7 تمارين هتغير جسمك كله في 4 اسابيع بس

ريهام محمود
ريهام محمود
19323

النهاردة جايبين لكل بنات حوا مجموعة تمارين هتغير جسمك في 4 اسابيع بس تقدري تعمليهم في البيت من غير ما تضطري تروحي الجيم او حتى تستخدمي معدات خاصة, كل اللي هتحتاجيه بس قوة ارادة وانتظام, و10 دقايق من وقتك كل يوم.

تمارين هتغير جسمك في 4 اسابيع:

1- تمرين ال Plank:

طريقة التمرين: التمرين ده بيعتمد على الثبات, هتثبتي الجسم في الوضع الصحيح, حافظي على ضهرك مفرود, ورجلك جنب بعض مفرودة, والجسم كله مفرود من غير انحناء او تقوس.

النتيجة: لو عملتي التمرين بشكل صح زي ما هو باين قدامنا في الصورة كده, هيشتغل تقريبا على كل عضلات الجسم البطن, والضهر, والارداف, والساقين, والذراعين, وبيحسن شكل الجسم والعضلات بشكل عام.

تمارين هتغير جسمك في 4 اسابيع 1
تمارين هتغير جسمك في 4 اسابيع 1

2- تمرين ال Push-ups:

طريقة التمرين: افردي جسمك واسندي بالذراعين على الارض, وانزلي بجسمك على قد ما تقدري, واتأكدي اثناء النزول ان ضهرك مفرود, والحوض والساقين في خط مستقيم, وبعدين ارجعي للوضع الاول.

النتيجة: بيشتغل على عضلات الصدر, والذراعين, وعضلات البطن.

تمارين هتغير جسمك في 4 اسابيع 2
تمارين هتغير جسمك في 4 اسابيع 2

3- تمرين لعضلات الفخد والارداف Thight And Buttocks:

طريقة التمرين: اسندي على الارض بالذراعين والركبتين, افردي رجلك الشمال مع الذراع اليمين في خط مستقيم, وبعدين انحني ببطء, لحد ما كوعك اليمين يلمس ركبتك الشمال, ارجعي للوضع الاول, وبعدين بدلي الرجل والذراع التاني.

النتيجة: التمرين ده كويس جدا للجذع, وعضلات الورك, وبيقوي عضلات الضهر والارداف والوسط.

تمارين هتغير جسمك في 4 اسابيع 3
تمارين هتغير جسمك في 4 اسابيع 3

4- تمرين السكوات Squats:

طريقة التمرين: اقفي بشكل مستقيم وخلي الساقين بعيد عن بعض شوية, وانزلي لتحت بجسمك كأنك هتقعدي على كرسي, وخلي ركبتك والقدمين على نفس الخط وضهرك مستقيم, وممكن عشان تحافظي على التوازن ارفعي ايدك قدامك, وبعد ما تنزلي ارجعي للوضع الاول.

النتيجة: بيقوي عضلات الارداف, والفخدين, والكاحلين.

تمارين هتغير جسمك في 4 اسابيع 4
تمارين هتغير جسمك في 4 اسابيع 4

5- تمرين للبطن Abs:

طريقة التمرين: نامي على الارض على ضهرك, والذراعين مفرودين فوق راسك, والركبتين مرفوعين, ارفعي الجزء العلوي من جسمك ببطء باستخدام الذراعين بشكل مستقيم, والمسي صوابع القدم, وبعدين ارجعي ببطء للوضع الاول.

النتيجة: بيقوي العضلات الاساسية, وبيحرق الدهون في منطقة البطن.

تمارين هتغير جسمك في 4 اسابيع 5
تمارين هتغير جسمك في 4 اسابيع 5

6- تمرين للبطن والارداف Abs + Buttocks:

طريقة التمرين: اسندي بايدك ورجلك على الارض, وارفعي الساق لفوق لاعلي مستوى ممكن, وبعدين ابدأي نزلي الجزء العلوي من الجسم من غير ما ترفعي كعب رجلك التانية عن الارض.

النتيجة: بيقوي عضلات الوسط, وتقاسيم البطن, والارداف.

تمارين هتغير جسمك في 4 اسابيع 6
تمارين هتغير جسمك في 4 اسابيع 6

7- تمرين للوسط والضهر Waist:

طريقة التمرين: نامي على الارض على بطنك, اتني الذراعين وحطيهم تحت راسك, ارفعي الجزء العلوي من جسمك على قد ما تقدري, وخليكي على الوضع ده لمدة ثانية, وبعدين ارجعي ببطء للوضع الاول.

النتيجة: بيقوي عضلات البطن, وبيحسن وبيقوي عضلات العمود الفقري.

تمارين هتغير جسمك في 4 اسابيع 7
تمارين هتغير جسمك في 4 اسابيع 7

– جدول للتمارين:

9 غلطات بتعمليهم في الرياضة بتخليكي متوصليش للجسم اللي بتحلمي بيه

غلطات في الرياضة بتخلي وزنك مينزلش
غلطات في الرياضة بتخلي وزنك مينزلش

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن