اعملي الماسك ده قبل النوم هيغير لون بشرتك ويحسنها بشكل فوري
كلنا اكيد بنبقى عايزين بشرتنا منورة وشكلها صحي, وده اكيد بيجي بالاهتمام والعناية المستمرة للبشرة, والنهاردة من خلال موضوعنا هنساعد كل بنات حوا في المهمة دي, وهنقولك ماسك لبشرة فاتحة وصحية بشكل فوري, وهتلاحظي الفرق من اول استخدام, والماسك بسيط وسهل وهتعمليه في خطوتين بس.
ماسك لبشرة فاتحة وصحية:
1- الخطوة الاولى:
اول حاجة نضفي بشرتك كويس اغسليها, وامسحيها بقطعة قطن فيها مية ورد.
دلوقتي هنحضر سكراب للبشرة في طبق صغير اخلطي 2 معلقة ارز مطحون, مع 3 معالق عصير خيار, وشوية كركم صغيرين على طرف المعلقة بس, قلبي المكونات وامزجيهم كويس.
حطي الخليط على البشرة, دلكي بيه بشرتك لمدة 5 دقايق في حركات دائرية, وبعدين اغسليه بالمية.
2- الخطوة التانية:
في طبق صغير اخلطي معلقتين خشب صندل مطحون “هنلاقيه عند العطار”, مع 2 معلقة مية ورد, ومعلقة عسل نحل, قلبيهم مع بعض كويس.
حطي الخليط على البشرة وسيبيه لمدة 15 دقيقة, وبعدها اغسلي بشرتك بالمية.
اخر خطوة امسحيها بالتونر, وحطي كريم مرطب مناسب لبشرتك.