حاجات هتحصل لبشرتك لما تقررى تبطلى تشربي قهوة .. ايه هى ؟

آية حسان
آية حسان
في
بشرة
1397

 أوقات كتير لما بنروح لدكاترة الجلدية او لمتخصصين العناية بالبشرة بسبب وجود حب الشباب او التهابات البشرة و الوجه، بتبقى اول نصيحة يقولوهالنا هى ” بطلى تشربى قهوة” ! وفى معظم الأوقات بنهمل النصيحة دى و مابننفذهاش علشان القهوة بتعتبر شئ أساسي فى حياة كتير مننا و مابنعرفش نبدأ يومنا من غيرها، لكن احنا فى بنات حوا قررنا نجرب النصيحة دى و نشاركك النتيجة، فى المقال ده هنعرف مع بعض ايه هى الحاجات اللى  هتحصل لبشرتك لما تقررى تبطلى تشربي قهوة .. خلينا نشوف مع بعض . 

حاجات هتحصل لبشرتك لما تقررى تبطلى تشربي قهوة .. ايه هى ؟

كتير بنسمع انه لما الناس بتبطل حاجات معينة زى السكر، منتجات القمح ، منتجات الالبا ن او القهوة بيلاحظوا تغييرات كبيرة فى جسمهم و بشرتهم، ورغم انه انه مفيش دراسات مثبتة تأكد انه فى تأثير سئ للقهوة على البشرة، لكن القهوة ليها تأثير على هرمونات الجسم و باالتالى ممكن تسبب ظهور حبوب او زيادة الالتهابات فى الحبوب الموجودة اصلا، او تتسبب فى زيادتها..

1- ازاى تبطلى تشربى قهوة ؟ 

معظم الدكاترة المتخصصين فى الجلدية بينصحوا انه تتخلى عن شرب القهوة تماما لمدة شهر علشان تبدأى تلاحظى النتائج، طبعا فنجان القهوة بتاع كل يوم الصبح هيوحشك و يمكن يفرق فى مودك فى اول كام يوم ، لكن بمرور الوقت هتتعودى .

حبوب الشباب اللى بتطلعلنا فى الوجه غالبا بتبقى ليها علاقة بالهرمونات، علشان كده حاولى تربطى التجربة دى بالوقت اللى بيبقى فيه انتشار الحبوب فى وشك فى أصعب شكل، ماتتوقعيش معجزة فورا طبعا، لانه احتمال بعد أول اسبوع ماتلاحظيش فرق كبير ، وممكن ده يستمر لتانى أسبوع مع انتشار الحبوب فى وشك مرة تانية، لكن خليكى متفائلة وكملى التجربة . 

ازاى تبطلى تشربى قهوة
ازاى تبطلى تشربى قهوة

2- النتيجة : 

الحبوب هتبتدى تختفى مع الاسبوع التالت، و هتلاحظى انه بشرتك هيبقى شكلها أنعم و شكلها طبيعى و صحى أكتر، حتى الحبوب الصغيرة اللى غالبا بتفضل او بتسيب علامة هتلاحظى انه هى كمان بدأت تختفى، وكمان البثور بدأت تصغر و ماتبقاش متلاحظة اوى زى الاول و هتلاحظى تغيير فى مستوى ترطيب بشرتك خصوصا فى المناطق الجافة حوالين الفم و الانف. 

النتيجة
النتيجة

النتيجة

3-هل الموضوع يستحق؟

الواقع بيقول انه لما تقررى تبطلى تشربي قهوة بشرتك مش هتتحول بشكل سحرى وتبقى من غير اى عيوب فى 3 أسابيع بس ! لكن الموضوع يستحق فعلا لانه لو قدرتى تستغنى عن القهوة فى حياتك ، على المدى الطويل هتلاحظى تغييرات و تحسن كبير جدا فى بشرتك.

هل الموضوع يستحق؟
هل الموضوع يستحق؟

هل الموضوع يستحق؟

4- ايه تأثير عدم شرب القهوة : 

قرار عدم شرب القهوة ممكن يبقى له تأثير على مودك و صحتك زى انه يديكى احساس بالتعب او النرفزة او انك تبقى مش قادرة تشتغلى و تركزى، لانه أعراض الانسحاب من الكافيين تقدر تسبب احساس كبير بالارهاق و التعب ، لكن على صحة بشرتك التأثير هيبقى ايجابى جدا على المدى الطويل. 

ايه تأثير عدم شرب القهوة
ايه تأثير عدم شرب القهوة

اعرفى معانا كمان ازاى القهوة بتأثر على جسمك و عقلك فى 6 ساعات بس من وقت ما تشربيها!

مقالات متعلقه

9 نصايح تخليكى تقدرى تشحنى طاقتك طول الاسبوع و تتجنبى الاجهاد

9 نصايح تخليكى تقدرى تشحنى طاقتك طول الاسبوع و تتجنبى الاجهاد

بالخطوات : ماسك القهوة للعيون و التخلص من الهالات السوداء

بالخطوات : ماسك القهوة للعيون و التخلص من الهالات السوداء

حللي شخصيتك من نوع القهوة اللى بتحبيها !

حللي شخصيتك من نوع القهوة اللى بتحبيها !