16 حاجة هتحصل لجسمك لو اكلتي كل يوم موزتين لمدة 30 يوم
الموز يعتبر واحد من اهم الاطعمة الصحية والمغذية, وبيحتوي على اعلى نسبة من البوتاسيوم, ولو اكلتي كل يوم موزتين هيمد جسمك بكمية كبيرة جدا من المواد المضادة للاكسدة, اللي بتساعد على محاربة الخلايا السرطانية في الجسم, وكل ما زادت كمية الموز اللي بتاكليها كل ما ارتفعت مستويات مضادات الاكسدة المضادة للسرطان, وارتفعت نسبة المغذيات, ايه هي الفوايد التانية من اكل الموز ؟ ده اللي هنعرفه النهاردة من خلال موضوعنا هنقولك فوايد الموز الصحية وايه اللي هيحصل لجسمك لو اكلتي موزتين كل يوم وبشكل خاص الموز المستوي اللي بتكون قشرته فيها نقط سودا.
فوايد الموز الصحية:
1- بيحارب الاكتئاب:
الاشخاص اللي بيعانوا دايما من الاكتئاب, وبيكون عندهم مستويات السيروتونين منخفضة في المخ, الموز بيحتوي على مستوى عالي من التربتوفان اللي بيتحول بعد كده لهرمون السيروتونين, وبالتالي بيساعد على تخفيف اعراض الاكتئاب.
2- بيزود الطاقة:
الموز بيحتوي على 3 انواع سكريات طبيعية وهي الفركتوز والجلوكوز والسكروز, ودي تعتبر جرعة كبيرة من الالياف, والمغذيات دي هتوفرلك كمية كبيرة من الطاقة, موزتين بس ممكن يدوكي طاقة كافية لممارسة الرياضة لمدة 90 دقيقة.
3- بيساعد على تخسيس الوزن:
ثمرة الموز بتحتوي على كمية قليلة من السعرات الحرارية حوالي 100 سعر حراري بس, عشان كده يعتبر الموز الاختيار المناسب للاشخاص اللي عايزين يخسروا وزن, كمان ثمرة الموز بتحتوي على 3 جرام من الالياف وده بيساعد على الشعور بالشبع لفترة طويلة, وبيقلل من الرغبة في الاكل.
اعرفي من هنا ازاي تخسسي وزنك بالموز.
4- مفيد للمخ:
الموز بيطلق او بينشر الطاقة ببطء, وده بيساعد المخ انه يبقى في حالة يقظة ومنتبه لفترة اطول, لان مستويات البوتاسيوم العالية الموجودة في الموز بتساعد المخ انه يبقى منتبه اكتر, والمغنسيوم بيساعد المخ على التركيز.
5- بيحافظ على التوازن بين الهرمونات:
الموز بيساعد على تحقيق التوازن بين هرمونات الجسم, ولان الموز بيحتوي على نسبة عالية من البوتاسيوم وفيتامين B6 فيعتبر مصدر هايل جدا للمواد الغذائية اللازمة لانتاج الهرمون.
6- تخفيف حرقة المعدة:
ارتفاع مستويات البوتاسيوم في الموز بتساعد على التخفيف من حموضة المعدة, والالياف الموجودة فيه بتساعد على الهضم, والاتنين ليهم فايدة كبيرة جدا في التخفيف من حرقة المعدة.
7- خفض ضغط الدم:
اثبتت الابحاث ان اكل موزتين يوميا ممكن انه يخفض ضغط الدم بنسبة 10% للاشخاص اللي بيعانوا من مشاكل ضغط الدم, والموز بيحتوي على نسبة منخفضة من الصوديوم ونسبة عالية من البوتاسيوم, وده بيخليه اختيار غذائي ممتاز جدا.
8- بيحافظ على صحة الدم:
الموز بيحتوي على كمية كبيرة من الحديد وده بالتالي هيحافظ على صحة الدم وهيمنع خطر الاصابة بفقر الدم او الانيميا, كمان الموز بيحتوي على مستويات عالية من B6 اللي بتساعد على انتاج خلايا الدم البيضاء.
9- مفيد للعضم:
المواد الغذائية الموجودة في الموز بتساعد على بناء والحفاظ على العضم قوي, لانها بتساعد على زيادة امتصاص الكالسيوم.
10- مكافحة الامراض:
الموز يحتوي على مستوى عالي من المواد المضادة للاكسدة, وبيحمي الخلايا ضد الجذور الحرة اللي ممكن تسبب امراض زي امراض القلب والسكر والسرطان, وتلف العضلات والانسجة.
11- بيساعد على الاقلاع عن التدخين:
الموز بيحتوي على مزيج قوي من البوتاسيوم والمغنسيوم وفيتامين B6 والعناصر الغذائية دي معروفة انها بتقلل من اعراض انسحاب النيكوتين, وبالتالي اكل الموز هيساعد الاشخاص المدخنين انهم يبطلوا التدخين بشكل اسهل.
12- علاج قرحة المعدة:
اثبتت الابحاث ان الموز بيساعد على علاج قرحة المعدة, لانه بيحتوي على عنصر سيتويندوسيدس اللي بيساعد على منع وشفاء القرحة.
13- بيخفف من الامساك:
الموز لانه بيحتوي على نسبة عالية من الالياف ده بيساعد على ظبط حركة الامعاء, وزي ما قولنا انه بيساعد على الهضم وبالتالي ده ممكن يساعد على تخفيف الامساك.
14- منع اضطرابات المخ:
الموز زي ما قولنا غني جدا بالمغنسيوم وده بيساعد على تحويل الاحماض الدهنية لاوميجا 3, والعلماء اكتشفوا ان في صلة ما بين نقص الاوميجا 3 والاضطرابات العصبية زي الزهايمر, والموز كمان بيحتوي على مستوى عالي من فيتامينات B اللي بتساعد على الوقاية من مرض باركنسون او المعروف بالشلل الرعاش.
15- تحسين الذاكرة:
الموز بيساعد على تحسين والحفاظ على الذاكرة بسبب المستويات العالية من التربتوفان والبوتاسيوم والمغنسيوم الموجودة فيه.
16- بيحافظ على صحة القلب:
الموز لانه بيحتوي على مستويات عالية من المواد الغذائية والفيتامينات, وبيحتوي على نسبة عالية من البوتاسيوم ونسبة منخفضة من الصوديوم ده يعتبر من اهم الحاجات اللي بتحافظ على صحة القلب, بالاضافة للالياف, وفيتامين C, و B6, اللي بتساعد على تحسين صحة القلب وبتقلل من خطر الاصابة بأمراض القلب والاوعية الدموية.
فوايد واستخدامات الموز للبشرة والشعر
