ضيفي ال 3 مكونات دول للشامبو واتخلصي من تساقط الشعر نهائيا
تساقط الشعر ليه اسباب كتير جدا منها مثلا الرجيم, انقطاع الدورة الشهرية, الحمل, الاجهاد, الحالة النفسية وغيرها من الاسباب اللي ممكن تسبب تساقط الشعر, لكن ايا كان سبب المشكلة, النهاردة من خلال موضوعنا هنقولك على طريقة طبيعية لعلاج تساقط الشعر والتخلص منه بشكل نهائي ب 3 مكونات بس.
طريقة طبيعية لعلاج تساقط الشعر:
– طريقتنا النهاردة هي عبارة عن اضافة 3 مكونات للشامبو, لكن اول حاجة لازم نستخدم شامبو خفيف على الشعر وانسب اختيار هيكون شامبو الاطفال ممكن نستخدم شامبو جونسون, وهنضيف له 3 مكونات.
1- اول مكون زيت الروز ماري او اكليل الجبل, الزيت بيساعد على تحسين الدورة الدموية في فروة الراس, وبيساعد على تقوية الشعر.
2- تاني مكون هو زيت الليمون, الليمون ليه خصائص مطهرة, وكمان بيدي ريحة حلوة ومنعشة للشعر.
3- تالت مكون هو كبسولات فيتامين E, اللي بتساعد على وقف تساقط الشعر.
– طريقة التحضير:
هنجيب الشامبو ونضيف له 10 نقط من زيت الليمون, و10 نقط من زيت اكليل الجبل, و2 كبسولة من فيتامين E, اقفلي ازازة الشامبو ورجيها كويس عشان تخلطي كل المكونات مع بعض.
– طريقة الاستخدام:
حطي الشامبو على الشعر ودلكي الشعر وفروة الراس كويس جدا, سيبيه على الشعر لمدة 10 دقايق, وبعدها اغسليه بمية دافية, وبعدها اخر شطفة بمية باردة.
ولافضل نتايج استخدمي الشامبو يوم ويوم, مع الانتظام هتلاحظي نتايج هايلة جدا وان شعرك بدأ في النمو بشكل اقوى وصحي اكتر بعد كام اسبوع من الاستخدام.
انتي محتاجة تاكلي الخلطة دي لو بتعاني من تساقط الشعر وضوافرك ضعيفة بتتكسر ومش بتنامي كويس
