امشى على الوصفات دى و هتتخلصى من المسام الواسعة فى 3 أيام بس وبشكل نهائى !

المسام الواسعه بتعتبر ازمة كبيرة بتقابل كتير من البنات خصوصا فى الصيف لانها بتخلى المكياج يسيح و بيبان جلدك وكأنه مليان ثقوب ده غيرانها بتتسبب فى زيادة افرازات و دهون الجلد اللى ممكن مع الهوا تتسبب فى وجود الحبوب والبثور، علشان كده فى المقال ده بنات حوا هتقولك على طرق منزلية سهلة وبسيطة تساعدك تحلى المشكلة دى بشكل كامل، اعرفى معانا  الوصفات دى و هتتخلصى من المسام الواسعة فى 3 أيام بس وبشكل نهائى !

امشى على الوصفات دى و هتتخلصى من المسام الواسعة فى 3 أيام بس وبشكل نهائى !

 جيل الألوفيرا :

الطريقة : افردى كمية مناسبة من جل الالوفيرا على مساحة الوجه كله و نامى بيه علشان ينشف على وشك طول الليل، الصبح اشطفى وشك بمياة فاترة . جيل الالوفيرا هيحافظ على ترطيب بشرتك وكمان هيقفل المسام وفى نفس الوقت هيخلص بشرتك من الزيوت الزائدة و الأتربة.

خل التفاح :

بيعتبر خل التفاح تونر مفيد جدا للبشرة، خلونا نعرف ازاى مع بعض ..

الطريقة: امزجى مقدار3  معالق أكل من خل التفاح مع  3 معالق أكل من المية، صبى الخليط فى سبراى او رشاش مية واستخدميه كتونر طبيعى لبشرتك، رشي منه على وشك وسيبيه ينشف وبعد ما ينشف بشكل كامل استخدمى اى كريم مرطب تفضليه. المزيج ده هيقلل من حجم المسام الواسعة وهيعادل من مستوى الـ PH  لبشرتك وفى نفس الوقت هيحارب اى عدى او بكتيريا.

ماسك بياض البيض:  

الماسك ده هيساعدك تشدى بشرتك و تخليها منورة وصحية أكتر، وكمان هيقلل من مظهر المسام الواسعة، خلينا نعرف سوا ازاى تعمليه

المكونات :

بياض بيضة.

معلقتين أكل من الشوفان.

معلقتين أكل من الليمون.

الطريقة:

امزجى كل المكونات مع بعضها كويس أوي لحد ما يكونوا مزيج متجانس ، وبعد كده افرديه على وشك و سيبيه نص ساعه علشان يعمل مفعوله، بعد مرور النص ساعة، اغسلى وشك بمية دافية و كررى الماسك كل يوم علشان تحصلى على نتايج أفضل.

البيكنج صودا:

الطريقة:

اعملى معجون من كميات متساوية من البيكينج صودا والمية ، وافرديه على وشك، بعد كده اعملى مساج لوشك والماسك عليه لحوالى دقيقة قبل ما تشطفى وشك بالمية، كررى الماسك كل 3 أو 4 أيام   وتجنب استخدامه بشكل يومى لانه البيكينج صودا ممكن تتسبب فى جفاف البشرة . ونفس الطريقة بتعتبر مفيدة فى علاج حب الشباب كمان، 5 استخدامات وفوايد البيكنج صودا .. اكتشفيهم .

اعرفى معانا كمان ازاي تتخلصي من المسام السودا في الرجل بطرق طبيعية ؟