طريقة عمل بيج ماك تشيز برجر بالمكرونة

ريهام محمود
ريهام محمود
1254

لو انتي من عشاق البرجر والمكرونة النهاردة في وصفتنا جمعنالك الاتنين في وصفة واحد, وهنقولك طريقة عمل بيج ماك تشيز برجر بالمكرونة.

طريقة عمل بيج ماك تشيز برجر بالمكرونة:

– مقادير المكرونة والجبنة:

3 معالق كبيرة زبدة.

3 معالق كبيرة دقيق.

1 ½ كوب لبن كامل الدسم.

¼ معلقة صغيرة شطة.

ملح – فلفل.

½ جبنة شيدر متقطعة.

260 جرام مكرونة مسلوقة.

– مقادير البرجر:

680 جرام لحمة مفرومة.

4 شرايح جبنة.

4 عيش كيزر.

– الصوص:

4 معالق كبيرة كاتشب.

1 معلقة كبيرة مايونيز.

2 معلقة صغيرة مسطردة.

بيج ماك تشيز برجر بالمكرونة 1
بيج ماك تشيز برجر بالمكرونة 1

– الطريقة:

1- في طاسة كبيرة حطي الزبدة على نار متوسطة, لما الزبدة تدوب, ضيفي الدقيق وقلبيه لحد ما لونه يبقى دهبي فاتح, ضيفي اللبن والملح والفلفل والشطة, قلبيهم وسيبيهم مع بعض 5 دقايق.

بيج ماك تشيز برجر بالمكرونة 2
بيج ماك تشيز برجر بالمكرونة 2

2- ضيفي الجبنة للخليط وقلبيهم لحد ما الجبنة تدوب, بعدها ضيفي المكرونة المسلوقة, وقلبيها لحد ما تمزجي كل المكونات مع بعض, ارفعيها من على النار وصبيها في صينية بيركس او صيني مدهونة زبدة ساويها في الصينية كويس وحطيها في التلاجة حوالي ساعتين لحد ما تبقى متماسكة كويس.

بيج ماك تشيز برجر بالمكرونة 3
بيج ماك تشيز برجر بالمكرونة 3

3- دلوقتي هنحضر البرجر, قسمي اللحمة المفرومة ل 8 كور متساوية, وقسمي المكرونة قطع صغيرة , اللحمة المفرومة اللي قسمتيها خدي كل كورة افرديها بايدك وحطي في النص قطعة من المكرونة وحطي فوقيها قطعة لحمة كمان واقفليها كويس, ورشي عليها من فوق ملح وفلفل.

بيج ماك تشيز برجر بالمكرونة 4
بيج ماك تشيز برجر بالمكرونة 4

4- سخني طاسة على النار على حرارة متوسطة, وحطي البرجر على الجنبين لمدة 5 دقايق لكل جنب او لحد ما يستوي كويس معاكي, لما تكون تقريبا استوت حطي عليها من فوق شريحة الجبنة عشان تسيح.

بيج ماك تشيز برجر بالمكرونة 5
بيج ماك تشيز برجر بالمكرونة 5

5- في طبق صغير اخلطي كل مكونات الصوص الكاتشب مع المايونيز مع المسطردة, قلبيهم كويس مع بعض, حطي البرجر في العيش الكيزر, حطي فوقيه طبقة من الصوص.

بيج ماك تشيز برجر بالمكرونة 6
بيج ماك تشيز برجر بالمكرونة 6

وكده يبقى البرجر بتاعنا جاهز ياللا جربوه وشاركونا تجاربكم.

وصفة المكرونة بالجبنة السريعة بالفيديو والخطوات

وصفة المكرونة بالجبنة السريعة creamy Macaroni and Cheese بالفيديو و الخطوات
وصفة المكرونة بالجبنة السريعة creamy Macaroni and Cheese بالفيديو و الخطوات

مقالات متعلقه

طريقة عمل وصفة ميني ساندوتش جبنة مشوية مع الطماطم المجففة اللذيذة

طريقة عمل وصفة ميني ساندوتش جبنة مشوية مع الطماطم المجففة اللذيذة

وصفة كرات لحم الديك الرومي اللذيذة

وصفة كرات لحم الديك الرومي اللذيذة

وصفة سوفليه البيض الهش على الطريقة اليابانية

وصفة سوفليه البيض الهش على الطريقة اليابانية