ازاى تخلى عينيكى تبان اكبر من حجمها الطبيعى فى خطوات بسيطة .

مكياج العيون بيعتبر خطوة من اهم الخطوات فى اى روتين مكياج لأى لوك بنعمله، ومفيش شك انه كل بنت فينا بتحلم انه عينيها تبقى واسعة و معبرة علشان تخطف كل الناس بجمالها، ولانه بنات حوا يهمها توفرلك دايما كل اللى انتى محتاجة تعرفيه فى المقال ده اعرفى معانا ازاى تخلى عينيكى تبان اكبر من حجمها الطبيعى فى خطوات بسيطة وبمنتهى السهولة ، خلينا نبدأ على طول .. 

ازاى تخلى عينيكى تبان اكبر من حجمها الطبيعى فى خطوات بسيطة ..

النصيحة الاولى : 

ماترسميش خط الايلاينر على طول مساحة الجفن ، لانه ده هيبين عينيكى اضيق و اصغر، ارسمى الخط من بعد بداية العين بشوية ” قريب من منتصف الجفن” و مديه لحد الأخر لفوق مش لتحت علشان الجفن العلوى للعين مايبانش واقع ، و بعدين ارسمى الجناح بالشكل اللى تحبيه و حاولى يبقى لفوق برده وممكن كمان تستخدمى تكنيك الدمج مع الايلاينر او الـ اسهل طريقة لرسم السمدج ايلينر فى 4 خطوات

النصيحة التانية : 

علشان عينيكى تبان اكبر لأى حد يبصلك،استخدمى الكحل و الايشادو الابيض، وممكن تستخدميه على زوايا العين لداخلية و الخارجية كمان علشان توسعى عينيكى، كمان الكحل الابيض هيضيعاى مظاهر ارهاق او تعب على عينيكى. 

النصيحة التالتة : 

الايشادو و الرموش السميكة و الكثيفة كمان هتساعدك انه عينيكى تبان واسعة، وده مش معناه انه بالضرورة لازم تستخدمى درجات والوان الايشادو الاسود او الغامقة، بالعكس مكن تستخدمى  الوان غنية و واضحة و كمان تقدرى تستخدمى الالوان النيود و الـ skin tones ، و العبى على تضارب الالوان علشان تقدرى تعملى contrast يخلى عينيكى تبان و اسعة و  bright، الوان الايشادو من درجات الاحضر و الازرق بتعتبر مثالية للعيون الصغيرة فى موضة الربيع و الصيف الجاية. 

النصيحة الرابعة : 

جربى تستخدمى كمان الـ neutral shade tones او درجات الالوان المحايدة على تجعد الجفن العلوي للعين ، علشان تساعدى عينيكى انها تبان عميقة و واسعة اكتر. 

وبكده تكونى عرفتى معانا بنصايح بسيطة و سهلة ازاى تخلى عينكى تبان اوسع من غير اى مجهود او تعب، اعرفى معانا كمان 10 حيل ونصايح بالمكياج تخلي بيهم عينك اوسع .