7 حيل تخدعي بيهم المخ هتخليكي تستعيدي نشاطك بسرعة لو كنتي مرهقة

ريهام محمود
ريهام محمود
في
صحة
3390

ساعات بتعدي علينا اوقات بنحس بارهاق اثناء اليوم وبيبقى لسه عندنا مهام وحاجات نعملها لكن معندناش نشاط او طاقة كفاية عشان نكمل يومنا وفي العادة معظمنا بيتجه لشرب القهوة او مشروبات الطاقة عشان نقدر نستعيد نشاطنا ونكمل يومنا, لكن النهاردة من خلال موضوعنا احنا هنقولك على حاجات مختلفة و حيل تجددي بيهم نشاطك وتزودي طاقتك في ثواني وتقدري تكملي يومك.

حيل تجددي بيهم نشاطك:

1- كلي ليمون:

الطعم الحامض او المزازة اللي في الليمون بتساعد جدا على استعادة النشاط وبتدي طاقة, عشان كده اول ما تحسي انك مرهقة هاتي ليمونة كليها.

حيل تجددي بيهم نشاطك 1
حيل تجددي بيهم نشاطك 1

2- اغسلي وشك بمية باردة:

لو حسيتي انك جفونة تقيلة وحاسه انك عايزة تنامي ومرهقة اسهل حاجة تعمليها ممكن تفوقك في ثواني انك تغسلي وشك بمية باردة الحيلة دي هتخليكي تستعيدي نشاطك بشكل فوري, وحيلة كمان انك تجيبي مكعب تلج وتحطيه على مؤخرة الرقبة هتعمل نفس المفعول.

حيل تجددي بيهم نشاطك 2
حيل تجددي بيهم نشاطك 2

3- صبي مية باردة على المعصم:

صبي مية باردة على منطقة المعصم الحركة دي ليها نفس تأثير غسل الوش بالمية الباردة, لو انتي بره البيت وحاطة ميك اب ومش عايزة تلخبطيه او تغسلي وشك الحيلة دي تعتبر بديلة للحيلة اللي فاتت.

حيل تجددي بيهم نشاطك 3
حيل تجددي بيهم نشاطك 3

4- اعملي مساج للودان:

الحيلة دي طريقة صينية قديمة بيستخدموها اثناء ممارسة التأمل عشان يتجنبوا النوم او النعاس, اقرصي شحمة الودن بقوة, لان كده انتي بتضغطي على النقط النشطة اللي هتساعدك تستعيدي طاقتك.

حيل تجددي بيهم نشاطك 4
حيل تجددي بيهم نشاطك 4

5- التثاؤب بالقوة:

التثاؤب هو طريقة طبيعية لتبريد الدماغ, لان احنا لما بنكون تعبانين او مرهقين بترتفع درجة حرارة الدماغ, والتثاؤب يعتبر وسيلة لتبريد الدماغ بطريقة طبيعية, كرري التثاؤب من 7 – 10 مرات ورا بعض, ده هيساعد على تنشيط المخ.

حيل تجددي بيهم نشاطك 5
حيل تجددي بيهم نشاطك 5

6- امضغي اي حاجة:

خلي الفم مشغول وحركيه انك تمضغي اي حاجة تكون بطعم نعناع قوي, الطريقة دي فعالة جدا في ايقاظ المخ وبتخليكي تستعيدي طاقتك ونشاطك على طول, ولو هتاكلي اي وجبة خفيفة بره زي السلطة او الساندوتشات حاولي تكون من غير بصل ني لانه يعتبر مهديء طبيعي وهيعمل معاكي نتيجة عكسية ويخليكي تحسي انك عايزة تنامي.

حيل تجددي بيهم نشاطك 6
حيل تجددي بيهم نشاطك 6

7- شدي عضلاتك:

اعملي 20 مرة Push-ups او ببساطة شدي عضلاتك او اعملي لها تمدد بقوة على قد ما تقدري لمدة 30 ثانية, دي كمان تعتبر حيلة هايلة جدا لتنشيط الجسم .

حيل تجددي بيهم نشاطك 7
حيل تجددي بيهم نشاطك 7

– تنعيم الايد بسرعة:

بما اننا بنتكلم على الحيل اللي بتجيب نتايج سريعة وفورية في اخر موضوعنا هنقولك على وصفة سريعة لتغذية بشرة الايد وتنعيمها جدا بشكل فوري, هاتي بصلة اقطعيها قطع صغيرة او ابشريها وخدي منها العصير بتاعها واخلطي عليه شوية عسل نحل, حطي الخليط على ايدك وسيبيه 10 دقايق وبعدها اغسليه بمية باردة.

حيل تجددي بيهم نشاطك 8
حيل تجددي بيهم نشاطك 8

10 حاجات لازم تعمليهم كل يوم قبل الساعة 10 الصبح عشان تحسني يومك

عادات صباحية
عادات صباحية

مقالات متعلقه

ازاي تزودي قدرة جسمك على التحمل بشكل طبيعي من خلال الاكل

ازاي تزودي قدرة جسمك على التحمل بشكل طبيعي من خلال الاكل

6 حاجات هتساعدك تحافظي على نشاطك طول اليوم  من غير ما تشربي قهوة

6 حاجات هتساعدك تحافظي على نشاطك طول اليوم من غير ما تشربي قهوة

13 حيلة صباحية عشان تبدأي يومك صح

13 حيلة صباحية عشان تبدأي يومك صح