استخدامات الجنزبيل الجمالية للبشرة والجسم والشعر

ريهام محمود
ريهام محمود
في
بشرة
6697

الجنزبيل من الحاجات اللي ليها فوايد صحية كتير جدا سواء مشروب او باستخدامه في الاكل, لكن موضوعنا النهاردة عن فايدة الجنزبيل من الناحية الجمالية للبشرة والجسم والشعر, هنتعرف عليها من خلال المقال بتاعنا وهنقولك بالتفصيل استخدامات الجنزبيل الجمالية.

الجنزبيل غني بمضادات الاكسدة اللي بتساعد على مكافحة الشيخوخة, وتوحيد لون البشرة وتفتيحها, وبيساعد على تعزيز تدفق الدم في فروة الراس وده بدوره بيساعد على زيادة نمو الشعر, بيساعد على علاج السيلوليت

استخدامات الجنزبيل الجمالية:

1- سكراب الجنزبيل للجسم والشفايف:

المكونات:

½ كوباية سكر بني.

¼ كوباية زيت زيتون.

1 معلقة كبيرة جنزبيل مبشور.

الطريقة:

اخلطي كل المكونات وقلبيهم كويس مع بعض, واحتفظي بالخليط في برطمان محكم الغلق لحد ما تيجي تستخدميه, بعد ما تاخدي شاور دافي عشان تفتحي مسام الجسم خدي من الخليط وافركي الجسم في حركات دائرية, وممكن تستخدمي من الخليط للشفايف هيساعد على تنعيمها والتخلص من الجلد الميت.

السكر البني بيحتوي على خصائص تقشير ومغذيات طبيعية للبشرة, وزيت الزيتون بيساعد على ترطيب البشرة وبيحافظ عليها ناعمة, والجنزبيل بيحتوي على خصائص مضادة للالتهابات والميكروبات بتحافظ على البشرة نضيفة وخالية من اي عيوب.

استخدامات الجنزبيل الجمالية 1
استخدامات الجنزبيل الجمالية 1

2- تفتيح وتوهج البشرة وعلاج البقع:

المكونات:

1 معلقة كبيرة عصير جنزبيل.

 2 معلقة كبيرة مية ورد.

½ معلقة كبيرة عسل نحل.

الطريقة:

هاتي قطعة جنزبيل ابشريها ناعم واضغطي عليها لحد ما تطلعي العصير بتاعها بمقدار معلقة كبيرة, وبعدين ضيفي على العصير مية الورد والعسل, قلبيهم كويس مع بعض, بعدين بلي قطعة قطن من الخليط وادهني بيه بشرتك, سيبيه لمدة 20 دقيقة, وبعدين اغسليه بمية دافية, مع الاستمرار على الماسك هتلاحظي تفتيح وتوهج البشرة وكمان هيساعد على علاج البقع الغامقة.

الجنزبيل بيساعد على توهج البشرة, مية الورد هتدي لون وردي طبيعي للبشرة, العسل بيحافظ على رطوبة البشرة وكمان بيحتوي على خصائص تبييض طبيعي.

استخدامات الجنزبيل الجمالية 2
استخدامات الجنزبيل الجمالية 2

3- ازالة اسمرار الشمس:

المكونات:

½ كوباية سكر.

½ كوباية زيت زيتون.

2 معلقة كبيرة من عصير الجنزبيل.

2 معلقة كبيرة عصير ليمون.

الطريقة:

اخلطي كل المكونات وقلبيهم لحد ما يمتزجوا كويس مع بعض, رطبي ايدك بالمية وخدي من الخليط وبحركات دائرية افركي الذراعين والقدمين والوش او اي مكان بتعاني فيه من اسمرار الشمس, استخدمي السكراب ده مرتين في الاسبوع عشان تتخلصي من اسمرار الجلد ولتفتيح البشرة.

استخدامات الجنزبيل الجمالية 3
استخدامات الجنزبيل الجمالية 3

4- علاج تصبغ الجلد:

لو بتعاني من تصبغ الجلد وبشرتك فيها بقع ولونها مش موحد استخدمي الماسك ده, اخلطي كميات متساوية من عصير الجنزبيل وعسل النحل, ادهني بشرتك بالخليط وسيبيه لمدة من 30 – 45 دقيقة, وبعدها اغسليه بالمية.

استخدامات الجنزبيل الجمالية 4
استخدامات الجنزبيل الجمالية 4

5- ديتوكس الجنزبيل للتخلص من السموم:

املي البانيو بمية دافية وضيفي لها 1/3 كوباية ملح انجليزي, و2 معلقة صغيرة جنزبيل بودرة, وقلبي المكونات في المية, انقعي جسمك فيها لمدة 20 دقيقة على الاقل.

استخدامات الجنزبيل الجمالية 5
استخدامات الجنزبيل الجمالية 5

6- علاج انقسام اطراف الشعر:

حطي شوية من زيت الجنزبيل على الشامبو العادي اللي بتستخدميه واغسلي بيه الشعر بالطريقة العادية, هيساعد على علاج انقسام اطراف الشعر, كمان يعتبر مرطب طبيعي للشعر الجاف.

استخدامات الجنزبيل الجمالية 6
استخدامات الجنزبيل الجمالية 6

7- ماسك لنمو الشعر بشكل اسرع:

المكونات:

2 معلقة كبيرة من عصير الجنزبيل.

من 5 – 6 معالق كبيرة زيت الجوجوبا.

الطريقة:

اخلطي المكونات مع بعض, حطي الخليط على فروة الراس ودلكيه في حركات دائرية لمدة 20 دقيقة على الاقل, وبعدين سيبيه على الشعر طول الليل لو قدرتي او لمدة 30 دقيقة وبعدها اغسليه بالشامبو, كرري الماسك من مرتين لتلات مرات في الشهر, مع الاستخدام المنتظم هيزود من نمو الشعر وهيحسن صحة الشعر.

استخدامات الجنزبيل الجمالية 7
استخدامات الجنزبيل الجمالية 7

قبل ما نعمل اي ماسك زي ما بنقول دايما نعمل اختبار لحساسية البشرة من الجنزبيل, عشان تعرفي قبل الاستخدام اذا كان بشرتك حساسة منه ولا لا.

16 استخدام جمالي لزيت الخروع للبشرة والشعر والضوافر

استخدمات زيت الخروع الجمالية
استخدمات زيت الخروع الجمالية

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير