9 حيل ونصايح من المتخصصين عشان تحافظي على شعرك نضيف وصحي وشكله حلو اطول فترة

ريهام محمود
ريهام محمود
في
شعر
2069

معظم البنات بيعانوا من مشكلة ان الشعر بيكون بعد غسيله بيوم شكله حلو ونضيف وتاني يوم او مجرد ما يمر عليه يومين نلاقي مظهره بقى مزيت وشكله مش حلو وبيضطروا يغسلوه يمكن بشكل يومي وغسيل الشعر كتير بشكل متكرر بيضعفه وبيخليه جاف ويفقد رطوبته لان الشعر مش بيتغذى من الزيوت الطبيعية اللي بتفرزها فروة الراس, عشان كده النهاردة من خلال موضوعنا هنقول لبنات حوا نصايح تحافظي بيهم على شعرك نضيف وصحي وشكله حلو لاطول فترة.

نصايح تحافظي بيهم على شعرك نضيف وصحي:

1- حطي الشامبو زي المحترفين:

– اول حاجة درجة حرارة المية لازم تكون مناسبة مش سخنة اوي, ممكن تخليها على 37 درجة مئوية, اقفي تحت الدش لمدة دقيقة عشان تتأكدي ان شعرك اتبل كويس.

– خدي الشامبو على ايدك كمية في حجم قطعة نقدية معدنية كبيرة, وافركيها في ايديك الاتنين, وبعدين حطي الشامبو على شعرك في حركات دائرية, من اعلى الراس لتحت.

– شطف الشعر بالشامبو بياخد وقت اكتر من تطبيقه, والمتخصصين بينصحوا تغسلي الشعر من الشامبو لمدة 5 دقايق, لان لو في بقايا شامبو فضلت على الشعر ممكن تسبب جفاف الشعر وتخلي لونه باهت, وممكن تسبب قشرة.

– وبينصحوا كمان ان تكون اخر شطفة للشعر بمية باردة, ده هيساعد على تقوية الشعر وهيخليه يحافظ على رطوبته ولمعانه.

نصايح تحافظي بيهم على شعرك نضيف وصحي 1
نصايح تحافظي بيهم على شعرك نضيف وصحي 1

2- تسريحات الشعر اليومية:

اختيار تسريحات الشعر اليومية ممكن يخلينا نغسل شعرنا بشكل اقل, ممكن في اول الاسبوع تسيبي شعرك, وفي نص الاسبوع تلميه ديل حصان.

نصايح تحافظي بيهم على شعرك نضيف وصحي 2
نصايح تحافظي بيهم على شعرك نضيف وصحي 2

3- استخدمي المرمرية:

المرمرية من الاعشاب المفيدة جدا اللي بتساعد على تنضيف الشعر الدهني, وبيهدي فروة الراس وبيعالج الالتهابات, ضيفي 4 معالق مرمرية جافة ل 1 لتر مية مغلية سيبيها منقوعة شوية وبعدين لما تبرد اشطفي بيها الشعر بعد الشامبو, وبعدها اشطفي شعرك بمية باردة نضيفة.

نصايح تحافظي بيهم على شعرك نضيف وصحي 3
نصايح تحافظي بيهم على شعرك نضيف وصحي 3

4- جدول غسيل الشعر:

لو بتغسلي شعرك كل يوم يبقى لازم تغيري العادة دي بالتدريج لان مع مرور الوقت بتنخفض كثافة الغدد الدهنية, ابدأي قللي عدد غسيل الشعر بالتدريج ممكن اول شهر تغسليه يوم ويوم, وتاني شهر كل يومين, وتالت شهر كل 3 ايام.

نصايح تحافظي بيهم على شعرك نضيف وصحي 4
نصايح تحافظي بيهم على شعرك نضيف وصحي 4

5- استخدمي الشامبو الجاف قبل التمارين:

لو بتستخدمي الشامبو الجاف بعد التمارين الرياضية عشان تنضفيه هيبقى الموضوع مش مفيد لان بعد التمارين الشعر هيبقى دهني اوي وهيبقى مافيش حل معاه غير انك تغسليه, عشان كده الافضل انك تستخدمي الشامبو الجاف قبل التمرين عشان يمتص كل العرق اثناء التمرين.

نصايح تحافظي بيهم على شعرك نضيف وصحي 5
نصايح تحافظي بيهم على شعرك نضيف وصحي 5

شوفي من هنا ازاي تعملي الشامبو الجاف في البيت بنفسك.

6- جدول تغيير كيس المخدة:

مهم جدا انك تنامي على كيس مخدة نضيف لان مع مرور الوقت هيتراكم على المخدة خلايا البشرة الميتة, والمكياج وهيخلق بيئة لنمو البكتيريا, وعشان نحافظ على صحة شعرنا وكمان بشرتنا لازم نغير اكياس المخدات بشكل منتظم على الاقل مرة واحدة في الاسبوع, ولو شعرك دهني اوي الافضل تغيري كيس المخدة مرتين في الاسبوع.

نصايح تحافظي بيهم على شعرك نضيف وصحي 6
نصايح تحافظي بيهم على شعرك نضيف وصحي 6

7- محلول لمنع دهون الشعر:

عصير الليمون من الحاجات اللي بتساعد على منع الدهون الزيادة في الشعر, وهيحافظ على شعرك منتعش وبيلمع, اخلطي عصير ليمونة مع لتر مية, واشطفي شعرك بالخليط ده, وحطيها على الشعر ببطء مع تدليك جذور الشعر في نفس الوقت.

نصايح تحافظي بيهم على شعرك نضيف وصحي 7
نصايح تحافظي بيهم على شعرك نضيف وصحي 7

8- تسريحات الشعر العالية:

تسريحات الشعر العالية بتحافظ على الشعر فريش ونضيف لاطول فترة, وانتي في البيت قبل ما تنزلي ارفعي الشعر كحكة عالية شوية, وفكيها قبل ما تنزلي, الحيلة دي هتدي Volume للشعر.

نصايح تحافظي بيهم على شعرك نضيف وصحي 8
نصايح تحافظي بيهم على شعرك نضيف وصحي 8

9- العناية العميقة لفروة الراس:

معظم منتجات الشعر التقيلة زي الماسكات او البلسم او حمام الكريم في الغالب بتستخدم لاطراف الشعر, ولكن مافيش عناية كافية بفروة الراس, عشان كده ضروري نعمل ماسك تقشير عميق لفروة الراس عشان نمنع الدهون الزيادة, والافضل انك متحطيش الماسك من فوق وخلاص, لكن قسمي الشعر وحطيه بين خصلات الشعر ودلكي فروة الراس.

نصايح تحافظي بيهم على شعرك نضيف وصحي 9
نصايح تحافظي بيهم على شعرك نضيف وصحي 9

– اختبار صحة الشعر:

في اختبار بسيط ممكن تعمليه عشان تعرفي درجة تلف الشعر, خطي خصلة واحدة من الشعر وحطيها في كوباية مية نضيفة, لو الشعراية طفت على وش المية يبقى كده شعرك صحي وكويس, لو نزلت تحت يبقى كده شعرك مش صحي ومحتاج علاج وعناية اكتر.

نصايح تحافظي بيهم على شعرك نضيف وصحي 10
نصايح تحافظي بيهم على شعرك نضيف وصحي 10

أسوأ 10 حاجات بتعمليهم لشعرك بيتسببوا في ضرره وتلفه..وازاي تتجنبيهم

أسوأ حاجات بتعمليها بتضر شعرك
أسوأ حاجات بتعمليها بتضر شعرك

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

12 حيلة بسيطة هتساعدك يبقى مظهرك صحي وجميلة من غير مجهود

12 حيلة بسيطة هتساعدك يبقى مظهرك صحي وجميلة من غير مجهود

7 نصايح هندية هتساعدك على تكثيف ولمعان شعرك

7 نصايح هندية هتساعدك على تكثيف ولمعان شعرك