ازاى تعملى ازالة الجلد الميت من البشرة باستخدام البيكنج صودا

البيكنج صودا استخداماتها كتيرة و متعددة لما نيجى نتكلم عن الاهتمام بالبشرة او حتى الاهتمام بالشعر، وبتعتبر آمنة و فوايدها كتيرة جدا للاتنين، فلو بشرتك جافة او باينة مش نضرة و مظهرها غير صحى وعلى طول بتحسي انها باينة مجهدة و تعبانة، فى المقال ده بنات حوا هتعرفك على استخدام جديد للمنتج اللى نتايجه سحرية رغم سعره القليل، اعرفى معانا فى المقال ده ازاى تعملى ازالة الجلد الميت من البشرة باستخدام البيكنج صودا ..

ازاى تعملى ازالة الجلد الميت من البشرة باستخدام البيكنج صودا ..

الوصفة دى سهلة و سريعة لكن فعالة جدا، ومش هتحتاجى فيها الا مكونين اتنين بس و ممكن تعمليها مرة كل اسبوع ، خلينا نعرفها مع بعض و نشوف ايه هى الخطوات 

الحاجات اللى هتحتاجيها : 

علبة او طبق صغير.

قطعة قماش نضيفة قطنية صغيرة او قطعة قطن.

فوطة.

كريم مرطب. 

مية.

الطريقة : 

الخطوة الاولى :

اعملى معجون من البيكنج صودا، امزجى معلقتين من البيكنج صودا مع 3 معالق مية او امزجيهم بكميات متناسبة لحد ما يعملوا زى معجون.  

الخطوة الثانية : 

رطبي بشرتك بمياة دافية، وابدأى افردى من المعجون على وشك “تجنبى منطقة العيون”، و ابدأى ادعكى وشك بالمعجون بأطراف أصابعك فى حركات دائرية لعدة دقايق علشان تحركى الخلايا الميتة. 

الخطوة الثالثة : 

امسحى وشك بقطعة قماش قطنية نضيفة دافية او قطنة لحد ما تتخلصى من المعجون كله.

الخطوة الاخيرة : 

اغسلى وشك بمية دافية الى فاترة و جففيه كويس، وبعد كده استخدمى الكريم الخاص بترطيب الوجه علشان ترطبى بشرتك . 

اعرفى كمان 5 استخدامات وفوايد البيكنج صودا .. اكتشفيهم