيد بتشتغلى زيادة عن اللزوم. 

شغلك واخد كل وقتك

2- مفيش وقت تهتمى باحتياجاتك :

شغلك ماينفعش ابدا انه ييجى على اهتمامك بصحتك والاهتمام باحتياجاتك البسيطة زى الاكل و النوم والراحة مثلا، فلو مفيش وقت تتغدى مع عيلتك او تنزلى تتغدى بره مع اصحابك يبقى انتى محتاجة تقللى من وقت الشغل و توفرى وقت لنفسك و بس. 

مفيش وقت تهتمى باحتياجاتك

3- بتفكرى فى الشغل حتى وانتى فى السرير : 

لو لقيتى انه دماغك بتفكر فى الشغل بدون توقف مهما كان الوقت او الظروف يبقى ده معناه الوحيد انه الشغل مش بس مسيطر على حياتك و وقتك، لكن كمان مسيطر على عقلك و تفكيرك، و التفكير فى الشغل طول الوقت حتى وانتى فى السرير بتستعدى للنوم و كمان لو بتحلمى بيه بيعتبر علامة مقلقة من علامات بداية ادمان العمل او الـ workaholism . 

بتفكرى فى الشغل حتى وانتى فى السرير

4- بتلاقى صعوبة فى النوم :

ضغط الشغل مش بس هيخليكى تفكرى فيه حتى وانتى بتستعدى للنوم، لكن ده ممكن كمان يمنعك من النوم و يصيبك بالأرق، ويقلل من جودة النوم فحتى لو نمتى تصحى من النوم مرهقة و مصدعة كأنك مانمتيش و ده بالتالى بيأثر على نشاطك و آدائك طول اليوم . 

بتلاقى صعوبة فى النوم

5- مش قادرة تتحكمى فى اعصابك  :

علامة كمان من علامات بتقول انك بتشتغلى زيادة عن اللزوم هى انك تبقى بتفقدى أعصابك بسرعة ومن اقل حاجة، ده معناه انه اعصابك تعبت من كتر الضغط والتوتر والتفكير. 

مش قادرة تتحكمى فى اعصابك

6- دايما سرحانة  :

لو لاحظتى انك بقيتى بتتأخرى على مواعيدك خصوصا وانتى نازلة رايحى اشلغل او بيبقى نفسك ماتروحيش، و بقيتى تنسي كتير ده معناه انه الشغل بيستهلك كل طاقة تفكيرك  فميش مكان و لا طاقة للتفكير او الترتيب لأى حاجة تانية، و بقى الروتين اليومى اللى انتى متعودة تعمليه مابقاش فى حيز له عفى عقلك علشان تفتكريه، ولما المخ بيبقى مرهق للدرجة دى هتلاقى نفسك بتسرحى كتير و مش قادرة تركزى. 

دايما سرحانة

7- بتحسي انك مش عايزة تروحى الشغل : 

طبعا اهم علامة انه الشغل ضاغط عليكى و بقى مسيطر على حياتك وانك لازم تقللى منه و تحطى حدود هى انه بتبقى كل يوم مش عايزة تروحى الشغل و عقلك بيحاول يقنعك انه ماتنزليش علشان مش قادرة، لو وصلتى للمرحلة دى يبقى انتى محتاجة تاخدى اجازة تفصلى فيها من الشغل و تبدأى ترتبى اولوياتك و تحطى نظام ترتبى بيه ساعات شغلك و احتياجاته. 

بتحسي انك مش عايزة تروحى الشغل

اعرفى معانا كمان 5 دروس مهمة تتعلميها من أول وظيفة full time ليكى