بالصور .. موضة شنط الضهر الجلد و القطيفة velvet and leather back bags

شنط الضهر عملية جدا  وبقت تعتبر اساسية دلوقتى فى ستايل معظم البنات سواء فى الكلية او فى الشغل، وده لانه مفهوم الـ back bag اتغير كتير عن زمان و مابقتش شبه شنطة المدرسة خلاص، دلوقتى تقدرى تلاقى ستايلات و اشكال كتيرة من الـ back bags بخامات و تصاميم مختلفة تناسب خروجاتك فى معظم الاوقات خصوصا لما بتحتاجى تعملى لوك عملى لكن فى نفس الوقت عصري وشيك، وعلشان احنا فى بنات حوا يهمنا انه يوصلك كل جديد فى عالم الموضة و الازياء أول بأول، فى المقال ده هتعرفى معانا موضة شنطة الضهر بخامات الجلد و القطيفة و الشامواه  velvet and leather back bags trends ، خلينا نبدأ مع بعض على طول.

بالصور .. موضة شنط الضهر الجلد و القطيفة velvet and leather back bags

زى ما قلنا، شنطة الضهر بقت تعتبر قطعة اكسسوارات اساسية جدا و محبوبة عند عدد كبير من البنات، خصوصا لو لسه جايبة واحدة جديدة تنورى بيها اللوك بتاعك، بتبقى حلوة جدا و بتديكى احساس البنوتة الصغيرة اللى رايحة المدرسة وفى نفس الوقت بتضيف لمسة من العصرية و الشياكة لمعظم الستايلات اللى ممكن تعتمدى عليها فى الـ outfits بتاعتك، شنطة ضهر stylish تقدر ترفع من مستوى اى لوك بتعمليه و تخليه يبان و يظهر، الشنط  من خامات زى الجلد و القطيفة نازلة بقوة على ساحة الموضة و الازياء و هتلاقيها متوفرة بأشكال و مقاسات مختلفة بكل سهولة، خصوصا فى الالوان زى المارون ، الجراى، الاسود ، والبيج ، والابيض و الجملى. 

تقدرى تعملى بالنوع ده من الشنط لوك كاجوال و semi – formal وهتبقى عملية و مفيدة ليكى فى المشاوير الطويلة و اوقات السفر وده لانها بتبقى واسعه و تقدرى تجمعى فيها كل الحاجات اللى ممكن تحتاجيها ، علشان كده لازم يبقى عندك منها على الاقل قطعة فى دولابك .. 

ودلوقتى خلينا نشوف مع بعض البوم كامل لموضة شنط الضهر .. 

تقدرى تتعرفى معانا كمان على  grafea backpacks موضة شنطة الضهر بستايل grafea