افضل 10 تمارين هتساعدك على زيادة الوزن

ريهام محمود
ريهام محمود
44464

زي ما في اشخاص بيدوروا على تخسيس الوزن في كمان اللي بيحاول يزود وزنه, ومن الحاجات المفيدة جدا لاكتساب وزن هي الرياضة اهم حاجة هي اختيار التمارين الرياضية المناسبة بجانب النظام الغذائي, لان في الحالة دي الاكل هيتحول لكتلة عضلية هتساعد على بناء الجسم بشكل صحي, لان الاعتماد على الاكل بس ممكن يوصلنا لشكل جسم مش مثالي وتراكم دهون لكن مع الرياضة والاكل مع بعض هتوصلي لشكل جسم مثالي وصحي في نفس الوقت, ومطلوب انك تمارسي الرياضة بشكل معقول لانه من واحد من اهم جوانب اكتساب الوزن, والنهاردة من خلال موضوعنا هنقولك على افضل 10 تمارين لزيادة الوزن للنساء.

تمارين لزيادة الوزن:

1- تمرين ال Push-Ups:

تمرين ال Push up او الدفع يعتبر واحد من التمارين الفعالة اللي ممكن تساعدك على اكتساب وزن, والتمرين ده مثالي جدا لزيادة الوزن في الجزء العلوي من الجسم لانه بيشتغل اكتر على عضلات الجسم العلوية.

تمارين لزيادة الوزن 1
تمارين لزيادة الوزن 1

2- تمارين الايروبكس منخفضة القوة:

النوع ده من التمارين بيعتمد على استنشاق الاكسجين واخراج ثاني اكسيد الكربون اثناء التمرينات, وده بيساعد على تحفيز الشهية وتعزيز عملية الايض او التمثيل الغذائي, وبالتالي ده بيأدي في النهاية لزيادة الوزن.

تمارين لزيادة الوزن 2
تمارين لزيادة الوزن 2

3- السباحة:

السباحة تعتبر من انواع تمارين القلب والاوعية الدموية او اللي بنسميها تمارين الكارديو, وهي تعتبر فعالة في زيادة الوزن, لان بعد السباحة بتزيد الشهية جدا وهتبقي حاسه انك جعانة وعايزة تاكلي كتير, زي بالظبط لما بنكون في البحر وبنعوم كتير بعد ما بتخرجي من المية بتحسي بالجوع وانك عايزة تاكلي لانك عملتي مجهود, وده اكيد هيأدي لزيادة الوزن.

تمارين لزيادة الوزن 3
تمارين لزيادة الوزن 3

4- الجري:

الجري زي السباحة بالظبط هو من تمارين القلب والاوعية الدموية, وليه قدرة على تعزيز او زيادة عملية التمثيل الغذائي, اللي هتأدي لاضافة كتلة عضلية للجسم, وده هيطور عند الشخص عملية هضم الوجبات التقيلة بسهولة واكتساب كمية عالية من البروتين اثناء عملية التمثيل الغذائي.

تمارين لزيادة الوزن 4
تمارين لزيادة الوزن 4

5- تمرين Lunges And Squats:

تمارين السكوات وال Lunges من التمارين الممتازة لزيادة الوزن, وهتكون اختيارك المثالي لو عايزة زيادة وزن في منطقة الوركين, والمؤخرة, والساقين, والمنطقة المحيطة بالساقين تعتبر اكبر منطقة عضلية في الجسم, وتقدري تكسبي فيها عضلات اكتر من خلال ممارسة التمارين دي.

تمارين لزيادة الوزن 5
تمارين لزيادة الوزن 5

شوفي من هنا 20 اكلة هتساعد على تكبير المؤخرة بشكل فعال.

6- تمرين Bench Press:

التمرين ده كمان يعتبر من التمرينات الفعالة في زيادة الوزن حوالين منطقة الصدر الداخلية والخارجية اكتر من منطقة الكتفين.

تمارين لزيادة الوزن 6
تمارين لزيادة الوزن 6

7- تمرين Deadlifts:

التمرين ده من التمارين الممتازة والفعالة جدا لزيادة الوزن, لكن الافضل انه يتعمل مع مدرب او متخصص عشان يتعمل بطريقة صح لانه بيعتمد على شيل الاوزان الثقيلة بمساعدة الذراعين والضهر والساقين مع بعض.

تمارين لزيادة الوزن 7
تمارين لزيادة الوزن 7

8- اليوجا:

اليوجا بتعتمد على اختيار الوضعية الصح والتنفس بشكل صح, وده مش بس بيساعد في زيادة الوزن من خلال احياء او تنشيط الشهية, كمان بيريح العقل وبيصفيه وده بيساعد بشكل غير مباشر في اكتساب الوزن, ومن اكتر وضعيات اليوجا الفعالة اللي بتساعد على زيادة الوزن هي Sarvang asana, vajra asana, bhujang asana and matsya Asana.

تمارين لزيادة الوزن 8
تمارين لزيادة الوزن 8

9- تمرين Pull-Ups:

التمرين ده بيكون فعال اكتر لما بيتعمل باستخدام بار, والتمرين ده زي تمرين ال Push ups بيساعد على زيادة الوزن حوالين منطقة الكتف والصدر.

تمارين لزيادة الوزن 9
تمارين لزيادة الوزن 9

10- تمرين Upright Barbell Rows And Dumbbell Shoulder Press:

التمارين دي فعالة جدا لاكتساب كتلة عضلات في الجزء العلوي من الجسم, ومساعدة الجسم النحيف بشكل عام في اكتساب لياقة بدنية كويسة, والتمارين دي لزيادة الوزن المفروض تعمليها بشكل متكرر في مجموعات وتقدري تعمليها في البيت باستخدام الدامبلز او ازازة مية صغيرة مليانة مية لو مش متوفر دامبلز.

تمارين لزيادة الوزن 10
تمارين لزيادة الوزن 10

في النهاية عشان تزودي وزنك ركزي على نمو العضلات بالتمارين مع الاكل اللي بيحتوي على سعرات حرارية عالية, ممكن تعملي كل التمارين اللي قولناها لزيادة الوزن في كل اجزاء الجسم, او تختاري منها لو عايزة تزودي وزن في اماكن معينة بس, والتمارين هتجيب نتيجة كويسة في زيادة الوزن بالانتظام عليها فترة عشان تبان النتيجة.

شوفي من هنا افضل 6 وجبات فطار هتساعدك على زيادة الوزن.

ممكن نشوف من خلال الفيديو خطة تمارين كاملة لزيادة الوزن:

نظام غذائي لزيادة الوزن

نظام غذائي لزيادة الوزن
نظام غذائي لزيادة الوزن

مقالات متعلقه

اطعمة لزيادة الوزن للاطفال بشكل صحي

اطعمة لزيادة الوزن للاطفال بشكل صحي

10 وجبات خفيفة سهلة هتساعدك على زيادة الوزن بشكل صحي

10 وجبات خفيفة سهلة هتساعدك على زيادة الوزن بشكل صحي

طرق لزيادة الوزن بسرعة وبشكل صحي

طرق لزيادة الوزن بسرعة وبشكل صحي