5 علامات تقولك انه مش هيخونك ابدا

ريهام محمود

في

30445

بيحصل في كتير من العلاقات ان الراجل ممكن يخون شريكته لاي سبب, بس ايا كان دافع الخيانة, الدراسات اثبتت ان الراجل والست بيخونوا تقريبا بنفس المعدل يعني مافيش طرف ممكن يخون اكتر من التاني, والابحاث اظهرت كمان ان الاشخاص اللي بيخونوا غير جديرين بالثقة في جوانب تانية في الحياة زي الامور المالية مثلا او غيرها يعني الشريك هيبدأ يفقد الثقة واحدة واحدة في كل حاجة, وفي الغالب بيكون متوقع انتهاء الجواز بمجرد اكتشاف الخيانة لان بيحصل للزوجة الم عاطفي كبير جدا من الخيانة بيخليها تاخد قرر انها متكملش في العلاقة, والنهاردة من خلال موضوعنا هنركز على 5 علامات تقولك انه مش هيخونك ابدا.

علامات تقولك انه مش هيخونك ابدا:

1- هيكون صادق في كل حاجة بيعملها:

لو الزوج دايما قد كلمته معاكي في كل حاجة ولما بيوعد على طول بيوفي بوعده في كل حاجة في حياتكم, يبقى في الحالة دي يعتبر جدير بالثقة, حتى في اكتر اللحظات اللي ممكن ينجرف فيها او يروح للخيانة لاي سبب او مشكلة هتلاقيه بيواجه نفسه والعواقب اللي ممكن تحصل لو عمل كده وده بيخليه يبعد تماما عن الخيانة.

2- بيعرفك كل حاجة:

لو هو مش الاشخاص اللي دايما بيرجع البيت يحكي لك عن كل حاجة حصلت معاه وكل تفاصيل يومه, في الحالة هو يعتبر شخص مستحيل يخون, لان النوع ده من الاشخاص مش بس بيحترم انه يشاركك كل حاجة وتبقي معاه في ادق التفاصيل في حياته لا هو كمان بيفتخر بده.

3- مشغول دايما باسرته وبيته:

لو هو دايما مشغول في التوفيق ما بين شغله وانه يوفر وقت للبيت والاسرة وخصوصا الاطفال ويتحمل مسئوليته كأب في كل حاجة, في الحالة دي احتمال انه ممكن يخون او انه يعرف حد تاني مش وارد لان وقته كله ما بين شغله وبيته وبس, والتفسير الوحيد انه يستغنى عن النوم عشان يبقى مع شخص تاني وده اكيد احتمال صعب.

4- بيقطع علاقاته السابقة:

دلوقتي في عالم التكنولوجيا والسوشيال ميديا بقت كل حاجة سهلة وممكن ببساطة يتواصل مع واحدة مثلا كان يعرفها قبل كده, ومع ذلك لو لقتيه بيركز كل جهوده عليكي انتي عشان تبقي انتي الوحيدة في حياته, في الحالة دي احتمال غير وارد انه يخون.

5- مش اناني:

الراجل الصادق الحقيقي بيهتم اوي باللي بيحبهم وممكن حتى يحبهم اكتر من نفسه, يعني مثلا لو لقتيه ساعد شخص محتاج مساعدته سواء مالية او مساعدة من اي نوع, فأكيد ان الشخص ده صعب انه يجرح حد وبالتالي صعب انه يخون.