4 اسباب خطيرة ليه ماينفعش تنامى بالمكياج

آية حسان
آية حسان
في
مكياج
1323

كلنا فى اوقات كتير اوى بنروح البيت بعد فرح او عشاء عمل متاخر او خروجة مع الاصحاب تعبانين و مش قادرين حتى نغير هدومنا علشان ننام، فطبيعى بنكسل اننا نغسل وشنا من المكياج و نعمل الروتين الليلى و الاسكربات، وبنستسهل و ننام و نقول الصبح هنبقى نعمل الحاجات دى، و هنا المشكلة.. لانه النوم بالمكياج حاجة خطيرة جدا، حتى بيحذر منها أطباء الجلد و متخصصين العناية بالبشرة، عايزة تعرفى ليه؟ اقرى معانا المقال ده ، اعرفى معانا 4 اسباب خطيرة ليه ماينفعش تنامى بالمكياج ..

4 اسباب خطيرة ليه ماينفعش تنامى بالمكياج ..

1- بيمنع بشرتك انها تتنفس : 

كل عضو فى الجسم بيحتاج الاكسجين علشان يقدر يأدى وظايفه بطريقة سليمة، والجلد هو اكبر عضو فى جسم الانسان، ورغم اننا مابنستخدمش المكياج على الجسم كله، لكن بنستخدمه على منطقة من اهم مناطق الجلد و هى الوجه، معظم المنتجات اللى ملمسها كريمى زى الفاونديشن، الكريم، الكونسيلر و غيرها بيتشربها الجلد و لما بنضيف البودر علشان نثبتها معظم المسام بيتم تغطيتها او حتى انسدادها فى حالة لو كنتى بتسخدمى منتجات جودتها مش عالية و بكده الاكسجين مابيقدرش يمر بشكل كافى من خلال بشرتك. فلو سيبتى بشرتك متغطية او “مقفولة” بالمكياج طول اليوم و كمان خلال الليل ده بيمنع بشرتك انها تتنفس و ممكن يتسبب فى  حبوب الشباب ، البشرة الجافة و المجهدة، وكل انواع مشاكل البشرة. 

بيمنع بشرتك انها تتنفس
بيمنع بشرتك انها تتنفس

2- هيخليكى تبانى سنك اكبر: 

لانه بسبب وجود المكياج على بشرتك طول الليل اللى بيتسبب انه البشرة ماتتنفسش، الصبح هتلاقي بشرتك فقدت اللمعة الطبيعية و هتحسي انك صحيتى الصبح بشرتك شكها مجهد و باينة اكبر من سنها الحقيقي، وده بيحصل بسبب انه اثناء النوم وشك بيحتك بالمخدة طول الليل و كمان الفاونديشن بيتغلل جوا الخطوط الدقيقة الموجودة فى بشرتك وانتى نايمة بالليل و هيخليكى مع الوقت تبانى 10 سنين اكبر من عمرك الحقيقي.

هيخليكى تبانى سنك اكبر
هيخليكى تبانى سنك اكبر

3- هيمنع مفعول كريمات مقاومة تقدم سن البشرة : 

سبب تانى من اسباب ليه ماينفعش تنامى بالمكياج هو انه بيمنع مفعول كريمات مقاومة تقدم سن البشرة، علشان كده مهم تزيلى المكياج قبل ماتنامى علشان يقدر الكريم يشتغل ولانه لو بتستخدمى الكريم قبل النوم بشكل منتظم ماينفعش اكيد انك تحطيه فوق المكياج.

4- مش كويس للمخدة كمان ! 

مخدتك كمان هتعانى! ايوة ، وده لانه اثناء النوم بالليل احنا بنتحرك و بنتقلب ولما بنام بالمكياج بينطبع على المخدة و بيبقعها و لما تصحى هتلاقى انه نص المكياج اللى كان على وشك بقى على المخدة. لكن ماتقلقيش المكياج سهل ازالته من على الاقمشة بشكل عام.

مش كويس للمخدة كمان
مش كويس للمخدة كمان

لكن بننصح انه لازم تشيلى المكياج من على بشرتك اول ما توصلى البيت بمزيلات المكياج المعروفه او حتى بمزيل مكياج طبيعى لو بتفضلى استخدام المستحضرات الطبيعية، بنقول اول ما توصلى البيت علشان يبقى قبل ما تكسلى و يبقى مفيش طاقة تتحركى، وكمان بعد ازالة المكياج ماتنسيش تستخدمى التونر و كريم ترطيب البشرة. 

اعرفى معانا كمان الطريقة الصحيحة لـ ازالة المكياج بال wipes

مقالات متعلقه

5 حلول سهلة لازالة المكياج لو مش متوفر عندك مزيل مكياج

5 حلول سهلة لازالة المكياج لو مش متوفر عندك مزيل مكياج

8 طرق لازالة المكياج من غير مزيل مكياج

8 طرق لازالة المكياج من غير مزيل مكياج

Makeup Remover اعملى بنفسك  فى البيت مزيل مكياج بمكونات طبيعية للبشرة اللى بتعانى من حبوب الشباب

Makeup Remover اعملى بنفسك فى البيت مزيل مكياج بمكونات طبيعية للبشرة اللى بتعانى من حبوب الشباب