افكار ازاي تلبسي الجينز الاسود وتنسقيه بطريقة انيقة

ريهام محمود
ريهام محمود
3599

الجينز الاسود تقريبا من اكتر القطع اللي موجودة في دولابنا كلنا لانه سهل اننا ننوع في لبسه جدا ونقدر ننسق عليه قطع كتير والوان كتير, والنهاردة من خلال موضوعنا هنقولك ازاي تلبسي الجينز الاسود وتنسقيه بطريقة شيك وانيقة.

ازاي تلبسي الجينز الاسود:

– الجينز الاسود مع درجات البني:

من اول التنسيقات اللي ممكن نعملها هي الجينز الاسود مع الالوان المحايدة, زي البني بدرجاته عشان تعملي لوك كلاسيكي انيق, وممكن تكملي اللوك مع اكسسوارت دهبي.

ازاي تلبسي الجينز الاسود 1
ازاي تلبسي الجينز الاسود 1

– الجينز الاسود مع اللون الكريمي والاوف وايت:

وزي ما الاسود بيطلع حلو جدا من الالوان الغامقة واللون الجملي, كمان ممكن تنسقيه مع الالوان المحايدة التانية زي اللون الكريمي والاوف وايت, بس لازم نحط في الاعتبار لما ننسقه مع الوان فاتحة يبقى ننسق معاه شوز او جاكيت او قبعة او سكارف يعني اي قطعة بلون غامق او مختلف عشان نعمل توازن في الالوان.

– الجينز الاسود مع الرمادي الغامق:

زي ما الجينز الاسود مناسب مع الالوان المحايدة بدرجات البني كمان مناسب جدا مع درجات اللون الرمادي والغامق بشكل خاص .

ازاي تلبسي الجينز الاسود 8
ازاي تلبسي الجينز الاسود 8

– الجينز الاسود مع الاسود:

ممكن تعملي لوك كله اسود وتلبسي الجينز الاسود مع لون اسود من فوق, لان الاسود يعتبر من الالوان المحايدة اللي ممكن يتلبس على معظم الالوان, وممكن تكسري حدة اللون الاسود بانك تدمجي معاه اكسسوارات او سكارف او حزام او جاكيت بلون مختلف.

ازاي تلبسي الجينز الاسود 9
ازاي تلبسي الجينز الاسود 9

– الجينز الاسود مع درجات الرمادي:

الرمادي هو في الاساس لون محايد يعني من الالوان اللي ممكن تتنسق على الوان كتير, والرمادي مع الاسود هيعملك لوك كلاسيكي عصري في نفس الوقت, ممكن تنسقي مع الجينز الاسود درجات الرمادي من اول الفاتح للمعدني للون الرمادي المتوسط.

ازاي تلبسي الجينز الاسود 12
ازاي تلبسي الجينز الاسود 12

– الجينز الاسود مع ال Denim او ال Chambray:

ال Denim او ال Chambray من افضل القطع اللي ممكن تنسقيها مع الجينز الاسود, وبيضيف اناقة على الدنيم, ومن احسن اللوك اللي ممكن تعمليها انك تضيفي قطعة مقلمة او مخططة او مطبوعة مع الجينز الاسود والدنيم.

– الجينز الاسود مع الابيض:

لون تاني من الالوان المحايدة وهو الابيض اللي ممكن تنسقيه مع الجينز الاسود, ومن اللوك المفضلة جدا هو الجينز الاسود مع قطعة من فوق ابيض وسنيكرز ابيض, بيعمل تباين حلو جدا في الالوان.

ازاي تلبسي الجينز الاسود 20
ازاي تلبسي الجينز الاسود 20

– الجينز الاسود مع اللون الاخضر الزيتوني:

اللون الاخضر الزيتوني كمان من الالوان اللي ممكن تنسقيها مع الجينز الاسود, وممكن تعملي تركيبة الوان مختلفة زي ما هو باين قدامنا في الصورة كده تلبسي الجينز الاسود مع قطعة بلون اخضر زيتوني وحزام بني وشوز رمادي.

– هل في الوان مش بتمشي مع اللون الاسود؟

اللون الاسود زي ما قولنا هو لون محايد يعني بيمشي تقريبا مع كل الالوان, لكن في الوان ممكن متطلعش حلوة اوي مع الاسود زي الاصفر النيون, الرمادي الغامق اوي, الازرق الغامق, البينك الفاقع, الاحمر الغامق, الاروانج الفاقع, وبعض درجات الازرق والارجواني, لكن بردو في النهاية هي اذواق وده بيختلف اكيد من حد للتاني بس احنا بنقولكم الافضل والاسوأ ما بين الالوان.

ازاي تلبسي الجينز الاسود 23
ازاي تلبسي الجينز الاسود 23

– الجينز الاسود مع اللبس المطبوع:

بعد ما عرضنا الالوان اللي ممكن تمشي مع الاسود, هنقولك ازاي تلبسيه مع المطبوع, بما ان الاسود لون كلاسيكي وتقليدي الى حد ما, فاختيار انك تخلطي معاه قطعة مختلفة مطبوعة زي المقلم او الكاروه او طبعة النمرهيكون اختيار كويس تظهر اللوك اكتر.

1- الجينز الاسود مع المخطط الابيض والاسود:

ممكن تنسقي الجينز الاسود مع قطعة مقلمة ابيض واسود, وممكن تدخلي مع اللوك لون مختلف زي الاخضر الزيتوني عشان تعملي توازن في اللوك.

2- الجينز الاسود مع الكاروه:

قطعتين من اكتر القطع الكلاسيكية اللي ممكن تتنسق مع بعض هو الجينز الاسود والكاروه.

3- الجينز الاسود مع ال Leopard:

ممكن تنسقي الجينز الاسود مع ال Leopard او طبعة النمر, والافضل تنسقي معاه قطعة بطبعة النمر يكون غالب فيها اللون الاسود, او تضيفي طبعة النمر للوك من خلال الشنطة او الشوز.

ازاي تلبسي الجينز الاسود 28
ازاي تلبسي الجينز الاسود 28

افكار ستايلات لموسم الربيع

ستايلات لموسم الربيع
ستايلات لموسم الربيع

مقالات متعلقه

ازاي تلبسي البنطلون الجينز لكل الاوقات

ازاي تلبسي البنطلون الجينز لكل الاوقات

نصايح وأفكار إزاي تلبسي البلوزة الأوف شولدر بأكتر من طريقة

نصايح وأفكار إزاي تلبسي البلوزة الأوف شولدر بأكتر من طريقة

ستايلات محجبات انيقة وعملية لموسم الصيف

ستايلات محجبات انيقة وعملية لموسم الصيف