بالخطوات : ماسك القهوة للعيون و التخلص من الهالات السوداء

بقلمآية حسان فيبشرة visibility50010

فى منتجات عيون كتيرة ومختلفة للاهتمام بمنطقة الجلد حول العيون و علاج الهالات السوداء زى الكريمات و حقن تحت العين و كمدات العيون الطبية و غيرها، و مشكلة المنتجات دى هى اما انها بتعمل مفعول مؤقت او مابتعملش مفعول خالص، علشان كده فى المقال ده حبينا فى بنات حوا نعرفك على وصفة من مكونين اتنين بس تضمنى بيهم مفعول طويل و قوى لعلاج الهالات السوداء و الاهتمام بالبشرة حوالين العين ، خلينا نعرف مع بعض بالخطوات  ماسك القهوة للعيون و التخلص من الهالات السوداء ..

بالخطوات : ماسك القهوة للعيون و التخلص من الهالات السوداء

التخلص من الهالات السوداء

الفوايد : 

القهوة بتحتوى على الكافيين اللى بيساعد فى حماية خلايا البشرة ضد الاشعة الفوق بنفسجية الضارة و كمان بيقلل من عملية تقدم سن البشرة و التقليل من التجاعيد المبكرة، وكمان حبوب القهوة ليها خصائص ضد الالتهابات اللى بتساعد على تقليل الاحمرار و بتساعدك فى شد البشرة، و الكافيين  بيعزز من الدورة الدموية للبشرة و بيقلل الالتهابات اللى فى الاخر بتتحول الى هالات سوداء و ترهلات تحت العين او under eye bags.

كمان زيت جوز الهند بيرطب البشرة تحت العين، و بيحافظ عليها ناعمة و بيمنع جفاف الجلد تحت العين و بيمنع التجاعيد، الماسك ده مع الاستخدام المنتظم بيرطب البشرة حوالين العين و بيخليها ناعمة و متوازنة و بيقلل من الانتفاخات والجيوب و بيقلل الهالات السودا و بيمنع التجاعيد المبكرة و بيقلل من ظهور التجاعيد لو موجودة اصلا.

الحاجات اللى هتحتاجيها : 

معلقتين أكل من البن و معلقتين أكل من زيت جوز الهند extra virgin coconut oil.

الحاجات اللى هتحتاجيها

طريقة التحضير: 

1- علشان تعملى ماسك القهوة، حطى معلقتين أكل من البن فى بولة او علبة صغيرة و حطى عليهم معلقتين من جوز الهند ، لو عايزة تزودى الكمية مفيش مشكلة بس تبقى المكونات بكميات متساوية. 

2-  قلبى المكونات مع بعضها كويس و اتأكدى انهم متجانسين.

3- دلوقتى ، نضفى وشك كويس اوى و بعد كده حطى ماسك العيون، وسيبيه 15 دقيقة ، اعملى مساج بالماسك تحت عينيكى لمدة حوالى 3 او 4 دقايق و بعد كده امسحى الماسك.

ممكن كمان تنامى بيه او تغسليه بعد مرور الوقت المحدد فورا باستخدام مياة فاترة او منظف لطيف على البشرة .

اعرفى معانا كمان طريقة سيروم القهوة للعين لعلاج الهالات السودا والانتفاخات .