بالصور ازاى تستخدمى المصفاة لعمل شعر كيرلى فى 4 خطوات بس !

بقلمآية حسان فيشعر visibility1196

البنات اصحاب الشعر الكيرلى مش غريب على معظمهم انهم بيستخدموا منتجات طبيعة او منتجات من المطبخ علشان تساعدهم يهتموا بشعرهم و يعملوه كيرلى بطرق طبيعية ماتسببش ضرر، زى جيل الالوفرا علشان تصفيف الشعر، الافوكادو و العسل علشان الترطيب ،و دلوقتى طريقة جديدة لعمل كيرلى مظبوط و بأسهل طريقة ممكنة، المصفاة!

ماتستغربيش، انتى قريتى صح .. فى المقال ده بنات حوا هتعرفك ازاى تصففى شعرك وتعمليه كيرلى باستخدام المصفاة العادية  من المطبخ و بطريقة سهلة و سريعة كمان .. خلينا نبدأ الخطوات مع بعض. 

بالصور : ازاى تستخدمى المصفاة لعمل شعر كيرلى فى 4 خطوات بس !

التكنيك ده بيديكى تموجات صغيرة زى ما تكونى استخدمتى curling iron بالضبط، و فى نفس الوقت بيديكى volume حلو، من غير ما الشعر يتعقد او يدخل فى بعضه ، يعنى curls منفصلة و ده حلم اى بنت بتعتمد على الستايل الكيرلى لشعرها :) ، واثناء استخدامك للتكنيك دى هتحسي انك بتوفرى مرور اكتر للهوا اللى يبدخل فى شعرك، وفى نفس الوقت تحكم اكتر وتجفيف لكمية اكتر من الشعر فى نفس الوقت. 

ايه نوع المصفاة اللى تستخدميها؟ 

بننصح باستخدام مصفاة ليها ايد و يكون حجمها متوسط الى كبير علشان تستوعب كمية اكبر من شعرك فى وقت واحد، المصفاة الصغيرة هتديكى نفس النتيجة لكن هتاخد وقت اطول علشان هتستوعب كمية شعر اقل، و المثثفاة عموما بتضمن وصول هوا السيشوار  بشكل عميق للشعر.

الخطوة الاولى :

اغسلى شعرك بالطريقة المعتادة ونشفيه كويس بالفوطة، ولو مش عايزة تغسليه ابدأى رطبيه باستخدام بخاخة مية .
أبدأى بشعر مبلول

الخطوة الثانية : 

قسمى شعرك الى جزئين او اربعه، وجمعى كل جزء من شعرك فى المصفاة، وارفعيه من خلالها لحد الجذور، وخلى المصفاة متقيمة وثابتة على فروة الرأس علشان الشعر مايبقاش هايش.
الخطوة الثانية

الخطوة التالتة : 

شغلى السشوار على درجة حرارة قليلة او متوسطة علشان تجففى الشعر على خفيف الاول و بعد كده استخدمى درجة الحرارة المعتادة اللى بتستخدميها فى عمل شعر كيرلى .
شغلى السشوار

الخطوة الرابعة : 

لما شعرك ينشف و توصلى للـ curls المطلوبة، اطفى السشوار و ابدأى كررى نفس الخطوات على جزء تانى من شعرك علشان تعملى شعر كيرلى .
الخطوة الرابعة

الخطوة الخامسة : 

خلصى كل الاجزاء اللى قسمتيها و بكده تبقى انتهيتي و عملتى curls مظبوطة بطريقة سهلة وفى وقت اقل من قبل كده.