طريقة عمل فراخ في الفرن بالثوم والبطاطس

صينية فراخ في الفرن بالثوم والبطاطس اكلة سريعة ومش هتاخد منك وقت وسهلة, وطعمها لذيذ جدا اكيد هتجربوها معانا, تعالوا نشوف مع بعض المقادير وخطوات التحضير.

فراخ في الفرن بالثوم والبطاطس:

المقادير:

– من 6 – 8 اوراك فراخ بالعضم.

– 450 جرام بطاطس متقطعة مكعبات.

– بصلة متقطعة مكعبات.

– 2 معلقة كبيرة زيت زيتون.

– 2 معلقة صغيرة ثوم مفروم.

– ½ معلقة صغيرة شطة.

– 2 معلقة كبيرة بصل اخضر متقطع.

– ملح – فلفل.

فراخ في الفرن بالثوم والبطاطس
فراخ في الفرن بالثوم والبطاطس

طريقة التحضير:

1- اول حاجة سخني الفرن على درجة حرارة 200 درجة مئوية لمدة من 15 – 20 دقيقة قبل ما تحطي الفراخ.

2- دلوقتي عقبال ما الفرن تسخن هنحضر الفراخ, في طبق كبير حطي اوراك الفراخ مع البطاطس وتبليهم بالثوم والملح والفلفل والشطة, اخلطيهم كويس جدا مع بعض لحد ما تتأكدي ان الفراخ كلها والبطاطس اتغطت بكل التوابل.

فراخ في الفرن بالثوم والبطاطس
فراخ في الفرن بالثوم والبطاطس

3- حطي الفراخ والبطاطس في صينية الفرن وحطي معاها البصل المتقطع, ورشي عليها زيت الزيتون.

فراخ في الفرن بالثوم والبطاطس
فراخ في الفرن بالثوم والبطاطس

4- حطي الصينية في الفرن لحد ما الفراخ تستوي, هياخد في الفرن حوالي من 25 – 30 دقيقة, بعدها ممكن تشغلي عليها الشواية من فوق لمدة من 2 – 3 دقايق عشان تخليها كرسبي من بره.

فراخ في الفرن بالثوم والبطاطس
فراخ في الفرن بالثوم والبطاطس

5- طلعيها من الفرن وغطيها بالفويل وسيبيها ترتاح لمدة من 5 – 10 دقايق, بعدها حطيها في طبق التقديم ورشي عليها من فوق البصل الاخضر وعصير ليمون.

فراخ في الفرن بالثوم والبطاطس
فراخ في الفرن بالثوم والبطاطس

ملحوظة: وقت الطهي ممكن يختلف على حسب حجم وسمك الفراخ والبطاطس, وممكن لو عايزة تحضريها من قبلها, تخلطي الفراخ مع البطاطس وتتبليها وتحفظيها في كيس مغلق في التلاجة او في الفريزر, ولما تحبي تسويها اي وقت طلعيها وضيفي لها البصل والزيت ودخليها الفرن.

بيكاتا الفراخ مع شرائح الليمون 

بيكاتا الفراخ مع شرائح الليمون
بيكاتا الفراخ مع شرائح الليمون