موضة اكسسوارات الشعر لربيع و صيف 2018 summer HAIR ACCESSORY

الاهتمام بالشعر مش بس انك تستخدميله شامبو كويس و تهتمى بروتين صحى للشعر، لاء.. الاهتمام بالشعر لازم يكون كمان معناه انك تهتمى بشكله و بتسريحته وبالاكسسوارات اللى بتزينى بيها شعرك علشان تبينى جماله و تبرزى صحته و حلاوته، لانه شعر البنت هو تاجها و مفيش شك انك لازم تهتمى بيه بشكل كبير، وعلشان احنا فى بنات حوا بيهمنا انك تبقى عارفه كل الجديد فى تفاصيل شكلك و حياتك، فى المقال ده بنات حوا هتعرفك بالتفصيل على موضة اكسسوارات الشعر لربيع و صيف 2018 summer HAIR ACCESSORY ، خلينا نبدأ سوا .. 

موضة اكسسوارات الشعر لربيع و صيف 2018 summer HAIR ACCESSORY

1. SAFETY PIN CLIP :

اول شكل معانا من أشكال اكسسوارات الشعر فى موضة 2018 هو بنسة الشعر على شكل دبوس او الـ safety pin clip ، اللون الدهبى منها بيعتبر موضة جدا و بيديكى لوك كيوت و مختلف. 

2. OVERSIZED BARRETTE :

بتعتبر قطعة اكسسوارات شعر كلاسيكية وبتديكى شكل مختلف بحجمها الكبير ، مناسبة أكتر للبنات اللى شعرهم طويل. 

3. TORTOISESHELL CHIGNON STICK:

الـ shingnon stick ماتعتبرش قطعة اكسسوارات جديدة أوى لاننا بنعرفها من سنين، مناسبة لتسريحة شعر عملية للشغل  او التمرين، خصوصا لو مفيش وقت لتسريحة شعر و عايزة تلميه بسرعه و خلاص. 

4. GOLD LEAF CLUSTER HEADBAND:

قطعة اكسسوارات شعر ليها طابع رومانسي شوية و ده بيخليها مثالية للعرايس فى يوم فرحهم او مع تسريحة شعر مرفوعة مع فستان سهرة. 

5. GOLD HEART CLIP:

الشكل او الستايل ده من اكسسوارات الشعر بيعتبر جديد شوية، لكنه رغم بساطته شيك جدا و هيبقى شكله حلو اوى مع hair updo او ديل حصان طويل. 

6. HANDMADE GOLD HAIRPIN:

مفيش عندك اكسسوار شعر شكله مناسب او زهقتى من اللى عندك، هاتى بنسة شعر عادية وزينيها بأى حاجة تحبيها من لولى او قطعة معدنية على شكل ورقة شجرة زى اللى فى الصورة او حتى فيونكة صغيرة، و بكده تبقى عملتى قطعة اكسسوارات جاهزة و على الموضة! 

7. TURQUOISE AND BRASS BARRETTE :

بتعتبر statement piece مثالية وفريدة جدا فى شكلها، وتقدرى تلمى بيها أطراف شعرك بطريقة شيك وأنيقة. 

8. THIN GOLD BAR HAIR CLIP:

قطعة اكسسوارات بسيطة لكن هتدى تسريحة شعرك أناقة كبيرة مهما كانت سهلة من غير تفاصيل او مجهود كبير. 

9. INFINITY HAIR CLIP:

الاكسسوارت على شكل infinity بقالها فترة كبيرة trendy جدا سواء فى الخواتم او السلاسل او الأساور، ودلوقتى هتشوفيها كمان فى اكسسوارات الشعر و بتتميز بأن حجمها صغير ووزنها خفيف يعنى تقريبا مش هتحسي بيها خالص.

10. SILK PONY BRAIDER:

القطعة دى هتساعدك تعملى احلى ضفيرة فى شعرك و تديها لمسة modern. 

11. CRYSTAL LEAF HEADBAND :

بتعتبر قطعة مناسبة علشان تضيفى لمسة من الجمال و الـ elegance لتسريحة شعر العروسة فى الصيف خصوصا لو كان الفرح بالنهار، هتقدرى من خلالها تتباهى بجمال تسريحتك من غير ما تجذبى النظر كله ليها.

12. GOLD OUTLINE HAIR CLIP:

قطعة مميزة جدا لو عايزة تلمى شعرك من الجنب علشان تبينى الحلق بتاعك من غير مجهود، كمان هتلاقيها بأشكال مختلفة و حلوة جدا. 

شوفى معانا كمان افضل اكسسوارات شعر ليوم فرحك لكل طول شعر